एजेन्सी
सोमवार, जेठ २७, २०७६
308

न्युयोर्क, अमेरिकी वैज्ञानिक संस्था नासाले आगामी वर्षदेखि अन्तरिक्षमा रहेको आफ्नो स्टेसनमा पर्यटकलाई जान दिने घोषणा गरेको छ ।
अन्तर्राष्ट्रिय अन्तरिक्ष स्टेसन (आईएसस) को भ्रमण गर्न एक जनाले प्रतिदिन ३५ हजार डलर शुल्क तिर्नुपर्नेछ र यो सन् २०२० पछि लागू हुनेछ ।

“पृथ्वीको परिक्रमा गर्ने सो स्टेसन पर्यटन तथा अन्य व्यापारिक प्रयोजनका लागि खुला गरिनेछ,” नासाले भनेको छ ।
आईएसएसका उपनिर्देशक रोबिन गेटेन्सका अनुसार प्रत्येक वर्ष निजी खर्चमा दुईवटा छोटा अन्तरिक्ष भ्रमण हुनेछन् ।
अमेरिकी अन्तरिक्षयानमा बसेर जाने पर्यटकहरूले आईएसएसमा ३० दिनसम्म बस्ने अनुमति पाउने उनले बताए ।