नेप्से परिसूचक २१.२६ अंकले वृद्धि «

नेप्से परिसूचक २१.२६ अंकले वृद्धि

साताको दोस्रो कारोबार दिन नेप्से परिसूचकमा वृद्धि भएको छ ।
सोमबार नेप्से परिसूचक २१.२६ अंक बढेर १९०४.४३ बिन्दुमा बन्द भएको हो । त्यस्तै, सेन्सेटिभ इण्डेक्स ४.५० अंकले बढेको छ भने फ्लोट इण्डेक्स १.३० अंक र सेन्सेटिभ फ्लोट इण्डेक्स १.४९ अंकले बढेको छ ।
सोमबार कारोबारमा आएको २२६ कम्पनीको २४ लाख ५२ हजार कित्ता सेयर ९४ करोड ६० लाख ८९ हजार रुपैयाँ बराबरको कारोबार भएको छ । आइतबारको तुलनामा सोमबार कारोबार रकम पनि बढेको छ । सोमबारमा ७७ करोडको सेयर खरिदबिक्री भएको थियो ।
सोमबार नेप्सेका १३ वटै उपसमूहको परिसूचक बढेको छ । जसमध्ये उत्पादन तथा प्रशोधन उपसमूहको परिसूचक ३.१३ प्रतिशत बढेको छ । त्यस्तै, विकास बैंक, वित्त, होटल तथा पर्यटन, जलविद्युत र अन्य उपसमूहको परिसूचक २ प्रतिशतभन्दा बढी बढेको छ ।
नेप्से परिसूचक बढेसँगै तारागाउँ रिजेन्सी होटलको सेयरमूल्य ९.८४ प्रतिशत बढेको छ । त्यसैगरी, सप्तकोसी डेभलपमेन्ट बैंकको सेयरमूल्य ८.३९ प्रतिशत बढेको छ भने बुद्धभूमि नेपाल हाइड्रोपावरको सेयरमूल्य ७ प्रतिशतभन्दा बढी बढेको छ । यसदिन शिवम सिमेन्ट्सको कारोबार १० करोडभन्दा बढीको सेयर खरिदबिक्री भएको छ ।

प्रतिक्रिया दिनुहोस्