सांग्रिला डेभलपमेण्ट बैंकको ऋणपत्र निष्कासन आजदेखि «

सांग्रिला डेभलपमेण्ट बैंकको ऋणपत्र निष्कासन आजदेखि

सांग्रिला डेभलपमेण्ट बैंकले ७५ करोड रूपैयाँ बराबरको ७ लाख ५० हजार कित्ता ऋणपत्र असार ६ गते आइतबारदेखि बिक्री गर्ने भएको छ ।
बैंकले प्रतिकित्ता एक हजार रूपैयाँ अंकित दरको कुल कित्ता ऋणपत्रमध्ये सामूहिक लगानीकोष सहित सर्वसाधारणका लागि ३ लाख कित्ता र ४ लाख ५० हजार कित्ता व्यक्तिगत तवरबाट विभिन्न संघ संस्थाहरुलाई बिक्री गर्नेछ ।


१० वर्षे अवधि तथा वार्षिक ९ प्रतिशत ब्याजदर भएको सांग्रिला डेभलपमेण्ट बैंक डिबेञ्चर २०८७ नामको यो ऋणपत्र खरीदका लागि छिटोमा असार ९ र ढिलोमा असार २० गतेसम्म आवेदन दिन सकिनेछ । यो ऋणपत्र खरीदका लागि न्यूनतम २५ कित्तादेखि अधिकतम ३ लाख कित्तासम्म आवेदन दिन सकिने व्यवस्था छ ।


बैैंकको यो ऋणपत्रलाई इक्रा नेपाल लिमिटेडले समयमै वित्तीय दायित्व पूरा गर्ने तथा कर्जा जोखिम मध्यम रहेको इक्रा एनपी डबल वि प्लस रेटिङ प्रदान गरेको छ । यो ऋणपत्र बिक्री गर्न कम्पनीले नेपाल धितोपत्र बोर्ड वैशाख ६ गते नै अनुमति पाएको हो । उक्त ऋणपत्र बिक्री प्रबन्धकमा एनआईबिएल एस क्यापिटल रहेको छ ।

प्रतिक्रिया दिनुहोस्