कारोबार संवाददाता
मंगलबार, माघ १४, २०७६

प्रतिपक्षी दलका सांसद्हरुले रेडियो, एफएम र टेलिभिजन सम्बन्धी विधेयकको विरोध गरेका छन् । सुदूरपश्चिम प्रदेशको आन्तरिक मामिला तथा कानुन मन्त्रालयले प्रदेश सभामा पेश गरेको सो विधेयकमाथि सामान्य छलफलमा सहभागी सांसद्हरुले संविधानको मर्म विपरित विधेयक ल्याएको भन्दै विरोध गरेका हुन् ।

363
कारोबार संवाददाता
सोमवार, माघ १३, २०७६

प्रतिनिधिसभाको रिक्त सभामुखमा सत्तारूढ नेपाल कम्युनिष्ट पार्टी (नेकपा) का नेता अग्निप्रसाद सापकोटा सर्वसम्मत रुपमा निर्वाचित भएका छन् । बैठकमा सभामुखको हैसियतमा रहेका ज्येष्ठ सदस्य महन्थ ठाकुरले सभामुख पदका लागि एकमात्र उम्मेदवारीको सूचना प्राप्त भएकाले प्रतिनिधिसभा नियमावली, २०७५ बमोजिम सापकोटा सर्वसम्मतरुपमा निर्वाचित भएको घोषणा गरेका हुन् । बैठकमा सभामुखको उम्मेदवारको सूचनासम्बन्धी प्रस्ताव प्रस्तुत गर्दै नेकपा संसदीय दलका उपनेता सुवासचन्द्र नेम्वाङले पारदर्शिता र जवादेहिताका आधारमा सदनका काम कारवाहीमा जुन भूमिका निर्वाह गर्नुपर्ने हो, त्यसमा सिङ्गो संसद्लाई विश्वासमा लिएर काम गर्ने विश्वासका साथ सापकोटालाई प्रस्ताव गरिएको बताए ।

425
कारोबार संवाददाता
सोमवार, माघ १३, २०७६

राष्ट्रिय जनता पार्टी (राजपा) नेपालले सत्ताधारी नेपाल कम्युनिष्ट पार्टी (नेकपा)सँग उपसभामुख र सरकारमा जाने विषयमा छलफल गर्ने भएको छ । राष्ट्रियसभा निर्वाचनमा यी दुई दलले एक अर्कालाई सघाएर एक अर्काका उम्मेदवारलाई जिताएर विश्वासको वातावरण बनाएका छन् । नेकपा र राजपा नेपालबीच यही माघ २ गते २ बुँदे भएको सम्झौता अनुसार राजपाले राष्ट्रिय सभामा आफ्ना उम्मेदवार मात्रै जिताएन, प्रतिनिधिसभाको सभामुखमा नेकपाका उम्मेदवार अग्नि सापकोटालाई समर्थन पनि ग-यो ।

351
कारोबार संवाददाता
सोमवार, माघ १३, २०७६

भारतको ७१औँ गणतन्त्र दिवसका अवसरमा आइतबार लैनचौरस्थित भारतीय राजदूतावासमा आयोजित स्वागत समारोहमा उपराष्ट्रपति नन्दबहादुर पुन सहभागी भएका छन् ।

332
रासस
आइतवार, माघ १२, २०७६

उपप्रधानमन्त्री ईश्वर पोखरेलले नेपाल कम्युनिष्ट पार्टी (नेकपा) र राष्ट्रिय जनता पार्टी (राजपा ) बीचको सहकार्य राम्रो शुरुआत भएको बताएका छन् । बर्दिवासमा नेकपा महोत्तरीद्वारा आयोजित प्रदेश नं २ बाट राष्ट्रियसभामा निर्वाचित प्रतिनिधिलाई बधाइ ज्ञापन गर्दै उनले राजपासँगको सहकार्यले निर्वाचनमा राम्रो परिणाम आएको बताए ।

348
कारोबार संवाददाता
आइतवार, माघ १२, २०७६

लमजुङमा सम्पन्न उपनिर्वाचनका उम्मेदवारहरुले खर्च विवरण बुझाउन आनाकानी गरेका छन् । मंसिर १४ मा सुन्दरबजार नगरपालिका २ को वडाअध्यक्ष पदका लागि उम्मेदवार बनेका सबै उम्मेदवारहरुले चुनावी खर्च बुझाउन आनाकानी गरेका हुन् । निर्वाचन आयोगका अनुसार निर्वाचन सम्पन्न भई मत परिणाम घोषणा भएको ३० दिनभित्र जिल्ला निर्वाचन कार्यालयमा चुनावी खर्च बुझाउनुपर्ने भए पनि हालसम्म कुनै पनि उम्मेदवारको खर्च विवरण नआएको जिल्ला निर्वाचन कार्यालय लमजुङले जनाएको हो ।

312
कारोबार संवाददाता
आइतवार, माघ १२, २०७६

सरकारले चालेका पछिल्ला कदमहरूले नेपालको संक्रमणकालीन न्याय प्रकृयामा गम्भीर धक्का पु-याएको इन्टरनेसनल कमिसन अफ जुरिस्ट (आइसिजे), एम्नेस्टी इन्टरनेसनल, ह्युमन राइट्स वाच र ट्रायल इन्टरनेसनलले बताएका छन् ।

290
कारोबार संवाददाता
शुक्रवार, माघ १०, २०७६

वैठकमा परिषदको सदस्यका रुपमा प्रदेश सरकारका मन्त्रीहरु, विपक्षी दल नेपाली काँग्रेसका संसदीय दलका नेता जीवनवहादुर शाही, प्रदेश सभा संसदीय समितिका अध्यक्षहरु, गाउँपालिका, नगरपालिका र जिल्ला समन्वय समितिका प्रमुखहरुको सहभागिता रहेको छ ।

406
कारोबार संवाददाता
शुक्रवार, माघ १०, २०७६

राष्ट्रियसभा सदस्यको बिहीबार भएको निर्वाचनमा स्थानीय तहतर्फ ९९.१९ प्रतिशत मतदान भएको छ । निर्वाचन आयोगका अनुसार, प्रदेशसभा सदस्यतर्फ भने ९९.१५ प्रतिशत मत खसेको छ । राष्ट्रियसभा सदस्यको १८ पदका लागि बिहीबार बिहान १० देखि अपरान्ह ४ बजेसम्म मतदान भएको थियो ।

607
कारोबार संवाददाता
बिहिवार, माघ ९, २०७६

राष्ट्रियसभा सदस्यको निर्वाचन मुलुकका सातै प्रदेशमा आज हुँदैछ । कुल १८ पदका लागि बिहान १० देखि अपराह्न ४ बजेसम्म हुने मतदान हुने बुधबार आयोजित पत्रकार सम्मेलनमा प्रमुख निर्वाचन आयुक्त दिनेशकुमार थपलियाले जानकारी दिए ।

388
कारोबार संवाददाता
बुधवार, माघ ८, २०७६

प्रतिनिधिसभाको सभामुख पदको निर्वाचनमा नेपाल कम्युनिष्ट पार्टी (नेकपा)का तर्फबाट नेता अग्निप्रसाद सापकोटाको उम्मेद्वारी दर्ता भएको छ । सङ्घीय संसद् भवन, नयाँबानेश्वरस्थित ल्होत्से हलमा मंगलबार मध्याह्न उनले उम्मेदवारी दर्ता गराएका हुन् । सापकोटाको उम्मेदवारीको प्रस्तावकमा नेकपा संसदीय दलका उपनेता सुवास नेम्वाङ रहेका छन् भने समर्थकमा नेकपाका प्रमुख सचेतक देव गुरुङ र सांसद ओनसरी घर्ती तथा राष्ट्रिय जनता पार्टीका सांसद लक्ष्मणलाल कर्ण छन् । संसद् सचिवालयले मंगलबार बिहान ११ बजेदेखि अपराह्न २ बजेसम्म मनोनयन दर्ताको समय तोकेको थियो ।

402
कारोबार संवाददाता
बुधवार, माघ ८, २०७६

प्रधानमन्त्री केपी शर्मा ओलीले नेपाल र भारतबीचका थाती रहेका द्विपक्षीय विषय कूटनीतिक संवादबाट टुङ्गो लगाउने समय आएको बताएका छन् । विराटनगरस्थित एकीकृत भन्सारचौकीको मंगलबार भारतीय समकक्षी नरेन्द्र मोदीसँगै भिडियो कन्फरेन्समार्फत उद्घाटन गर्दै प्रधानमन्त्री ओलीले आपसी सम्बन्ध नयाँ उचाइमा पुगेकाले यसका आधारमा आपसी सहमति र साझेदारीका विषयलाई ‘एक्सन’मा उतार्ने समय आएको स्पष्ट गरे ।

406
कारोबार संवाददाता
बुधवार, माघ ८, २०७६

सभामुखका लागि उम्मेदवारी दिनुअगावै चर्चामा आएका सापकोटाको राजनीतिक जीवन यस्तो छ । २४ फागुन २०१४ मा सिन्धुपाल्चोकको साविक कुविण्डे गाविस (हाल चौतारा साँगाचोकगढी नगरपालिका–४)मा आमा तीलमायाको कोखबाट जन्मिएका हुन् अग्निप्रसाद सापकोटा । श्रीमती र तीन छोरा रहेको सापकोटाले त्रिभुवन विश्वविद्यालयबाट स्नातक गरेका छन् । उच्च शिक्षासँगै अध्यापन सुरु गरेका सापकोटा सिन्धुपाल्चोकमा कुशल हेडसरका रुपमा परिचित छन् । अहिले पनि सापकोटालाई जिल्लावासीले अग्नि सरको सम्बोधन गर्छन् । साँगाचोकको जनजागृति माविमा उनले प्रधानाध्यापक चलाएका थिए । उनले १५ वर्ष अध्यापनमा आफ्नो समय बिताएका थिए ।

479
रासस
मंगलबार, माघ ७, २०७६

उपसभामुख डा. शिवमाया तुम्वाहाङ्फेले पदबाट राजीनामा दिएसँगै प्रतिनिधिसभाको नयाँ सभामुख चयनका लागि बाटो खुलेको छ । सभामुखको उम्मेदवारको टुङ्गो लागेसँगै उनले पदबाट राजीनामा दिएकी हुन् ।

326
मुकेश चौधरी
मंगलबार, माघ ७, २०७६

सुदूरपश्चिम प्रदेश सभाको पाँचौं अधिवेशनको पहिलो बैठकमा सुदूरपश्चिम प्रदेश सरकरको कडा आलोचना भएको छ । सोमबार शुरु भएको प्रदेश सभाको पाँचौं अधिवेशनको पहिलो बैठकमा सत्तापक्ष र प्रतिपक्षका शीर्ष नेताहरुले सरकारको कडा रुपमा आलोचना गरेका हुन् । नेपाली कांग्रेस सुदूरपश्चिम प्रदेश सभा संसदीय दलका नेता रणबहादुर रावलले सुदूरपश्चिम प्रदेशका केही मन्त्री बिना लगामका घोडा जस्तै भएको आरोप समेत लगाए । उनले प्रदेश सभाबाट कानुन बनाउने तर कार्यान्वयन नगर्ने प्रवृत्ति बढेको बताउँदै पहिलो र अन्तिम प्रदेश सांसद् आफूहरु नै हुने खतरा बढेको समेत बताए ।

358