अमेरिकी क्षेत्रको एनआरएनए क्षेत्रीय ज्ञान भेला «

अमेरिकी क्षेत्रको एनआरएनए क्षेत्रीय ज्ञान भेला

अमेरिकी क्षेत्रका लागि एनआरएनए क्षेत्रीय भेला सेप्टेम्बर ५ र ६ का लागि तोकिएको छ । उक्त क्षेत्रीय भेलामा एक दिन ज्ञान भेला सञ्चालन गर्न हालै डाक्टर लक्ष्मी पाठकको संयोजकत्वमा डाक्टर आमोद पोख्रेल र वैज्ञानिक नारायण घिमिरे सम्मिलित विज्ञ समूह गठन भएको थियो ।
एनआरएनए अमेरिकी क्षेत्रको क्षेत्रीय सम्मेलन मूल आयोजन समितिअन्तर्गत गठित स्वतन्त्र विज्ञको रूपमा काम गर्ने विज्ञ समितिले सम्मेलनका लागि आठ क्षेत्र निर्धारण गरी हरेक क्षेत्रका विषय विज्ञहरूलाई सम्बन्धित विषयको ज्ञान गोष्ठीको सभापति समेत तोकेको छ ।
हामीलाई प्राप्त सूचनाअनुसार गत सोमबार बेलुकी अमेरिकी क्षेत्रका लागि गठित एनआरएनए विज्ञ समूह वा थिंक टैंक ग्रुपको औपचारिक बैठक बस्यो । उक्त औपचारिक बैठकले आयोजित ज्ञान सम्मेलनमा आफ्नो कार्यपत्र प्रस्तुत गर्न चाहने नर्थ अमेरिकी क्षेत्रका (अमेरिका, क्यानाडा, मेक्सिको आदि) तेइस मुलुकमा बसोबास गर्ने नेपाली मूलका नेपाली विज्ञ ड़ाएस्पोराहरूबाट अगस्ट २० भित्र आफ्नो कार्यपत्रको सारांश अथवा एब्सट्रयाक्ट तोकिएको ढाँचामा इमेलमार्फत पठाउन भनिएको छ ।
एनआरएनएको अमेरिकी विज्ञ समूहले पेस गरिएका कार्यपत्रमा प्रत्येक सत्रमा चारवटा कार्यपत्र समावेश गर्ने समय उपलब्ध गरिएको बताइन्छ । पेस गरिएको कार्यपत्रहरू सबैलाई अगस्ट २५ भित्र उक्त कार्यपत्र आयोजित सत्रमा प्रस्तुतिको लागि स्वीकृत भएको हो वा नेपाल सरकार र नेपालको योजना आयोगमा प्रस्तुत गर्न तैयारी गर्न लागिएको कन्फरेन्स डिक्लरेसन र ह्वाइट पेपरमा संलग्न गर्नका लागि छनोटमा परेको हो भन्नेबारे जानकारी गराइने बताइएको छ ।
अनलाइन जुमबाट बसेको एनआरएनए अमेरिकी विज्ञ समूहको बैठकले ज्ञान आदान–प्रदान गोष्ठी जुम प्रविधि प्रयोग गरी एकै साथ तीनवटा समानान्तर सेसनमार्फत अनलाइनमा गर्ने, जसमा एक कार्यपत्र क्यानाडा, एक अमेरिका र एक अमेरिकी क्षेत्र तथा अर्को नेपालबाट समावेश गर्न प्राथमिकता दिने नीति लिएको खुलेको छ । जसमा जेन्डर ब्यालेन्सका लागि समेत कोसिस गर्ने नीति राखिएको बुझिन्छ ।
एनआरएनए क्षेत्रीय संयोजन समितिले तोकेको विज्ञ समूहको औपचारिक निर्णयअनुसार अनुसार पहिलो सेसनअन्तर्गत कोभिड–१९ र यसले अर्थ तन्त्रमा पर्ने असर शीर्षकअन्तर्गत कानुनविद् दिल्ली भट्ट, अमेरिकास पब्लिक हेल्थ एन्ड मेडिसिनमा डाक्टर श्याम थापा, अमेरिकास र नलेज एन्ड स्किल इन नर्सिङ प्राक्टिसमा नर्स पार्वती पाण्डे क्यानाडा तोकिएका छन् ।

दोस्रो समानान्तर सेसनमा इञ्जिनियरिङ, पूर्वाधार विकास र सार्वजनिक सुरक्षामा इन्जिनियर केदार श्रेष्ठ, इनर्जी, वातावरण, विज्ञान तथा प्रविधिमा वातावरण पत्रकार सहजमान श्रेष्ठ, अमेरिकास र शिक्षा, सामाजिक सुदृढीकरण र न्यायिक विकासमा डाक्टर हरि गुरुङ, क्यानाडाले सेसनको अध्यक्षता गर्नेछन् ।
तेस्रो समानान्तर सेसनमा कृषि, वन तथा एलाइड सेक्टरमा डाक्टर कृष्ण हरि गौतम, क्यानाडास र इनोभेसन, उद्यशीलाता र टेक्नोलोजी सेयारिङमा डाक्टर मनोज कार्की, अमेरिकास सेसनको अध्यक्ष हुनु । तेस्रो समानान्तर सेसनको अन्तिम तीन घण्टाको समय नेपाल (नर्थ अमेरिका बिजनेस इन्केल्ब चलाउन माग भई आएकाले त्यसको छुट्टै कार्यक्रम आउने अनुमान गरिएको छ ।
समग्रमा अमेरिकी क्षेत्रका लागि एनआरएनए क्षेत्रीय ज्ञान भेलाका लागि अमेरिका र क्यानाडाका ज्ञान भेलाका ८ अध्यक्ष र तीन भेला सहजीकरण विज्ञ गरी ११ सदस्सीय अमेरिकी क्षेत्र विज्ञ समूह गठन भएको छ ।
एनआरएनए क्यानाडा मुख्य होष्ट रहेको सेप्टेम्बर ५ र ६ को कार्यक्रममा ज्ञान सम्मेलनको लागि भने सेप्टेम्बर ६ लाई तोकिएको छ । सेप्टेम्बर ६ का लागि निर्धारित क्षेत्रीय ज्ञान भेलाका अमेरिकी विज्ञ समूहहरूको व्यक्तिगत प्रोफाइल र उक्त समूहले हालै सार्वजनिक गरेको कार्यपत्र आह्वानको बेहोरा तल जस्ताको तस्तै राखिएको छ ।

प्रतिक्रिया दिनुहोस्