नेप्से परिसूचक ७७.०१ अंकले गिरावट «

नेप्से परिसूचक ७७.०१ अंकले गिरावट

साताको पहिलो कारोबारको दिन सोमबार नेप्से परिसूचक उच्च अंकले गिरावट आएको छ । रोल…
आईतबार सार्वजनिक बिदा परेकाले नेप्से कारोबार भएको थिएन । सोमबार भएको कारोबारमा नेप्से परिसूचक ७७.०१ अंकले घटेर १९१५.६१ बिन्दुमा झरेको छ । त्यस्तै, सेन्सेटिभ इण्डेक्स १३.०३ अंकले घटेको छ भने फ्लोट इण्डेक्स ५.५६ अंक र सेन्सेटिभ फ्लोट इण्डेक्स ५.०९ अंकले घटेको छ ।
सोमबार कारोबारमा आएका २२७ कम्पनीको ६३ लाख १३ हजार ६४१ कित्ता सेयर २ अर्ब ३२ करोड ५६ लाख ४१ हजार २२ रुपैयाँ बराबरको सेयर कारोबार भएको छ ।
नेप्सेका १३ वटै उपसमूहको परिसूचकमा गिरावट आएको छ । जसमा सबै भन्दा बढी व्यापार उपसमूहको ५.७८ प्रतिशतले घटेको छ । त्यस्तै,फाइनान्स उपसमूहको परिसूचक ५.७३ अंकले गिरावट आएको छ भने जलविद्युत उपसमूहको पनि ५.१९ प्रतिशतले गिरावट आएको छ । बाँकी अन्य उपसमूहको सेयर मूल्य ४ प्रतिशतसम्म गिरावट आएको छ । सोमबार कारोबारमा आएको ग्रामिण विकास लद्युवित्त वित्तीय संस्थाको सेयरमूल्य नकारात्मक सर्किट लेभलमा कारोबार भएको छ ।

प्रतिक्रिया दिनुहोस्