नर्वेको सी फुडको निर्यात कीर्तिमानी उच्च «
Logo

नर्वेको सी फुडको निर्यात कीर्तिमानी उच्च

नर्वेले गत वर्ष ९४.५ अर्ब नर्वेजियन क्रोनर अर्थात् ११.७ अर्ब डलर बराबरको २६ लाख टन सामुद्रिक खाना निर्यात गरेको नर्वेजियन सी फुड काउन्सिलले जनाएको छ । यो अघिल्लो वर्षको तुलनामा मूल्यका आधारमा ३ प्रतिशत (३ अर्ब क्रोनर) अर्थात् आयतनका आधारमा ७ प्रतिशतले बढी भएको काउन्सिलले विज्ञप्तिमार्फत जनाएको छ ।
“२०१७ नर्वेको सामुद्रिक खानेकुरा निर्यातका लागि अर्को राम्रो वर्ष कायम भएको छ,” नर्वेजियन सी फुड काउन्सिलका प्रबन्ध निर्देशक रेनेट लार्सनलाई उद्धृत गर्दै सिन्ह्वा समाचार समितिले जनाएको छ ।
“हामीले सीमापारका बजारहरू एसिया र अमेरिकामा मूल्य र आयतनका आधारमा कीर्तिमानी वृद्धि भएको पाएका छौं । यसैगरी युरोपेली संघका मुलुकमा भएको निर्यात २०१६ सँग अपरिवर्तनीय रह्यो,” उनले बताइन् ।
२०१७ मा नर्वेको सी फुडको निर्यातको कूल्य मूल्यमा ७२ प्रतिशत अन्य जलयुक्त खानेकुरा र २८ प्रतिशत माछाबाट भएको छ । आयतनका आधारमा ४० प्रतिशत वितरण अन्य जलयुक्त खानेकुरा र ६० प्रतिशत माछा मार्ने कामबाट भएको छ ।

प्रतिक्रिया दिनुहोस्