पर्सा मालपोत कार्यालयमा राष्ट्रिय वाणिज्य बैंकको एक्सटेन्सन काउन्टर

प्रदेश नम्बर २, पर्सा जिल्लाको वीरगन्ज महानगरपालिका–३ स्थित मालपोत कार्यालयमा राष्ट्रिय वाणिज्य बैंक लिमिटेडको बुधबार एक समारोहकाबीच एक्सटेन्सन काउन्टरको सुरु गरिएको जनाएको छ ।
शाखा कार्यालय वीरगन्जमार्फत रहने सो एक्सटेन्सन काउन्टरबाट मालपोत कार्यालय पर्साबाट लिइने राजस्व, पुँजीगत लाभ कर, सेवा शुल्क तथा दस्तुरलगायतको रकम जम्मा गरिनेछ । शाखा कार्यालय वीरगन्जका शाखा प्रवन्धक टिकाराज रिजालको अध्यक्षतामा भएको सो एक्सटेन्सन काउन्टरको उद्घाटन बैंकका प्रदेश नम्बर २ का निमित्त प्रमुख विश्वप्रकाश ज्ञवालीले गरे ।
सो अवसरमा मालपोल कार्यालय पर्साका निमित्त प्रमुख सुमन झा, लेखापढी व्यवसायी संघ पर्साका अध्यक्ष रामआधार प्रसाद कलवार, प्रदेश नम्बर २ कार्यलयका प्रवन्धक दिनेश गौतम, शाखा कार्यालय श्रीपुरका प्रवन्धक ईश्वरीप्रसाद ढुंगेल, शाखा सहायक प्रवन्धक प्रकाश दुलाल, सरोज लामिछानेलगायतको उपस्थिति थियो । बैंकको हाल ७ प्रदेश, ७७ जिल्लामा २१९ वटा शाखा कार्यालय, २३ वटा एक्सटेन्सन काउन्टर, १ सय ७२ वटा एटीएम र ९३ वटा शाखारहित बैंकिङ छ ।