मेन्छियाम हाइड्रोपावरको आईपीओ बाँडफाँट

मेन्छियाम हाइड्रोपावरको आइपिओ बाँडफाँट भएको छ । कम्पनीले नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगारी गरिरहेका नेपालीका लागि निष्कासन गरेको आईपीओ बाँडफाँट गरेको हो । एनआइसी एशिया क्यापिटलको निष्कासन तथा बिक्री प्रबन्धकत्वमा निष्कासन गरिएको उक्त आईपीओ मंगलबार बाँडफाँट भएको हो ।

उक्त आईपीओमा रितपूर्वक १६ हजार ८०७ जना आवेदकबाट ४ लाख ३७ हजार ९१० कित्ता सेयरका लागि आवेदन प्राप्त भएकोमा गोलाप्रथाको माध्यमबाट १० कित्तादेखि एक हजार कित्ता सेयर माग गर्ने १० हजार ८५१ जना आवेदनकर्ता छनौट गरी १० कित्ताको दरले १ लाख ८ हजार ५१० कित्ता सेर बाँडफाँड गरिएको हो ।

बाँकी रहेको ७ कित्ता सेयर २० कित्तादेखि एक हजार कित्ता सेयर आवेदन गर्ने आवेदकहरूमध्ये सेयर पर्न सफल आवेदकहरूलाई पुनः गोलाप्रथाको माध्यमबाट थप १ कित्ता सेयरका दरले ७ कित्ता सेयर ७ जना आवेदकहरूलाई बाँडफाँट गरिएको छ । कम्पनीले नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा रोजगारी गरिरहेका नेपालीलाई छुट्याइएको साधारण सेयर फागुन १० गतेदेखि फागुन २५ गतेसम्म निष्कासन तथा बिक्री खुला गरिएको थियो ।

कम्पनीले वैदेशिक रोजगारमा रहेका नेपालीहरुबाट नेपाल धितोपत्र बोर्डबाट स्वीकृत विवरणपत्र अनुसार १ लाख ८ हजार ५१७ कित्ता सेयरको लागि आवेदन खुला गरिएकोमा १८ हजार १०७ जना आवेदकबाट ४ लाख ९९ हजार ७५० कित्ता सेयरको लागि आवेदन प्राप्त भएको थियो । जसमध्ये एक हजार २९६ जना आवेदकबाट प्राप्त ६१ हजार ६७० कित्ता सेयरको लागि आवेदन रद्द गरे पश्चात बाँकी रहेको १६ हजार ८११ जना आवेदकका ४ लाख ३८ हजार ८० कित्ता सेयरको लागि अन्तिम आवेदन प्राप्त भएको थियो ।