प्रकाश लम्साल
आइतवार, फाल्गुन २५, २०७६

खुला सिमानाका कारण भारतीयहरूले सिमरा विमानस्थल प्रयोग गर्ने हुँदा विमानस्थलमा सतर्कता सुरु गरिसकेको छ । बुद्ध एयरले प्रत्येक यात्रुको थर्मास्क्यान गरी स्क्यानर गरेर मात्र सिमराबाट काठमाडांै पठाउने गरेका बताउँदै बुद्ध एयरका सिमरा प्रबन्धक सुरेश रेग्मीले स्क्यानरमा त्यस्तो केही देखिए तुरुन्त अस्पताल पठाइदिने र विमानमा यात्रा गर्न रोक्ने बताए । कोरोना भाइरसको त्रास अन्त्य नभएसम्म विमानस्थलमा प्रत्येक यात्रुको बुद्ध एयरले थर्मास्क्यान गर्ने जनाएको छ । १३ मिनेटमै सिमराबाट काठमाडौं पुग्ने यो हवाई मार्ग धेरैजसो भारतीय व्यापारी, नागरिक र नेपाली यात्रुले समेत प्रयोग गर्ने गर्छन् ।

456
कारोबार संवाददाता
बिहिवार, फाल्गुन २२, २०७६

रुकुम र जाजरकोट सिमाना भएर बग्ने भेरी नदीको प्रचार–प्रसार र पर्यटन प्रवद्र्धनका लागि भेरी नदीमा र्याफ्टिङ गरिएको छ । नेपाल भम्रण वर्ष–२०२० र घुमौं कर्णालीलाई लक्षित गरी कर्णाली प्रदेश सरकारअन्तर्गत उद्योग पर्यटन वन तथा वातावरण मन्त्रालयले भेरी नदीमा र्याफ्टिङ गरेको हो । रुकुम पश्चिम सानीभेरी गाउँपालिकाको प्रक्रियाँदेखि चौरजहारीको बाँसखोलासम्म र्याफ्टिङ गरिएको हो । नेपाल वर्ष–२०२० लाई लक्षित गरी भेरी नदीमा र्याफ्टिङ सुरु गरेको उद्योग पर्यटन वन तथा वातावरणमन्त्री नन्दसिंह बूढाले बताए ।

195
मनोरञ्जन शर्मा
बिहिवार, फाल्गुन २२, २०७६

गौतमबुद्ध अन्तर्राष्ट्रिय विमानस्थलको काम सम्पन्नका लागि थप गरिएको समयको आधारमा निर्माणाधीन हुने अन्तिम दिन आउन अब २८ दिनमात्र बाँकी छ । पछिल्लो समय थप गरिएको ३ महिनाको अन्तिम तिथि भनेको मार्च ३१ हो । यही मितिलाई आधार मानि निर्माणाधीन विमानस्थललाई सञ्चालन योग्य बनाउने गरी काम पनि भइरहेको थियो । तर, पछिल्लो समय विश्वव्यापी समस्या बन्दै गएको कोरोना भाइरसको संक्रमणका कारण, निर्माण सम्पन्नको अन्तिम चरणमा रहेको यो विमानस्थलमा अचानक ब्रेक लागेको छ । केही दक्षजनशक्ति र प्रविधिका सामान चीनमै रोकिएकाले यता विमानस्थलको काममा ब्रेक लागेको छ । त्यसैगरी प्रविधिका सामानहरू केही युरोपबाट आउनु पर्नेमा ती पनि उतै रोकिएका छन् ।

221
कारोबार संवाददाता
शुक्रवार, फाल्गुन २३, २०७६

अन्तर्राष्ट्रिय हवाई यातायात संघ (आइएटा) ले आइएटा डाइभर्सिटी एन्ड इन्क्लुजन अवार्डको दोस्रो संस्करणका लागि मनोनयन खुलेको जानकारी दिएको छ । यस अवार्डले हवाई उद्योगका सर्वोत्कृष्ट व्यक्तित्वहरूलाई उनीहरूको योगदानको सम्मान गर्छ । मनोनयन ३ श्रेणीका लागि खुला गरिएको जनाइएको छ ।

247
कारोबार संवाददाता
मंगलबार, फाल्गुन २०, २०७६

कञ्चनपुरको भीमदत्त नगरपालिका–३ स्थित पूर्वपश्चिम राजमार्गको छेउमा अत्याधुनिक संग्रहालय निमार्णकार्य अन्तिम चरणमा पुगको छ । राजमार्गको छेउमा वेद उप्रेती ट्रस्टले अत्याधुनिक म्युजियम अर्थात संग्रहालयको निमार्ण कार्य अन्तिम चरणमा पु-याएको हो । ट्रस्टका अनुसार संग्रहालय निमार्णको कार्य अन्तिम चरणमा रहेको छ । म्युजियमका लागि पुर्वाधार निर्माण कार्य अन्तिम चरणमा रहेको ट्रस्टका प्रमुख कार्यकारी अधिकृत वेद उप्रेतीले बताए । यसअघि काठमाण्डौ र धनगढीमा एयरक्राप्ट म्युजिम सञ्चालन गरेको ट्रस्टले महेन्द्रनगरमा पनि म्युजियम निमाण कार्य अन्तिम चरणमा पुगाएको छ ।

166
विप्लव काफ्ले
मंगलबार, फाल्गुन २०, २०७६

बागमती प्रदेशका उद्योग, पर्यटन, वन तथा वातावरणमन्त्री अरुण नेपालले ‘मेघौली विमानस्थल चलाउँछु’ भनेर भन्न नसक्ने बताए । आइतबारदेखि मेघौली हात्तीपोलो चौरमा सुरु भएको ५ औं मेघौली पर्यटन महोत्सवको उद्घाटन गर्दै मन्त्री नेपालले भने, “प्रदेशका तर्फबाट एयरपोर्ट चलाउनुपर्छ, मैले चलाउँछु भनेर भन्न सक्दिन, यो अधिकार संविधानले हाम्रो हातमा दिएको छैन ।” २०१७ सालमा स्थापना भएको मेघौली विमानस्थलमा होटलका चार्टर विमान बढी आउँथे । चितवन निकुञ्जभित्रका होटल विस्थापित भएपछि ०६७ सालदेखि विमानस्थल बन्द भएको थियो ।

151
रासस
बुधवार, फाल्गुन २१, २०७६

भोजपुरको च्याङ्ग्रेबजार भन्ने बित्तिक्कै ऐतिहासिक हाटबजार लाग्ने प्रसिद्ध ठाउँले परिचित छ । अहिले यो बजार पौवादुङमा गाउँपालिकाको मुख्य बजारको रुपमा विस्तार भएको छ । च्याङ्ग्रेबजारसँगै जोडिएर आउने नाम हो ‘च्याङ्ग्रे पोखरी’ । सिङ्गो गाउँपालिकाकै प्रमुख आकर्षण थप्ने यो पोखरी जिल्लाको एक प्रमुख पर्यटकीय गन्तव्य मानिन्छ ।

309
दीपेन्द्र थापा
मंगलबार, फाल्गुन २०, २०७६

सरकारले कोरोनाप्रभावित देशबाट नेपाल आउने नागरिकका लागि विमानस्थलमै भिसा दिने प्रणाली (अनअराइभल भिसा) बन्द गर्ने तयारी गरेको छ । नोबल कोरोना भाइरसबाट प्रभावित देशका नागरिकलाई फागुन २७ गते (मार्च १०) बाट अनअराइभल भिसा बन्द गर्ने तयारी गरेको अध्यागमन विभागका महानिर्देशक ईश्वरराज पौडेलले बताए । उनले भने, “प्रभावित देशबाट आउने नागरिकमा संक्रमणको खतरा रहने भएकाले सरकारले सुरक्षा मापदण्ड पूरा गर्न भिसा बन्द गर्ने तयारी गरिएको हो ।”

903
कारोबार संवाददाता
सोमवार, फाल्गुन १९, २०७६

यहाँ आन्तरिक मात्रै होइन विश्वभरका पर्यटक आउँछन् । यहाँ आउनेमध्ये सबैभन्दा बढी भूटान त्यसपछि भारत र चीनबाट आउँछन् । त्यसबाहेक अमेरिका, रुस, युरोपलगायतका मुलुकबाट पनि ठूलै संख्यामा पर्यटक आउने गरेका छन् । अहिले पनि फ्रान्सबाट थुप्रै पर्यटक आएका छन् । उनीहरू कम्तीमा एक हप्ता बस्छन् । यो विश्वले मानेको त्रिधार्मिकस्थल भएकाले बौदिष्टहरू बढी आउँछन् । यहाँ हिन्दू, बौदिष्ट र किराँत धर्म मान्नेहरू आउँछन् । यो ठाउँ राईहरूको उत्गमस्थल पनि हो ।

697
मुकेश चौधरी
सोमवार, फाल्गुन १९, २०७६

विगत डेढ दशक समयदेखि टीकापुरमा बनाना कटेज र रिसोर्ट सञ्चालन गरी एग्रोटुरिजम गरिरहेका कालु हमालले कारोबार दैनिकसँगको अन्तर्वार्तामा भनेका छन्, ‘नेपालमा मेरो जस्तो कृषि पर्यटन शायदै नहोला । तर अहिले म के ठोकुवा गर्छु भने आउने दिनमा खुल्ने भनेको कृषि पर्यटन नै हो । हामीले कृषि पर्यटनमा आधारित एक हजार वटा रेष्टुरेन्ट बनाऔं । खानाको भेराइटी दिन सक्ने एग्रिकल्चरले मात्रै हो ।’ उनको यो भनाइ कैलालीका होटल व्यवसायी संघले आयोजना गरेको ‘प्रथम सुदूरपश्चिम खाना महोत्सव’ मा प्रस्तुत भएको छ । स्थानीय कृषि उत्पादनबाट तयार भएका प्रदेशभरिका मौलिक खानाका परिकार महोत्सवमा पस्किएको छ ।

621
दीपेन्द्र थापा
सोमवार, फाल्गुन १९, २०७६

नेपाल भ्रमण वर्ष २०२० को दोस्रो महिना फेब्रुअरीमा भने पर्यटकको संख्यमा वृद्धि भएको छ । अध्यागमन विभागका अनुसार जनवरीको तुलनामा फेब्रअुरीमा कुल पर्यटकको संख्या वृद्धि भएको छ ।सन् २०२०को पहिलो महिनामा ६५ हजार ९८३ विदेशी पर्यटक नेपाल आएकोमा फेब्रुअरी महिनामा ७७ हजार ६४ जना पर्यटक भित्रिएका छन् । यो संख्या हवाईमार्गबाट नेपाल प्रवेश गर्ने पर्यटकको भएको विभागले जनाएको छ । गत वर्ष सोही समयमा ७२ हजार ४ सय ७५ जनाले नेपाल भ्रमण गरेका थिए ।

426
मनोरञ्जन शर्मा
सोमवार, फाल्गुन १९, २०७६

कोरोना भाइरसको संक्रमण चीनबाट अन्य देशहरूमा पनि पुग्न थालेपछि सबैभन्दा बढी पर्यटन क्षेत्र प्रभावित भएको छ । त्रिभुवन विमानस्थलजस्तै स्थलमार्गबाट समेत विदेशी आउन छाडेका छन् । काठमाडौंपछि सबैभन्दा बढी स्थलमार्गको भैरहवा नाका हुँदै पर्यटक आउने गर्छन् । तर, कोरोना भाइरस संक्रमणपछि यो नाका हुँदै आउने विदेशी पर्यटक निरन्तर घट्दै गएको अध्यागमन कार्यालय भैरहवाले जनाएको छ । फेब्रुअरी महिनामा यो नाका हुँदै २३ हजार १७९ पर्यटक नेपाल भित्रिए । गत वर्षको फेब्रुअरी महिनामा यो नाका हुँदै २५ हजार ४ सय ५९ पर्यटक आएका थिए ।

360
कारोबार संवाददाता
आइतवार, फाल्गुन १८, २०७६

७० वर्ष नाघेका आन्तरिक तथा बाह्य पर्यटकलाई चन्द्रागिरि केबलकार सेवा निःशुल्क गरेको छ । ज्येष्ठ नागरिकहरूको सम्मानका लागि चन्द्रागिरि हिल्स लिमिटेडद्वारा प्रवद्र्धित चन्द्रागिरि केबलकारमा सेवा लिने ७० वर्ष नाघेका आन्तरिक तथा बाह्य पर्यटकलाई केवलकार सेवा निःशुल्क प्रदान गर्ने व्यवस्था गरिएको छ ।

386
कारोबार संवाददाता
आइतवार, फाल्गुन १८, २०७६

कोरोना भाइरसको त्रासले विदेशी पर्यटनकको चहलपहल म्याग्दीको पर्यटन व्यवसाय सुनसान छ । ४४ देशमा कोरोना भाइरस प्रभाव परेपछि विदेशी पर्यटकको भ्रमण नेपालमा रोकिदा म्याग्दीलगायत बेनी जोमसोम खण्डका पर्यटकीयस्थलको पर्यटन व्यवसाय सुनसान बनेको छ । विश्व स्वास्थ्य संगठन (डब्लूएचओ) ले चीनमा देखिएको कोरोना भाइरस कोरिया, जापान इटाली हुँदै विभिन्न देशमा फैलिएको छ ।

489
कारोबार संवाददाता
बिहिवार, फाल्गुन १५, २०७६

नेपाल चेम्बर अफकमर्स र टर्किस एयरलाइन्स बीचआपसी समर्थन, लाभ र सहयोगको पहिचान स्थापनाका लागि समझदारी पत्रमा हस्ताक्षर भएको छ । नेपाल चेम्बर अफ कमर्स र टर्किस एयरलाइन्सबीच संस्थागत स्तरबाट र व्यक्तिगत स्तरमा सम्बन्ध विस्तार गर्ने कार्य क्षेत्रको सराहना भएको छ । यस समझदारीले दुई पक्ष दुवैका बीचमा राम्रो समन्वयको भावना जगाउँछ ।

328