एजेन्सी
सोमवार, पुष २८, २०७६

अमेरिकाको दक्षिणी क्षेत्रमा आएको शाक्तिशाली आँधीका कारण कम्तीमा ११ जनाको मृत्यु भएको छ । आँधीसँगै कडा हावाहुरी र बाढी पनि आएकाले मानवीय क्षति भएको अधिकारीहरुले जानकारी दिएका छन् । घटनामा परी मृत्यु भएकामध्ये एक जना प्रहरी र एक जना उद्धारकर्तासमेत रहेका जनाइएको छ । टेक्सासको लुब्बुकमा शनिबार बिहान उनीहरूको मृत्यु भएको हो । त्यसैगरी ओक्लाहोमामा पनि बाढी र वर्षासँगै आँधी आएको थियो । त्यस क्षेत्रमा खटिएको गस्ती टोलीले शनिबार दिएको जानकारीअनुसार आँधीका कारण सवारी साधनहरू बाटोमै रोकिएका थिए ।

311
एजेन्सी
सोमवार, पुष २८, २०७६

इरानमा गत साता भएको विमान दुर्घटना सम्बन्धमा आवश्यक पर्ने सबै प्रकारको सहयोग र समन्वय स्वीकार गरिने इरानका राष्ट्रपति रउहानीले बताएका छन् । राष्ट्रपति रउहानीले सो कुरा क्यानडाका प्रधानमन्त्री र युक्रेनका राष्ट्रपतिसमक्ष फोनमार्फत बताएका हुन् । इरानी राष्ट्रपति रउहानीले शनिबार क्यानडाका प्रधानमन्त्री जस्टिन टु«डो र युक्रेनका राष्ट्रपति भोलोदिमिर जेलेन्स्कीसँग फोनवार्ता गरेको इरानी समाचार समिति इर्नाले जनाएको छ ।

265
एजेन्सी
सोमवार, पुष २८, २०७६

लेबनानका नयाँ प्रधानमन्त्री हसन दियबविरुद्ध शनिबार हजारौँले सडकमा प्रदर्शन गरेका छन् । राजधानी बेरुतमा रहेको प्रधानमन्त्री दियबकै घरनजिकै पुगेर प्रदर्शनकारीहरूले प्रदर्शन गरेको जनाइएको छ । प्रधानमन्त्रीमा दियब नियुक्त भएकोमा उनीहरूले असहमति जनाएका छन् । भ्रष्ट राजनीतिक पार्टीहरूको सहयोगमा उनी प्रधानमन्त्री भएकाले उनी अस्वीकार्य भएको उनीहरूको भनाइ छ ।

251
एजेन्सी
आइतवार, पुष २७, २०७६

खुद्रा बिक्री र स्वास्थ्य सेवा फर्ममा भएको रोजगारी वृद्धिले अमेरिकी श्रम बजार लगातार १० औैं वर्षमा पनि विस्तार भएको छ । देशको ३.५ प्रतिशतको बेरोजगारी दर कीर्तिमानी न्यून कायम भएप्को छ भने आम्दानी वृद्धि भने नोभेम्बरको तुलनामा ओरालो लागेको छ । वार्षिक घन्टाको ज्याला भने २.९ प्रतिशतले मात्रै वृद्धि भएको छ । यो नोभेम्बरको ३.१ प्रतिशत वृद्धिको तुलनामा कम हो । डिसेम्बरमा रोजगारी वृद्धि अघिल्लो महिनाको तुलनामा घटेको छ ।

220
एजेन्सी
आइतवार, पुष २७, २०७६

अमेरिकी राष्ट्रपति डोनाल्ड ट्रम्पले इश्लामिक आतंकवादको विषयमा आफ्नो बयान दिएका छन् । उनले ट्वीटमा लेखेका छन्,“म राष्ट्रपति रहदा सम्म कहिले पनि अमेरिकाको दुश्मनलाई बच्ने मौका दिन्न । म अमेरिकी नागरिकको जिन्दगी बचाउनका लागि कहिले पनि संकोच मान्दिन । म कहिले पनि कट्टरपन्थी इश्लामी आतंकवादलाई हराउनका लागि काम गर्न बन्द गर्नेछैन ।”

1438
एजेन्सी
आइतवार, पुष २७, २०७६

ओमानका सुल्तान काबुस बनि सइद अल सइदको ७९ वर्षको उमेरमा निधन भएको छ । काबुस अरब जगतमा सबैभन्दा धेरै समय सुल्तान भएका छन् । ओमानका मीडियाका अनुसार सुल्तानको शुक्रबार बेलुकी भएको थियो । गत महिना उनी बेल्जियममा आफ्नो उपचार गरेर फर्किएका थिए । उनलाई क्यान्सर भएको समाचार पनि मीडियामा आएका थिए । सुल्तान काबुस १९७० मा बेलायतको समर्थनमा आफ्ना पितालाई गद्दीबाट हटाएर सुल्तान बनेका थिए । उनले ओमानकोे विकासका लागि तेलबाट हुने आम्दानीको प्रयोग गरेका थिए ।

172
एजेन्सी
शुक्रवार, पुष २५, २०७६

अमेरिकाका राष्ट्रपति डोनाल्ड ट्रम्पले पुएर्टो रिकोमा संकटकालको घोषणा गरेका छन् । अमेरिकी टापु यस क्षेत्रमा बुधबार शक्तिशाली भूकम्प आएकाले राष्ट्रपति ट्रम्पले संकटकाल घोषणा गरिएको आदेश जारी गरेका हुन् । उनले भूकम्प प्रभावितका लागि आवश्यक सम्पूर्ण सहयोग तथा उद्धारका कार्य गर्ने निर्देशन समेत आदेशमा उल्लेख गरेका छन् । राष्ट्रपति कार्यालयका अनुसार भूकम्प प्रभावितस्थलमा सवै प्रकारका राहत, उद्धार तथा व्यवस्थापनलगायतका कार्य गर्ने संयोजनकारी भूमिका निर्वाह गर्ने अधिकार वासस्थान सुरक्षा तथा संघीय आपत व्यवस्थापन निकायलाई दिइएको छ ।

867
एजेन्सी
शुक्रवार, पुष २५, २०७६

बेलायतका राजकुमार ह्यारी र उनकी पत्नीले आफूहरु वरिष्ठ शाही पदबाटा हट्ने घोषणा गरेका छन् । दम्पतीले आफूहरु आर्थिक रुपमा स्वतन्त्र हुन चाहेका उल्लेख गरेका छन् । हालैमात्र एक वक्तव्य जारी उनीहरुले यस्तो निर्णय गरेका हुन् ।

662
एजेन्सी
शुक्रवार, पुष २५, २०७६

८ जनवरीको सुरुवाती समयमा इरानले करिब दुइ दर्जन ब्यालेस्टिक मिसाइलबाट इराकस्थित अमेरिकी क्याम्पलाई निशाना बनायो र यो हमला कमाण्डर कासिम सुलेमानीको हत्याको बदलाका लागि भएको बताएको थियो । सुलेमानी गत शुक्रबार इराकको बगदाद सहरमा अमेरिकी ड्रोन आक्रमणमा मारिएका थिए । उनको मृत्यूपछि इरानले अमेरिकालाई यसको ठूलो मूल्य चुकाउनु पर्ने बताएको थियो ।

1640
एजेन्सी
बिहिवार, पुष २४, २०७६

टाटा मोटर्सको नानो कार बन्द हुने स्थितिमा पुगेको छ । कम्पनीले यो कारको उत्पादन नै बन्द गरिसकेको छ । सेयर बजारलाई दिएको जानकारीअनुसार टाटा मोटर्सले २०१९ को डिसेम्बरमा एउटा पनि नानो उत्पादन नगरेको उल्लेख गरको छ । यो महिना एउटा पनि नानो बिक्री नगरेको पनि कम्पनीले जनाएको छ । २०१८ को डिसेम्बरमा टाटा मोटर्सले ८२ वटा कार उत्पादन गरेको थियो र ८८ वटा नानो कारको बिक्री भएको थियो ।

510
एजेन्सी
बिहिवार, पुष २४, २०७६

अस्ट्रेलियामा लागिरहेको आगलागीको धूवाँ दक्षिण अमेरिकी मुलुकसम्म पुगेको छ । अधिकारीहरूले मंगलबार दिएको जानकारीअनुसार अस्ट्रेलियाको धूवाँ दक्षिण अमेरिकी मुलक उरुग्वेसम्म पुगेको छ । “यही जनवरी ६ मा दिउँसोदेखि हामीले उरुग्वेको आकाशमा धूवाँ देख्न थालेका छौं,” उरुग्वेको मौसम विज्ञान विभागद्वारा जारी वक्तव्यमा उल्लेख गरिएको छ ।

442
एजेन्सी
बिहिवार, पुष २४, २०७६

इराकस्थित अमेरिकी सैन्य आधार शिविरमा इरानले बुधबार क्षेप्यास्त्र आक्रमण गरेको छ । अमेरिकी र इरानी दुवैतर्फका अधिकारीहरूले आक्रमणको घटनाको पुष्टि गर्दै थप विवरण भने आउन बाँकी रहेको बताएका छन् । अमेरिकी रक्षा मन्त्रालयले इराकस्थित आफ्नो सैन्य आधार शिविर तथा गठबन्धन सुरक्षा फौजमाथि इरानी पक्षले एक दर्जनभन्दा बढी क्षेप्यास्त्र प्रहार गरेको दाबी गरेको छ ।

393
एजेन्सी
बिहिवार, पुष २४, २०७६

विगत केही महिनादेखि अस्टे«लियामा लागेको डढेलो नियन्त्रणका लागि सरकारले २ अर्ब अस्ट्रेलियाली डलर छुट्ट्याएको प्रधानमन्त्री स्कट मोरिसनले बताएका छन् । सरकारले उक्त रकमलाई डढेलो प्रभावित किसान, साना उत्पादक तथा डढेलोका कारण मानसिक रूपमा प्रभावित नागरिकलाई आवश्यक कार्यक्रम सञ्चालनका लागि उपलब्ध गराइने बताएका छन् ।

277
एजेन्सी
बुधवार, पुष २३, २०७६

इराकबाट अमेरिकी सेना फिर्ता हुँदैछन् भन्ने कुरालाई अमेरिकी रक्षामन्त्रीले अस्वीकार गरेका छन् । एक अमेरिकी सैन्य जनरल इराकबाट सेना फिर्ता हुनुपर्ने सुझाव दिँदै लेखेको पत्रपश्चात् पेन्टागनका प्रमुख मार्क एस्परले अहिले फौज फिर्ता गर्ने बेला नभएको स्पष्ट पारेका हुन् ।

552
एजेन्सी
मंगलबार, पुष २२, २०७६

टुना किङको नामले प्रसिद्ध जापानको एक व्यापारी कियोशी किमुराले नयाँ वर्षका अवसरमा भएको लिलामीमा एक टुना माछा १८ लाख डलर अर्थात् २१ करोड नेपाली रुपैयाँमा खरिद गरेका छन् । कियोशीले राजाधानी टोकियोको माछा बजारमा आइतबार २ सय ७६ किलोग्रामको टुना माछाको सबैभन्दा बढी बोली लगाएका थिए ।

791