केशव समर्पण
सोमवार, श्रावण १९, २०७७

बागमती प्रदेशले संशोधन समायोजनको लागि कर्मचारीलाई दिँदै आइएको सहमति रोक्का गरेको छ । कर्मचारी समायोजन सकिएको झण्डै डेढ वर्ष बितिसक्दा पनि संघीय मामिला तथा सामान्य प्रशासन मन्त्रालयले कर्मचारी समायोजन संशोधनको नाममा कर्मचारीको सरुवा जारी राखेपछि त्यसले प्रदेशको कामकाजमा असर गरेको भन्दै प्रदेशले संशोधन समायोजनको लागि दिने सहमति तत्कालका लागि रोक्ने निर्णय गरेको हो ।

298
धर्मेन्द्र कर्ण
शुक्रवार, श्रावण १६, २०७७

जनता समाजवादी पार्टीको शीर्ष नेतृत्वमाथि कार्यकारिणी समितिलाई दोब्बर बनाउन दबाब बढिरहेको छ । संघीय परिषद् अध्यक्षको चयन गरी पार्टीका विभिन्न संरचनालाई पूरा गर्नुपर्ने कार्यमा यो दबाबले समस्या निम्त्याइदिएको छ । महन्थ ठाकुरलाई एक नम्बर कार्यकारी अध्यक्ष र दुई नम्बर उपेन्द्र यादवलाई बनाएर पार्टी एकीकरणको प्रमाणपत्र निर्वाचन आयोगबाट प्राप्त गरेको जसपामा कार्यकारिणी समितिको विवाद बढ्न थालेको हो ।

511
कारोबार संवाददाता
शुक्रवार, श्रावण १६, २०७७

कोरोना पीडित संघर्ष संयुक्त समिति र इनफ इज इनफले सरकार कोरोना महामारीबाट पीडितप्रति संवेदनशील बनेर राहतको कदम नचाले आन्दोलन गर्ने चेतावनी दिएका छन् । बिहीबार रिपोर्टर्स क्लब नेपालमा पत्रकार सम्मेलनको आयोजना गरेर तत्काल आफूहरुको माग पूरा नगरे आन्दोलनमा जान वाध्य हुने बताएको हो ।

538
कारोबार संवाददाता
शुक्रवार, श्रावण १६, २०७७

नेपाली कांग्रेसका वरिष्ठ नेता रामचन्द्र पौडेलले नेपाली कांग्रेसले मुलुकको आर्थिक विकास, रोजगारी र उद्यम-व्यवसाय मैत्री वातावरण निर्माणमा महत्वपूर्ण काम गरे पनि त्यसलाई आम जनतालाई बुझाउन नसकेको बताएका छन् । नेपाली कांग्रेस, लगानी, पूर्वाधार तथा रोजगार केन्द्रीत विशेष समितिसँगको छलफलमा वरिष्ठ नेता पौडेलले अहिलेको सत्तारुढ दलले नारा बेचेर जनतालाई गुमराहमा पारेपनि अब क्रमशः झुटको पर्दा खुल्दै गएको उल्लेख गरे ।

407
कारोबार संवाददाता
शुक्रवार, श्रावण १६, २०७७

उद्योग, वाणिज्य तथा आपूर्तिमन्त्री तथा नेकपाका नेता लेखराज भट्टले केपी शर्मा ओलीलाई प्रधानमन्त्री र पार्टी अध्यक्ष दुवै पदबाट हटाउन नहुने स्पष्ट पारेका छन् । उनले भने, ‘केपी ओली नै पाँच वर्षको प्रधानमन्त्री हो, पार्टीले सरकारलाई सहयोग गर्छ । पार्टी भनेको सबै हो । अहिले प्रधानमन्त्री ओलीको विकल्प म देख्दिन ।’

543
कारोबार संवाददाता
शुक्रवार, श्रावण १६, २०७७

राष्ट्रिय प्रजातन्त्र पार्टीले सम्बर्धनवादी राजनीतिक दलहरूको छाता संगठन ‘इन्टरनेशनल डेमोक्राटिक युनियन’ को सदस्यता प्राप्त गरेको छ । युनियन कार्य समितिको बिहीबार बसेको भर्चुअल बैठकले राप्रपालाई सदस्यता दिने निर्णय गरेको हो । क्यानडाका पूर्वप्रधानमन्त्री स्टेफन हार्परको अध्यक्षतामा बसेको बैठकमा राप्रपालाई सदस्यता दिने प्रस्ताव अष्ट्रेलियाको सत्तारुढ दल लिवरल पार्टी अफ अष्ट्रेलियाले गरेको थियो ।

503
कारोबार संवाददाता
बिहिवार, श्रावण १५, २०७७

सत्तारूढ दल नेपाल कम्युनिष्ट पार्टी (नेकपा) का स्थायी कमिटी सदस्य मणि थापाले नेकपाको शक्ति सन्तुलन एकताको पक्षमा देखिएको स्पष्ट पारेका छन् । उनले भने, ‘हाम्रो पार्टी एकता ताकाको स्पिरिटमा आइपुगेको छ, अब यही कोर्समा पार्टी अघि बढुछ ।’ बुधबार रिपोर्टर्स क्लब नेपालले आयोजना गरेको साक्षात्कारमा थापाले आफू कुनैपनि गुटमा नभएको जिकिर गरे । उनले भने, ‘म एकताको पक्षमा छु । म महाधिवेशनबाट नयाँ नेकपा बनाउने पक्षमा छु ।

471
धर्मेन्द्र कर्ण
बुधवार, श्रावण १४, २०७७

प्रधानमन्त्री केपी शर्मा ओलीले असन्तुष्ट सत्ताधारी नेकपा पार्टीका नेताहरूलाई तत्काल समाधान खोज्ने हो भने ‘टाङमुनि छिर’ भन्ने संकेत गरेका छन् । ओलीले निर्धारित स्थायी कमिटी को बैठकलाई एकलौटी रूपमा स्थगित गरी यस्तो संकेत दिएको नाम नखुलाउने एक स्थायी कमिटी सदस्यले बताएका छन् । पार्टी एकीकरण भएयता पार्टीका अर्का अध्यक्ष पुष्पकमल दाहाल प्रचण्डले प्रधानमन्त्री ओलीको अडानका अगाडि कमजोर हुँदै आएकाले ओलीको मनोबल बढाएको छ । भारत विरोधी अभिव्यक्ति दिएर आफूलाई राष्ट्रवादी दर्शाएर आगामी निर्वाचन पनि त्यही एजेन्डामा चुनाव जित्ने योजना ओलीको छ ।

771
कारोबार संवाददाता
बुधवार, श्रावण १४, २०७७

राप्रपा परित्याग गरेका पूर्वमन्त्री सुनिलबहादुर थापा आफ्नो समूहसहित मंगलबार नेपाली कांग्रेसमा प्रवेश गरेका छन् । पार्टी कार्यालय सानेपामा आयोजित कार्यक्रममा सभापति शेरबहादुर देउवाले थापासहितका राप्रपा परित्याग गरेका नेताहरुलाई कांग्रेसमा स्वागत गरे ।

330
कारोबार संवाददाता
मंगलबार, श्रावण १३, २०७७

गण्डकी प्रदेशका मुख्यमन्त्री पृथ्वीसुव्वा गुरुङले बाढी, पहिरा जस्ता विपदबाट प्रभावितहरुलाई राज्यले अनिवार्य सहयोग गर्ने बताएका छन् । गत साता लमजुङमा परेको भारी वर्षासँगै बाढी पहिरोबाट प्रभावितहरुको घरदैलोमा पुगेर उनीहरुको व्यवस्थापनको निम्ति राज्यले सम्बोधन गर्ने आश्वासन दिएका हुन् ।

408
धर्मेन्द्र कर्ण
सोमवार, श्रावण १२, २०७७

भारतसँगको जटिलता फुकाउन वार्ता सहजीकरण गर्न सक्ने खालका उपसभामुखको खोजी भइरहेको सरोकारवालाहरूले बताएका छन् । सत्ताधारी पार्टीको तर्फबाट अन्य पार्टीबाट खोजिने उपसभामुखको खोजीको विषयमा यस्तै धारणा बनाइएको छ । भारतसँगका विभिन्न समस्याका बारेमा भन्दा पनि संसदबाट अनुमोदित नयाँ नक्शाले उत्पन्न गराएको दुईपक्षीय अडानका विषयबारे वार्ता तथा संवाद गर्नुपर्ने आवश्यकता रहेको छ ।

695
कारोबार संवाददाता
सोमवार, श्रावण १२, २०७७

प्रमुख प्रतिपक्षी दल नेपाली कांग्रेसको भातृ संगठन नेपाल महिला संघले देशमा भएका विभिन्न महिला हिंसाका घटनाका प्रत्यक्ष दोषीहरूलाई कुनैपनि हालतमा उन्मुक्ति दिन नहुने र घटनामा संलग्नहरूलाई कडाभन्दा कडा कारबाही नगरिए देशव्यापी रूपमा सशक्त आन्दोलन गर्ने चेतावनी दिएको छ । आइतबार रिपोर्टर्स क्लब नेपालमा पत्रकार सम्मेलन गर्दै नेपाल महिला संघले श्रीमतीको हत्या गरेको प्रमाणित भएपछि सर्वस्वसहित जन्मकैद सजाय भोगिरहेका रञ्जन कोइरालालाई सजाय घटाइएको घटना, निर्मला पन्तको बलात्कारपछि हत्या भएको दुई वर्ष पुग्दा पनि सरकारले दोषीलाई कारबाही गर्न नसकेको र हिट एण्ड रन मुद्दामा अभियुक्त पृथ्वी मल्ललाई पाँच लाख धरौटीमा रिहाई गरिएको र युवतीमाथित एसिड आक्रमणलगायत घटनाको विरोध गर्दै उल्लेखित सबै घटनाका दोषीहरूलाई कारबाही गरिनुपर्ने माग गरेको हो ।

450
कारोबार संवाददाता
सोमवार, श्रावण १२, २०७७

सिंहदरबार हातामा निर्माणाधीन संघीय संसदको आधुनिक भवनको भौतिक प्रगति ७ प्रतिशत सम्पन्न भएको छ । सहरी विकास मन्त्रालय अन्तर्गत निर्माण भइरहेको विशेष भवन निर्माण आयोजना सिंहदरबार हातामा निर्माण भइरहेको भवनको काम ७ प्रतिशत सम्पन्न भएको हो । मन्त्रालयले विशेष भवन निर्माणअन्तर्गत उक्त आयोजनासहित ललितपुरको सैंबुस्थित भैंसेपाटीमा निर्माण भइरहेको राष्ट्रिय सभा अध्यक्ष, उपाध्यक्ष, प्रतिनिधि सभाका उप–सभामुख, संघीय मन्त्रीहरुको आवास, र प्रदेश प्रमुख तथा मुख्य मन्त्रीहरुको सम्पर्क कार्यालय र ललितपुरकै गोदावारीमा ३ हजार सिट क्षमताको सम्मेलन केन्द्र (सिटी हल) निर्माणको गरी रहेको छ ।

578
मीनकुमार नवोदित
आइतवार, श्रावण ११, २०७७

नामको विषय संसदमा प्रवेशै नगरी बजेट अधिवेशन अन्त्य भएपछि प्रदेश–१ को नाम अझै अनिश्चित बनेको छ । संसद बैठकमा पटक–पटक सांसदहरूले नामाकरणको विषय उठाए पनि सरकारले हरेक पटक आगामी अधिवेशनमा टुंगो लगाउने भन्दै सरकारले टार्दै आएको छ । स्थायी राजधानी टुंगो लागे पनि नामाकरणको विषय प्रदेश–१ मा पेचिलो बन्दै गएको छ । प्रदेशको नामाकरण भूगोलका आधारमा गर्ने या जातीय आधारमा गर्ने भन्ने अन्यौल अथावतै छ । हाल कोशी, सगरमाथा, किराँत र लिम्बुवानमध्ये के नाम राख्ने भन्ने विवाद तीव्र देखिएको छ । शुक्रबारबाट प्रदेशको छैटौं तथा बजेट अधिवेशन सकिएको छ । तर, यसपटकको बैठकमा पनि नामको विषय औपचारिक रुपमा संसदमा प्रवेश नगर्दा सत्तारुढ दलकै सांसदहरू रुष्ट बनेका छन् ।

365
कारोबार संवाददाता
आइतवार, श्रावण ११, २०७७

प्रमुख प्रतिपक्षी दल नेपाली कांग्रेसका केन्द्रीय सदस्य तथा पूर्वमन्त्री मीनबहादुर विश्वकर्माले वर्तमान सरकार चौतर्फी रुपमा असफल भएको दाबी गर्दै सरकारको विकल्प खोजिनुपर्ने बताएका छन् । शनिबार रिपोर्टर्स क्लबमा आयोजित साक्षात्कारमा उनले भने, ‘सरकार कहाँ छ ? सरकार कहीँपनि देखिएको छैन । नेपालको सिमानाभित्र नेपाल सरकार छैन । सरकार हामीभन्दा बाहिर छ । अहिले यत्रो बाढीपहिरो गएको छ, कोरोनाको महामारी छ, हत्या, हिंसा, बलात्कार, एसिड आक्रमणजस्ता घटना बढेका छन्, तर सरकार कहीँपनि छैन ।’

319