सहकारीलाई मर्यादित र प्रविधियुक्त बनाउनुपर्नेमा जोड «

सहकारीलाई मर्यादित र प्रविधियुक्त बनाउनुपर्नेमा जोड

सहकारी व्यवसायलाई मर्यादित बनाउँदै नविन प्रविधिको अवलम्बनमा जोड दिनुपर्नेमा सहकारी अभियान्ता तथा सरोकारवालाले जोड दिएका छन् ।
राष्ट्रिय सहकारी महासंघले ६५औं राष्ट्रिय सहकारी दिवसका अवसरमा शनिबार आयोजना गरेको कार्यक्रममा मर्यादित व्यवसाय र प्रविधिमा सहकारी भन्ने थिमलाई कसरी सार्थक बनाउन सकिन्छ भन्ने विषयमा सहकारी अभियान्ता र सरोकारवाल निकायले आफ्नो धारणा राखेका थिए । सो कार्यक्रममा ललितपुर महानगरपालिकाका प्रमुख प्रशासकीय अधिकृत गणेश अर्यालले थिमको विषयमा कार्यपत्र प्रस्तुत गर्दै सहकारी अभियान्ताको आचरण, व्यवहार र अनुशासित आबद्धतालाई मर्यादित बनाउनुपर्नेमा जोड दिए । उनले डिजिटल को–अपरेटिभ गर्भनेन्स र डिजिटल साक्षरतालाई फोकस गर्नुपर्नेमा समेत जोड दिएका थिए । सहकारी दिवको अववसरमा भएको कार्यक्रममा सदस्यको अधिकार, इच्छा, आवाज र निरिक्षणको सुनिश्चिताका लागि व्यसायमा नैतिकता, जवाफदेहिता, नविनतासहित सृजनात्मक रूपान्तरणका लागि सहकारीलाई मर्यादित र प्रविधियुक्त बनाउनुपर्नेमा जोड दिइएको छ ।
सहकारी विभागका रजिस्ट्रार रुद्रप्रसाद पण्डितले सहकारीले ऐन कानुनको परिपालनामा खरो उत्रिन आग्रह गदैै दण्ड र जरिवानाको अवलम्न गर्ने बताए । उनले सहकारी संघ-संस्थालाई गोएएमएलमा आबद्ध हुने आग्रह गर्दैै कोपोमिसको प्रभावकारी कार्यान्वयनले प्रविधिको अवलम्बनसहित सहकारीमा सुशासन कार्यम हुने बताए । कार्यक्रममा राष्ट्रिय योजना आयोगका सदस्य दीलबहादुर गुरुङले गुणात्मक सहकारी विकासका लागि थिम सार्थक रहेको बताउँदै विचौलियाको अन्त्य गर्दै उत्पादन र उपभोक्तालाई जोड्ने सहकारी उत्कृष्ट व्यवसाय भएको बताए । महासंघका अध्यक्ष मिनराज कँडेलले सरकारसँग मिलेर सहकारी अभियान अगाडि बढ्ने बताए । महासंघका निवर्तमान अध्यक्ष केशव बडालले सहकारीले नविन प्रविधिलाई समयमा नै ग्रहण गर्नुपर्ने बताए । महासंघका वरिष्ठ उपाध्यक्ष ओमदेवी मल्लले महासंघको १० वर्षे रणनीतिक योजनामा सहकारीलाई मर्यादित बनाउन र प्रविधिमा जोड्न के के गर्ने भन्ने विषयमा स्पष्ट उल्लेख गरेको जानकारी गराइन् । कार्यक्रममा राष्ट्रिय सहकारी विकास बोर्डका मित्रराज दवाडी, नेफ्स्कुनका अध्यक्ष परितोष पौडेल, सल्लाहकार दीपकप्रकाश बाँस्कोटा, भरत प्रधान, डा. उषा झा, रवीन्द्र केसीले सहकारीलाई मर्यादित बनाउन पनि आधुनिक प्रविधिको अवलम्बन गर्नुपर्नेमा जोड दिएका थिए ।

प्रतिक्रिया दिनुहोस्