रासस
सोमवार, माघ ६, २०७६

उपसभामुख डा. शिवमाया तुम्वाहाङ्फेले आफ्नो पदबाट राजीनामा दिएको घोषणा गरेकी छन् । प्रतिनिधिसभाको आजको बैठकलाई सम्बोधन गर्दै उनले जननिर्वाचित संस्थालाई लामो समयसम्म अन्योलमा राख्न नहुने निष्कर्षका साथ आफूले मार्गप्रशस्त गरेको स्पष्ट गरिन् । एउटा अप्रत्याशित र अस्वाभाविक परिस्थितिका कारण सार्वभौम जननिर्वाचित संस्था लामो समयदेखि सभामुखविहीन हुँदा जटिलता पैदा भएकाले यस्तो स्थिति कायम रहिरहनु हुन्न भन्ने निष्कर्षका साथ आफूले राजीनामा गर्ने निर्णय गरेको उनले बताए । 

416
कारोबार संवाददाता
सोमवार, माघ ६, २०७६

राष्ट्रियसभामा सत्ताधारी नेकपा र प्रतिपक्षी राजपा दुवैले आफ्ना उम्मेदवार जिताउन हरसम्भव प्रयास अगाडि बढाइरहेका छन् । प्रतिपक्षी कांग्रेस र समाजवादी पार्टीबीचको राष्ट्रियसभामा भएको समीकरणले आफ्ना उम्मेदवारहरूको जित सुनिश्चित गर्न एक दिनअघि ह्विप जारी गरेको राजपाले नेकपासँग संघीय समाजवादीसँग सम्झौता गरेको छ । पूर्वमन्त्री तथा एमाले नेता रिजवान अन्सारी नेतृत्वको संघीय समाजवादीसँग नेकपा र राजपाले सम्झौता गरेको हो । संघीय समाजवादी पार्टीले प्रदेश नम्बर २ मा जितेका स्थानीय जनप्रतिनिधिहरूको मत सत्ताधारी गठबन्धनलाई दिलाउन यो सम्झौता गरिएको हो ।

364
कारोबार संवाददाता
सोमवार, माघ ६, २०७६

सत्तारूढ दल नेपाल कम्युनिष्ट पार्टी (नेकपा) ले प्रतिनिधिसभाको सभामुखमा स्थायी कमिटी सदस्य अग्निप्रसाद सापकोटालाई उम्मेदवार बनाउने निर्णय गरेको छ । प्रधानमन्त्री निवास बालुवाटारमा आइतबार बेलुका बसेको (नेकपा) सचिवालयको बैठकले सापकोटालाई सभामुखको उम्मेदवार बनाउने निर्णय गरेको पार्टीका महासचिव विष्णुप्रसाद पौडेलले जानकारी दिए ।

326
केशव समर्पण
आइतवार, माघ ५, २०७६

बाग्मती प्रदेशका मुख्यमन्त्री डोरमणि पौडेलले तीन तहको सरकारबीच समन्वय र सहकार्य नहुँदा काम गर्न निकै अप्ठेरो भइरहेको बताएका छन् । नेपालको संविधानले तीनै तहको सरकारबीच समन्वय, सहकार्य र सहअस्तित्वको कल्पना गरे पनि व्यवहारमा भने लागू हुन नसकेको भन्दै उनले असन्तुष्टि पोखेका हुन् ।

313
कारोबार संवाददाता
आइतवार, माघ ५, २०७६

सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगका पदाधिकारीको नाम सिफारिस गरिएको छ । पूर्वप्रधानन्यायाधीश ओमप्रकाश मिश्रको संयोजकत्वमा गठित पदाधिकारी सिफारिस समितिले शनिबार कानून, न्याय तथा संसदीय मामिलामन्त्री भानुभक्त ढकालमार्फत सरकारलाई पदाधिकारीको नाम सिफारिस गरेको मन्त्रालयका सहायक प्रवक्ता कमलराज गौतमले जानकारी दिए । सिफारिस गरिएकामा सत्य निरुपणको अध्यक्षमा डा. गणेशदत्त भट्ट र बेपत्ता आयोगको अध्यक्षमा युवराज सुवेदी रहेका छन् । पदाधिकारी विहीन भएको नौ महिनापछि समितिले नाम सिफारिस गरेको हो ।

329
कारोबार संवाददाता
शुक्रवार, माघ ३, २०७६

नेवाः सरोकारवालाहरुले सरकारको प्रस्तावित गुठी विधयेक नेवारहरुका लागि स्वायत्त, स्वशासित तथा गुठीमा कसैले हस्तक्षेप गर्न नपाउने नीति आवश्यक रहेको धारणा राखेका छन् । नेवाः पत्रकार राष्ट्रिय दबूले आयोजना गरेको ‘सरकारको प्रस्तावित गुठी विधयेक र नेवाः सरोकार’ अन्र्तक्रियामा गुठी विधयेक विरुद्ध एकिकृत  आन्दोलनका संयोजक डा. महेशमान श्रेष्ठले नेवारहरुको गुठीमा कसैले हस्तक्षेप गर्न नपाउने शर्तसहित मात्र गुठी विधयेक स्वीकार गर्ने बताए ।

420
कारोबार संवाददाता
शुक्रवार, माघ ३, २०७६

सत्तारुढ दल नेपाल कम्युनिष्ट पार्टी (नेकपा) का स्थायी कमिटी सदस्य तथा पूर्वमन्त्री हरिबोल गजुरेलले संसदमा अहिले देखिएको गत्यावरोधको प्रमुख कारक र बाधक नै उपसभामुख डा. शिवमाया तुम्बाहाङ्फे नै रहेको टिप्पणी गरेका छन् । बिहीबार रिपोर्टर्स क्लब नेपालले आयोजना गरेको साक्षात्कारमा उनले अहिलेको गत्यावरोध हटाउनको लागि पनि उपभामुख डा. तुम्बाहाङ्फेले राजीनामा दिनुपर्ने स्पष्ट पारे । उनले भने, “उहाँले मार्गप्रशस्त गर्नुपर्छ । भोलि उहाँ नै सभामुख बन्ने हो पनि उहाँले राजीनामा नदिईकन सभामुखमा उम्मेद्धवारी घोषणा गर्न मिल्दैन ।”

363
रासस
बिहिवार, माघ २, २०७६

विद्यार्थी शतीराम रोकायले माइक समातेर यो चर्चित गीत गाउन थालेपछि राष्ट्रपति विद्यादेवी भण्डारीसँगै रहेका बालबालिका त रमाए नै, राष्ट्रपति भण्डारी र सहभागी विशिष्ट व्यक्तिको अनुहारमा खुशी छाएको थियो । गीत गाइसकेपछि रोकायले मन नै भएन भने धनको काम नलाग्ने र धनभन्दा मन नै ठूलो हो भन्ने विचार दिएर मञ्चबाट ओझेल पर्दा उनलाई तालीको प्रशंसाको कुनै खडेरी परेन । अर्का विद्यार्थी गोविन्द सार्कीको ‘रेशम फिरिरी...’ धुनमा बाँसुरी बादन, बालबालिकाको अर्काे समूहको ‘च्वाङ्वा ओइ च्याङ्वा..’, ‘चिँ मुसी चिँ’, ‘झुम्रा’,

357
कारोबार संवाददाता
बिहिवार, माघ २, २०७६

नेपाली कांग्रेसका सभापति एवं पूर्वप्रधानमन्त्री शेरबहादुर देउवाले नेकपाभित्रको विवादका कारण तीन महिनादेखि संसद अनिर्णयको बन्दी बनेको बताएका छन् । विराटनगर विमानस्थलमा बुधबार सञ्चारकर्मीहरूसँग कुरा गर्दै देउवाले नेकपाभित्रको विवादकै कारण प्रतिनिधिसभाले सभामुख पाउन नसकेको प्रस्ट पारे ।

298
कारोबार संवाददाता
बुधवार, माघ १, २०७६

कालापानी र लिम्पियाधुरा समेत समावेश गरी नेपालको नक्शा सार्वजनिक गरेको सीमा बचाऔँ अभियानले मंगलबार सुस्तासहितको नेपालको नक्शा सार्वजनिक गरेको छ । रिपोर्टर्स क्लबमा पत्रकार सम्मेलन गरी नेपालको सम्पूर्ण भूभाग समावेश गरी नक्शा सार्वजनिक गर्दै अभियानले सरकारसँग आधिकारिक नक्शा सार्वजनिक गर्न माग गरेको छ ।

431
कारोबार संवाददाता
बुधवार, माघ १, २०७६

मुगु जिल्लाको एकमात्र नगरपालिका छायाँनाथ रारा नगरपालिकाको छैटौं नगरसभा भैरहँदा हलबाहिर ढुंगामुढा भएको छ । सोमबार कृषि कार्यालयको सभाहलमा नगरसभा चलिरहँदा हलबाहिर नेकपा समर्थक जिल्लास्तरका नेता कार्यकर्ताहरुले ढुंगामुढा गरेका हुन् ।

221
कारोबार संवाददाता
मंगलबार, पुष २९, २०७६

राष्ट्रियसभा अन्तर्गतको संसदीय समितिहरुले दिएको निर्देशन मन्त्रालयका मन्त्री र कर्मचारीहरुले पालना नगरेको भन्दै सांसदहरुले गुनासो गरेका छन् । समितिको सोमबार बसेको बैठकले सदस्यहरुले बजार अनुगमनमा देखिएको समस्या पटक पटक सम्बन्धित मन्त्रालयलाई निर्देशन दिए पनि बेवास्ता गरेको भन्दै सम्बन्धित मन्त्री र कर्मचारीसँग स्पष्टिकरण लिनुपर्ने माग गरे ।

326
कारोबार संवाददाता
मंगलबार, पुष २९, २०७६

सञ्चार तथा सूचना प्रविधिमन्त्री गोकुलप्रसाद बाँस्कोटाले सहरी विकास मन्त्रालयको पनि पदभार ग्रहण गरेका छन् ।

358
कारोबार संवाददाता
मंगलबार, पुष २९, २०७६

सत्तारुढ दल नेपाल कम्युनिष्ट पार्टी (नेकपा) का संसदीय दलका प्रमुख सचेतक देवप्रसाद गुरुङले संवैधानिक व्यवस्थाअनुसार उपसभामुखको हैसियतमा डा. शिवमाया तुम्बाहाम्फे सभामुखको उम्मेदवार नै बन्न नपाउने दाबी गरेका छन् । गुरुङले पछिल्लो समय मुलुकमा अनपेक्षित परिघटना भैरहेकोतर्फ सचेत गराए । उनले भने, “संसद अवरुद्ध हुनु दुखद् हो । संसद् यही तवरले अवरुद्ध भैरहे मुलुकको सिस्टममा गत्यावरोध हुनसक्छ ।’ सदनको गत्यावरोध हटाउनको लागि र सदन सुचारु गर्नको लागि सबै दल गम्भिर हुनुपर्नेमा उनले जोड दिए । यद्यपि उनले अहिलेको संसदको गत्यावरोध पार्टीसँग सम्बन्धित नभएको जिकिर गरे । “यो गत्यावरोध संवैधानिक अंगसँग सम्बन्धित छ,” उनले भने, “त्यसैले पार्टीले मात्रै निकास दिन सक्दैन ।”

373
कारोबार संवाददाता
सोमवार, पुष २८, २०७६

प्रतिनिधिसभाको आइतबारको बैठक पनि सूचना टाँसेर स्थगन भएको छ । बैठकको अध्यक्षता गर्ने उपसभामुख डा. शिवमाया तुम्बाहाङ्फेले विशेष कारणवश बैठक स्थगन गरी अर्काे बैठक आगामी माघ ६ गते अपराह्न १ बजेका लागि तोकेको सङ्घीय संसद्का प्रवक्ता डा. रोजनाथ पाण्डेले जानकारी दिए ।

358