लक्ष्मी सापकोटा
बिहिवार, पुष ६, २०७४

खाना पकाउने एपी ग्यास उद्योग (बोटलिङ प्लान्ट) सुरक्षाका दृष्टिकोणले जोखिममा देखिएका छन् । आवश्यक मापदण्ड पूरा नगरी उद्योग स्थापना गरिएकाले त्यस्ता बोटलिङ प्लान्ट असुरक्षित देखिएका हुन् । ग्यास उद्योगहरू वस्तीभन्दा टाढा स्थापना हुनुपर्ने मापदण्ड भए पनि कतिपय उद्योगहरू घनावस्तीको बीचमा नै स्थापना गरिएकाले जुनसुकै बेला पनि असुरक्षा हुने देखिएको हो । मुलुकमा हाल ५७ वटा ग्यास उद्योग सञ्चालनमा छन् ।

1546
नीरज पिठाकोटे
बुधवार, पुष ५, २०७४

वीरगन्ज महानगरपालिका वडा नम्बर १८ भवानीपुरमा रहेको सुपर ग्याँस उद्योगको प्लाण्टामा आगलागी भएको छ । बिहानै उद्योगको प्लाण्टमा भएको आगलागीबाट ठूलो क्षति भएको छ । क्षतिको यकिन भने हुन सकेको छैन । उद्योग नजिकै दुईजनाको शव भेटिएको छ । उनीहरुको पहिचान हुन बाँकी नै रहेको छ ।

1447
मातृका दाहाल
सोमवार, पुष ३, २०७४

देश भरका प्रमुख जिल्ला अधिकारी (सीडीओ)हरूले जिल्ला प्रशासन कार्यालयलाई केन्द्र सरकारमातहत रहने गरी कानुन बनाउन माग गरेका छन् । ७७ वटै जिल्लाका सीडीओले आफूहरूको सुझावविपरित जिल्ला प्रशासन कार्यालयहरूलाई प्रदेश सरकारअन्तर्गत राखिए ‘असहयोग’ गर्नेसमेत चेतावनी दिएका छन् ।

4324
मातृका दाहाल
शुक्रवार, मंसिर २९, २०७४

प्रतिनिधिसभा र प्रदेशसभा निर्वाचन सम्पन्न भएसँगै १० वर्ष लामो संक्रमणकाल औपचारिक रूपमा टुंगिएको छ । मुलुक संघीय प्रशासनिक संयन्त्रबाट सञ्चालन हुने ढोकासमेत खुलेको छ । तर, सरकार संघीय राज्य सञ्चालनका लागि महत्वपूर्ण मानिएको प्रशासनिक संयन्त्रलाई स्थानीय तहसम्म कसरी प्रभावकारी बनाउने भन्नेमा अझै स्पष्ट देखिएको छैन । कुल बजेटको १५ प्रतिशतभन्दा बढी हिस्सा खपत हुने सुरक्षा निकायलाई प्रदेश संरचनामा कसरी प्रभावकारी बनाउने भन्नेमा संवेदनशील नहुनु सरकारको कमजोरी पनि हो ।

1385
कारोबार संवाददाता
शुक्रवार, मंसिर २९, २०७४

नेकपा(एमाले)का अध्यक्ष केपी शर्मा ओलीले विभिन्न राजनीतिक परिवर्तनहरूले जनतामा नयाँ नयाँ आकांक्षा जन्माउने बताएका छन् । यसपटकको निर्वाचन पनि त्यस्तै एउटा परिवर्तन भएकोले यसले जनतामा विकास र समृद्धिको आकांक्षा जन्माएको बताएका छन् । नेपाल उद्योग वाणिज्य महासंघका पूर्वअध्यक्षहरूको ज्ञापनपत्र आफ्नै निवास बालकोटमा बुझ्दै अध्यक्ष ओलीले ०४६ सालको परिवर्तन पछि देशमा निजीकरणका नाममा भ्रष्टीकरण बढेको बताए ।

1812
मातृका दाहाल
बुधवार, मंसिर २७, २०७४

प्रहरी प्रधान कार्यालयले कैलाली निर्वाचन क्षेत्र नम्बर १ बाट प्रतिनिधि सभा सदस्यमा निर्वाचित रेशम चौधरी व्यक्ति हत्या अभियोगमा फरार अपराधी भन्दै उनलाई पक्राउ गर्न कुनै कसर बाँकी नराखिने स्पष्ट पारेको छ । राष्ट्रिय जनता पार्टी नेपालबाट प्रतिनिधिसभा सदस्यमा निर्वाचित भएका चौधरी सांसदको रूपमा सार्वजनिक हुनसक्ने आशंकामा उनलाई पक्राउ गर्न प्रहरीले थप चासो दिएको हो ।

11549
गोपाल संग्रौला
आइतवार, मंसिर २४, २०७४

सरकारले बालअधिकार महासन्धिको सञ्चार प्रक्रियासम्बन्धी तेस्रो इच्छाधीन आलेखलाई अनुमोदन नगर्दा पीडित बालबालिकाका निम्ति अन्तर्राष्ट्रियस्तरमा न्याय पाउने अन्तिम ढोका खुल्न नसकेको अधिकारकर्मी तथा अभियन्ताहरुले औंल्याएका छन् । राजधानीमा हालै चाइल्ड नेपाल र आजको शिक्षा साप्ताहिकले संयुक्त रुपमा यस विषयमा आयोजना गरेको ‘आमसञ्चारसँग नीतिगत संवाद’ कार्यक्रममा यस्तो चिन्ता व्यक्त गरिएको हो ।

1158
मातृका दाहाल
बुधवार, मंसिर २०, २०७४

सरकारले नेपाली सेनाका लागि ७ वटा हेलिकप्टर तथा जहाज खरिद गर्न स्वीकृति दिएको छ । विपत् व्यवस्थापन, हवाई सैनिक तलिम, भीभीआइपी उडान, कार्गोलगायत प्रयोजनका लागि सेनाले साना-ठूला गरी ७ वटा सैन्य विमान तथा जहाज खरिद अनुमति पाएको हो । सरकारले एउटै आर्थिक वर्षमा सेनालाई यतिधेरै जहाज खरिद गर्न लागेको पहिलो पटक हो । नेपाली सेनाका प्रवक्ता सहायक रथी नैनराज दाहालले सरकारको स्वीकृतिपछि सबै जहाज तथा हेलिकप्टर खरिद प्रक्रियामा गइसकेको जानकारी दिए ।

2242
कारोबार संवाददाता
मंगलबार, मंसिर १९, २०७४

पर्वतका विभिन्न वित्तीय संस्था तथा ग्रामीण भेगहरूमा नक्कली नोट भेटिन थालेका छन् । चुनावकै मुखमा नक्कली नोट भेटिएपछि निर्वाचन आफ्नो पक्षमा पार्नका लागि नक्कली नोट प्रयोग भएको हुनसक्ने आशंका गरिएको छ । बाग्लुङ र म्याग्दीमा पनि केही दिनअघि नक्कली नोट भेटिएकोमा अहिले पर्वतमा पसल र वित्तीय संस्थामा जम्मा गर्न ल्याइएकामध्ये केहीमा नक्कली नोट भेटिन थालेका छन् ।

756
मातृका दाहाल
सोमवार, मंसिर १८, २०७४

नेपाल निर्माण व्यवसायी महसंघका अध्यक्ष शरदकुमार गौचनको हत्याको मुख्य कारण प्रहरी इन्काउन्टरमा मारिएका गुण्डा नाइके कुमार घैंटे (कुमार श्रेष्ठ)को सम्पत्ति विवाद देखिएको छ । शनिबार पक्राउ परेका गौचन हत्याका मुख्य योजनाकार समीरमानसिंह बस्नेतले प्रहरीलाई दिएको बयानअनुसार घैंटेले इन्काउन्टर हुनु केही महिनाअघि नै आफ्नो मुख्य लगानी रहेको गजुरमुखी कन्स्ट्रक्सन २ करोड ५० लाख रुपैयाँ लिएर गौचनलाई बिक्री गरेका थिए । गौचनबाट घैंटेले लिएको उक्त रकममध्ये १ करोड आफ्नो भएको दाबी बस्नेतले गरेका छन् ।

926
कारोबार संवाददाता
सोमवार, मंसिर १८, २०७४

पूर्वीचौकी गाउँपालीका–७ साविकको पोखरी गाविस–९ गजेडामा अधिकांश परिवारले पक्की शौचालयभित्र माटो थपेर छाउगोठ बनाएका छन् । दाताले बनाइदिएका यस्ता शौचालय तथा बाथरुमसहितको अर्को कोठामा भने स्याउला र सोतरहरू राख्ने गरेका छन् । महिनावारी भएको बेला घरमा बसे देउता रिसाउने डरले पक्की बनाइएका शौचालयमा सुरक्षित बस्न सकिन्छ भन्दै छाउगोठ बनाएको स्थानीय नन्दादेवी साउदले बताइन् ।

756
मातृका दाहाल
आइतवार, मंसिर १७, २०७४

प्रतिनिधिसभा र प्रदेशसभा निर्वाचनका लागि सरकारले १ दर्जनभन्दा बढी निकायलाई करिव १५ अर्ब रुपैयाँ भुक्तानी दिएको छ । सुरक्षा, मतपत्र छपाई लगायत प्रशासनिक खर्च, भत्ता सुविधा, बन्दोबस्तीका सामान खरिद लगायत शीर्षकमा अर्थ मन्त्रालयले निर्वाचन आयोग, नेपाली सेना, नेपाल प्रहरी, सशस्त्र प्रहरी वल, राष्ट्रिय अनुसन्धान विभाग, म्यादी प्रहरी, गृह मन्त्रालय, क्षेत्रीय प्रशासन कार्यालय, जिल्ला प्रशासन कार्यालय, इलाका प्रशासन कार्यालय लगायत निकायका नाममा १४ अर्ब ८५ करोड ८८ लाख ७७ हजार ८ सय ९ रुपैयाँ निकासा दिएको हो ।

1419
मातृका दाहाल
बिहिवार, मंसिर १४, २०७४

सरकारले सशस्त्र द्वन्द्वका क्रममा नेकपा माओवादीबाट मारिएका सुरक्षाकर्मीका परिवारलाई शहीदसरह राहत तथा क्षतिपूर्ति उपलब्ध गराएको छ । २०५२ देखि २०६२ सम्ममा कर्तव्य पालनाका क्रममा ज्यान गुमाएका नेपाली सेना, नेपाल प्रहरी र सशस्त्र प्रहरी बलका अधिकृत तथा जवानका परिवारलाई जनही १० लाखका दरले आर्थिक सहायता उपलब्ध गराइएको हो ।

1095
मातृका दाहाल
आइतवार, मंसिर १०, २०७४

अमेरिकाले संयुक्त राष्ट्रसंघीय शान्ति मिसनमा हवाई सैनिक फौज पठाउन नेपाललाई प्रस्ताव गरेको छ । त्यसका लागि आवश्यक पर्ने प्राविधिक सहायता आफैंले गर्ने अमेरिकाको प्रस्ताव छ ।

871
कारोबार संवाददाता
बुधवार, मंसिर ६, २०७४

बम राखिएको हल्लापछि सर्वोच्च अदालतमा मंगलबार इजलाश स्थगन भएको छ । टेलिफोनबाट सर्वोच्च अदालत परिसरमा बम राखिएको हल्ला गरिएपछि सर्वोच्च अदालतमा मंगलबार कुनै मुद्दा पेशी चढेनन् । सर्वोच्च अदालतको टोल फ्री नम्बरमा ल्याण्डलाइन नम्बरबाट बम रहेको टेलिफोन आए पनि बम नभेटिएको सर्वोच्चका प्रवक्ता नारायणप्रसाद पन्थीले जानकारी दिए ।

654