कारोबार संवाददाता
बुधवार, फाल्गुन २३, २०७४

संघीय लोकतान्त्रिक गणतन्त्र नेपालको राष्ट्रपतिका लागि आज उम्मेदवारी मनोनयन दर्ता गर्ने कार्यक्रम रहेको छ । नेपालको संविधान कार्यान्वयन गर्ने सन्दर्भमा सविधानसभा र राष्ट्रियसभाको निर्वाचनपछि यही फागुन २९ गते मंगलबार राष्ट्रपतिको निर्वाचन हुन लागेको हो । सो निर्वाचनका लागि मतदानको समय बिहान १० बजेदेखि अपराह्न ३ बजेसम्म तोकिएको छ ।

908
कारोबार संवाददाता
मंगलबार, फाल्गुन २२, २०७४

सरकारले आगामी चैत १ गतेबाट देशभर रहेका २० वर्ष पुरानो सवारी हटाउने नीतिको व्यवसायीले विरोध गरेका छन् । सरकारको कदम गलत भएको भन्दै व्यवसायीहरूले सवारी हटाउनै परे पेसामा संलग्नलाई विकल्प दिएर उचित क्षतिपूर्ति दिनुपर्ने माग गरेका हुन् ।

624
जगन्नाथ दुलाल
मंगलबार, फाल्गुन २२, २०७४

नेपाली कांग्रेस संसदीय दलको नेतामा पार्टी सभापति शेरबहादुर देउवा निर्वाचित भएका छन् । सोमबार सिंहदरबारस्थित कांग्रेस दलको कार्यालयमा सम्पन्न निर्वाचनमा देउवा ४४ मत ल्याएर विजयी भएका हुन् । उनका प्रतिद्वन्द्वी प्रकाशमान सिंहले १९ मत ल्याएका थिए । प्रतिनिधिसभातर्फ ६३ जना सांसद रहेकामा शतप्रतिशत मतदान भएको थियो ।

914
रासस
सोमवार, फाल्गुन २१, २०७४

सप्तरंगी इन्द्रेणीजस्तै विभिन्न रंग र वेशभूषाको अनुपम संयोगको रूपमा आइतबार संघीय संसद्को शपथ ग्रहण समारोह आयोजना भयो । अन्तर्राष्ट्रिय सम्मेलन केन्द्र नयाँ बानेश्वरमा रहेको संघीय संसद् भवनमा प्रतिनिधिसभा र राष्ट्रियसभाका सदस्यहरु आ–आफ्नै वेशभूषामा पद तथा गोपनियताको शपथ लिन पुगेका थिए । नेपालको जातीय विविधता र सहअस्तित्व र भातृत्वको विराट संगमको रूपमा शपथ ग्रहण समारोहलाई लिन सकिन्थ्यो । अन्य दिनमा साधारण पोशाकमा देखिँदै आएका अधिकांश सांसदहरु आ–फ्ना जातीय वेशभूषामा देखिँदै कतिपयलाई त झट्ट चिन्न पनि गाह्रो पर्दथ्यो ।

1169
जगन्नाथ दुलाल
सोमवार, फाल्गुन २१, २०७४

नेपाली कांग्रेसका सभापति शेरबहादुर देउवा नै पार्टी संसदीय दलको नेता बन्ने निश्चित देखिएको छ । प्रतिनिधिसभातर्फ कांग्रेस संसदीय दलको अंकगणित हेर्दा देउवा दलको नेता बन्ने निश्चित देखिएको छ । दलको नेतामा कांग्रेसका अर्का नेता प्रकाशमान सिंहले पनि उम्मेदवारी भने दर्ता गराएका छन् ।

859
कारोबार संवाददाता
आइतवार, फाल्गुन २०, २०७४

नेकपा माओवादी केन्द्रका अध्यक्ष पुष्पकमल दाहालले जनताको बहुदलीय जनवाद (जबज) नभएको भए माओवादीको रक्षा सम्भव नभएको बताएका छन् । शनिबार नेकपा एमाले र माओवादी केन्द्रका सांसदहरूको संयुक्त बैठकमा सहभागीहरूलाई सम्बोधन गर्दै उनले यदि मदन भण्डारीले जनताको बहुदलीय जनवाद आविष्कार नगरेको भए माओवादीको रक्षा सम्भव नभएको भन्दै माओवादीले जनयुद्ध नगरेको भए आज यो ठाउँमा नआइपुग्ने बताए ।

890
रासस
शुक्रवार, फाल्गुन १८, २०७४

निर्वाचन आयोगले यही फागुन २९ गते हुने राष्ट्रपतिको निर्वाचनका लागि निर्वाचन अधिकृतको कार्यालय स्थापना गरेको छ । आयोगले संघीय संसद् भवन, नयाँ बानेश्वर परिसरमा राष्ट्रपति निर्वाचन अधिकृतको कार्यालय स्थापना गरेको आयोगका प्रवक्ता नवराज ढकालले जानकारी दिए । नेपालको संविधान बमोजिम नयाँ राष्ट्रपतिको निर्वाचन गर्न आयोगले पाटन उच्च अदालतका न्यायाधीशलाई निर्वाचन अधिकृत तोकिसकेको छ । आयोगबाट यसअघि नै राष्ट्रपति निर्वाचनको तालिका सार्वजनिक भइसकेको छ ।

822
जगन्नाथ दुलाल
शुक्रवार, फाल्गुन १८, २०७४

नेपाली कांग्रेस संसदीय दलको नेतामा सभापति शेरबहादुर देउवा थप बलियो देखिएका छन् । संसदीय दलमा करिब २ तिहाई सांसद आफ्नो पक्षमा रहेका दाबा गर्ने देउवा समूहमा तेस्रो धार भनिने कृष्ण सिटौला समूहका सांसद समेत थपिएपछि उनी थप बलियो देखिएका हुन् ।

2364
कारोबार संवाददाता
बिहिवार, फाल्गुन १७, २०७४

प्रदेश नम्बर २ मा मन्त्रिमण्डल विस्तार गरिएको छ । प्रदेश नम्बर २ का मुख्यमन्त्री लालबाबु राउतले मन्त्रिमण्डल विस्तार गरेका हुन् । विस्तारित मन्त्रिमण्डलमा चार मन्त्री र तीन राज्यमन्त्री थप गरिएको छ । फोरमबाट दुई मन्त्री र तीन राज्यमन्त्री थपिएको छ भने राजपाका २ जना मन्त्रीले पनि सपथ लिएका छन् । आन्तरिक मामिला तथा कानुनमन्त्रीमा ज्ञानेन्द्रकुमार यादव, भूमीव्यवस्था, कृषि तथा सहकारीमन्त्रीमा शैलेन्द्र साह, सामाजिक विकासमन्त्रीमा नवलकिशोर साह र उद्योग तथा पर्यटनमन्त्रीमा रामनरेश रायले बुधबार जनकपुरमा आयोजित एक कार्यक्रममा सपथ ग्रहण गरेका छन् । राज्यमन्त्रीमा उषा यादव, सरोज सिंह र योगेन्द्र राय यादव छन् । उषा अर्थ, सरोज गृह र यागेन्द्र भूमिव्यवस्था राज्यमन्त्री बनेका हुन् । मन्त्रीलाई प्रदेशप्रमुख रत्नेश्वरलाल कायस्थले तथा राज्यमन्त्रीलाई मुख्यमन्त्री राउतले सपथग्रहण गराएका छन् । फोरमका मन्त्रीहरुले मातृभाषा मैथिलीमा सपथ लिए भने राजपाका दुवै मन्त्रीले हिन्दी भाषामा सपथ लिएका छन् । फोरमबाट यसअघि मुख्यमन्त्री लालबाबु राउत र अर्थमन्त्री विजय यादव भइसकेका छन् । सत्ता साझेदार दल राजपा नेपालबाट जितेन्द्र सोनल भौतिक पूर्वाधार विकासमन्त्री बनेका छन् । गृह तथा आन्तरिक मामिला मन्त्री बनेका ज्ञानेन्द्र यादवले प्रदेश २ मा शान्तिसुरक्षाका लागि विशेष कार्य गर्ने बताए । प्रदेश ३ मा एमालेका तीन र माओवादीका एक मन्त्री थपिए तीन नम्बर प्रदेशका मुख्यमन्त्री डोरमणि पौडेलले बुधबार चार जना मन्त्री नियुक्त गरेका हुन् । एमालेबाट तीन र माओवादीबाट एकजना मन्त्री थप गरी बुधबार नै प्रदेश प्रमुखबाट सपथ ग्रहण गराइएको छ । एमालेका तर्फबाट रामेछापका प्रदेशसभा सदस्य कैलाश ढुंगेल आर्थिक मामिला तथा योजना र सिन्धुपाल्चोकका अरुण नेपाललाई उद्योग, पर्यटन, वन तथा वातावरणमन्त्री भएका छन् । चितवनका सांसद दावादोर्जे लामालाई भूमि व्यवस्था, कृषि तथा सहकारी मन्त्रालयको जिम्मेवारी दिइएको छ । त्यस्तै माओवादीको तर्फबाट सिन्धुपाल्चोकका सांसद युवराज दुलाल सामाजिक विकास मन्त्री बनेका छन् । ढुंगेल र लामा एमाले अध्यक्ष केपी ओलीनिकट हुन् भने नेपाल नेता माधव नेपाल समूहका हुन् । माओवादीका तर्फबाट मन्त्री बनेका दुलाल भने लामो समय माओवादी अध्यक्ष प्रचण्डको अंगरक्षकको भूमिकामा रहेर काम गरेका थिए । नवनियुक्त मन्त्रीहरुलाई बुधबार नै प्रदेश प्रमुख अनुराधा कोइरालाले पद तथा गोपनीयताको सपथ ग्रहण गराएकी छन् । बुधबार मन्त्रिपरिषद् विस्तार भएसँगै तीन नम्बर प्रदेशको मन्त्रिमण्डल ७ सदस्यीय भएको छ । यस अघि माओवादीका शालिकराम जम्कट्टेल आन्तरिक मामिला तथा कानुन मन्त्री तथा एमालेका केशब स्थापित भौतिक पूर्वाधार मन्त्रीमा नियुक्त भइसकेका छन् । सात प्रदेशमध्ये सबैभन्दा पहिले मुख्यमन्त्री बनेका पौडेलले केही ढिला गरी मन्त्रिपरिषदलाई पूर्णता दिएका हुन् । वाम गठबन्धनले तीन नम्बर प्रदेशमा ७ वटा मात्र मन्त्रालय राख्ने सहमती गरेको छ । यद्यपी त्यो संख्या बढेर ११ सम्म पुग्न सक्ने बताइएको छ । प्रदेशप्रमुख अनुराधा कोइराला उपचारको क्रममा भारतमा रहेकाले पनि मन्त्रिपरिषद् विस्तारमा ढिलाइ भएको मुख्यमन्त्रीको कार्यालयले जनाएको छ । मन्त्री नियुक्ती गरेसँगै बसेको मन्त्रिपरिषद्को बैठकले आन्तरिक मामिला तथा कानुनमन्त्री शालिकराम जम्कट्टेलको संयोजकत्वमा कानुन मस्यौदा समिति गठन गरेको छ । नयाँ कानुन बनाउने अवधारणापत्रको ढाँचा स्वीकृत समेत गरिएको छ । केही सार्वजनिक लिखत प्रमाणीकरण सम्बन्धमा व्यवस्था गर्न बनेको विधेयक २०७४ मा सैद्धान्तिक सहमति भई राजपत्रको ढाँचा स्वीकृत तथा प्रकाशन गर्ने निर्णय भएको मुख्यमन्त्री तथा मन्त्रिपरिषद् कार्यालयका प्रमुख सचिव रेश्मीराज पाण्डेले जानकारी दिए ।

1487
जगन्नाथ दुलाल
बिहिवार, फाल्गुन १७, २०७४

नेपाली कांग्रेसका सभापति शेरबहादुर देउवाले संसदीय दलको नेतामा आफ्नो उम्मेदवारी रहने बताएका छन् । महामन्त्री शशांक कोइरालाले टोखास्थित निवासमा सांसद र पार्टी नेताहरूका लागि आयोजना गरेको ‘लञ्च मिटिङ’मा पुगेका सभापति देउवाले सञ्चारकर्मीहरूको जिज्ञासामा आफू उम्मेदवार हुने बताएका हुन् ।

713
कारोबार संवाददाता
बुधवार, फाल्गुन १६, २०७४

पार्टी एकता घोषणा गरेका नेकपा एमाले र नेकपा माओवादी केन्द्रबीच पार्टी एकीकरणसम्बन्धी संगठनात्मक कार्यदलको बैठकले २ वटा नयाँ कार्यदल गठन गरेको छ । मंगलबार एमाले र माओवादी केन्द्रबीच एकता गर्नका लागि बनेको संगठन तथा विधान मस्यौदा कार्यदलको बैठकले २ नयाँ कार्यदल गठन गरेको हो ।

855
रासस
बुधवार, फाल्गुन १६, २०७४

नेपालको संविधानबमोजिम निर्वाचनपछि बनेको संघीय संसद्को प्रथम ऐतिहासिक अधिवेशनको तयारी लगभग पूरा भएको छ । दोस्रो संविधानसभाबाट निर्मित नयाँ संविधानबमोजिम सम्पन्न प्रतिनिधिसभा र राष्ट्रियसभा सदस्यको निर्वाचनपछि बस्न लागेको दुवै सदनको प्रथम अधिवेशनअन्तर्गत पहिलो अलग अलग बैठक यसअघि संविधानसभा बैठकस्थल रहेको अन्तर्राष्ट्रिय सम्मेलन केन्द्र, नयाँ बानेश्वरमा बस्दैछ ।

1125
कारोबार संवाददाता
मंगलबार, फाल्गुन १५, २०७४

प्रधानमन्त्री केपी शर्मा ओलीले मन्त्रिपरिषद् विस्तार गरेका छन् । प्रधानमन्त्रीको शपथ लिएलगत्तै पहिलो पटक एमालेबाटै २ मन्त्री बनाएका ओलीले सोमबार अरु ४ मन्त्री थप गरेका हुन् । यसपटकको विस्तारमा भने नेकपा माओवादी केन्द्रबाट पनि २ जना सरकारमा सहभागी भएका छन् । राष्ट्रपति विद्यादेवी भण्डारीले प्रधानमन्त्रीको उपस्थितिमा नवनियुक्त ४ मन्त्रीलाई सोमबार पद तथा गोपनियताको शपथ खुवाइन् ।

834
कारोबार संवाददाता
सोमवार, फाल्गुन १४, २०७४

गैरआवासीय नेपाली संघका अध्यक्ष भवन भट्ट नेतृत्वको प्रतिनिधिमण्डलले प्रधानमन्त्री केपी शर्मा ओलीसँग भेट गरेको छ । प्रधानमन्त्री निवास बालुवाटारमा शनिबार पुगेर एनआरएनएका अध्यक्ष भट्टले प्रधानमन्त्री ओलीलाई प्रधानमन्त्री नियुक्त भएकोमा समस्त गैरआवासीय नेपालीका तर्फबाट बधाई दिएका थिए । उनले बहुमतको सरकार गठन भएपछि राजनीतिक अस्थिरताको अन्त्य हुने र मुलुकमा आर्थिक विकासले गति लिने अपेक्षा सबै गैरआवासीय नेपालीले राखेको बताए । “देश समुन्नत नभएसम्म व्यक्तिगत अर्थ रहँदैन, मुलुकको समृद्धि गैरआवासीय नेपालीको पनि स्वार्थ हो,” भेटमा अध्यक्ष भट्टले भने, “संघको सन्जाल ७८ देशमा फैलिसकेकाले देश विकासका लागि सबैले आ–आफ्नो क्षेत्रबाट सहयोग गर्नुपर्छ ।”

914
कारोबार संवाददाता
सोमवार, फाल्गुन १४, २०७४

सरकारले मनोनित गरेका तीनजना सदस्यलाई शपथ ग्रहण नगराउन सर्वोच्च अदालतले अन्तरकालिन आदेश जारी गरेको छ ।शेरबहादुर देउवा नेतृत्वको सरकारले सिफारिस गरेका तीन जनाको नाम फिर्ता लिएर प्रधानमन्त्री केपी शर्मा ओली नेतृत्वको सरकारले अर्का तीन जनाको नाम राष्ट्रपतिसमक्ष सिफारिस गरेको थियो । पछिल्लो सरकारले सिफारिस गरेका सदस्यहरुलाई राष्ट्रपतिले तत्कालै मनोनित गरेकी थिइन् ।

991