राष्ट्रियसभा सदस्यको कार्यकाल गोलाप्रथाबाट तय
प्रकाशित मिति : असार ५, २०७५ मंगलबार
राष्ट्रिय सभा सदस्यहरूको कार्यकाल गोलाप्रथाबाट तय भएको छ । सोमबार नयाँ बानेश्वरस्थित संघीय संसदको ल्होत्से हलमा भएको गोलाप्रथामा सांसद आफैंले तानेको गोलाबाट कार्यकाल तय भएको हो । जसअनुसार राष्ट्रिय सभाका अध्यक्ष गणेश तिमल्सिना पूरै कार्यकाल अर्थात् ६ वर्ष नै रहनेछन् भने उपाध्यक्ष शशिकला दाहाल ४ वर्ष राष्ट्रिसभामा रहनेछिन् ।
राष्ट्रिय सभामा धेरै कार्यकाल पाउनेमा सत्तारुढ दल नेपाल कम्युनिष्ट पार्टी (ने क पा)का तर्फबाट सदस्य भएकाहरू छन् भने चार वर्षपछि राष्ट्रियसभामा कांग्रेसका ४ जनामात्र सदस्य रहनेछन् । राष्ट्रिय सभा ५९ सदस्यीय छ ।
गृहमन्त्री रामबहादुर थापाको कार्यकाल ६ वर्षकै रहने भएको छ भने अर्थमन्त्री युवराज खतिवडा भने २ वर्षमात्र राष्ट्रिय सभामा रहनेछन् । खतिवडा राष्ट्रपतिको तर्फबाट राष्ट्रिय सभामा मनोनित भएका थिए । राष्ट्रियसभाको कार्यकाल सकिएसँगै उनी अर्थमन्त्रीबाट पनि हट्ने छन् ।
नेपालको संविधानको धारा ८६ को उपधारा (३) को प्रतिबन्धात्मक वाक्यांश तथा राष्ट्रिय सभा नियमावली, ०७५ को नियम २०८ मा नेपालको संविधान प्रारम्भ भएपछि पहिलो पटकको लागि राष्ट्रिय सभा सदस्यको पदावधि गोला प्रथाद्वारा दुई, चार र ६ वर्ष कायम गर्ने व्यवस्थाअनुसार गोलाप्रथाबाट कार्यकाल तय गरिएको संघीय संसदका महासचिव मनोहरप्रसाद भट्टराईले जानकारी दिए ।
कांग्रेसका ४ मात्र ६ वर्षसम्म
नेपाली कांग्रेसका तर्फबाट प्रतिनिधित्व गर्ने १३ मध्ये ४ सांसद मात्र राष्ट्रियसभामा पूरा कार्यकाल रहनेछन् । ७ जना सांसदको कार्यकाल २ वर्षमात्र हुने छ भने २ जनाको कार्यकाल ४ वर्षको रहनेछ । राष्ट्रियसभामा कांग्रेस संसदीय दलका नेता सुरेन्द्र पाण्डे र सचेतक सरिता प्रसाईको कार्यकाल २ वर्षमात्र हुनेछ । बद्री पाण्डे, मुक्ताकुमारी यादव, धना खतिवडा र वृन्दा रानाको कार्यकाल २ वर्षको मात्र हुनेछ भने राधेश्याम अधिकारी र तारादेवी भट्टको कार्यकाल ४ वर्षको हुनेछ । जितेन्द्र देव, प्रकाश पन्थ, अनिता देवकोटा र रमेशजंग रायमाझीको कार्यकाल भने ६ वर्षको हुने छ ।
|
कसकोे पदावधि कति ? खुलातर्फ दलिततर्फ अपांगता तथा अल्पसंख्यकतर्फ प्रदेश नम्बर २ खुलातर्फ दलिततर्फ अपांगता तथा अल्पसंख्यकतर्फ प्रदेश नम्बर ३ खुलातर्फ दलिततर्फ प्रदेश नम्बर ४ खुलातर्फ दलिततर्फ अपांगता तथा अल्पसंख्यकतर्फ प्रदेश नम्बर ५ खुलातर्फ दलिततर्फ अपांगता तथा अल्पसंख्यक कर्णाली प्रदेश खुलातर्फ दलिततर्फ अपांगता तथा अल्पसंख्यकतर्फ प्रदेश नम्बर ७ खुला तर्फ दलिततर्फ राष्ट्रपतिबाट मनोनित |