मेगराज खड्का
आइतवार, श्रावण २५, २०७७

रुकुम पश्चिमको आठबिसकोट नगरपालिकाले सामुदायिक विद्यालयमा अध्यनरत सबै छात्राहरूका लागि स्यानेटरी प्याडको व्यवस्था गर्ने भएको छ । महिनावारी भएको बेला छात्राहरूले कक्षा छोड्नुपर्ने समस्या समाधानका लागि नगरपालिकाका प्रत्येक विद्यायका छात्राका लागि स्यानेटरी प्याडको व्यवस्था गरिने भएको हो ।

74
कृञ्जला पुलामी
आइतवार, श्रावण २५, २०७७

कार्यालयमा कार्यरत महिला कर्मचारी तथा सेवा लिन आउने सेवाग्राहीलाई बच्चालाई स्तनपान गराउन सहज होस् भनेर कार्यालमै कक्षको स्थापना गर्नुपर्ने व्यवस्था भए पनि जिल्लाका अधिकांश कार्यालयमा यसको अभ्यास भएको पाइँदैन । जिल्लाका एकादुई सरकारी कार्यालयबाहेक स्थानीय तहकै कार्यालयले पनि स्तनपान तथा शिशु स्याहार कक्षको व्यवस्थापनतर्फ ध्यान दिएका छैनन् । स्तनपान नवजात शिशुको अधिकार र आमाको कर्तब्य भए पनि व्यवस्थित कक्ष निर्माण नहुँदा महिलाहरूले खुल्ला स्थानमा असहजरूपमा स्तनपान गराउनु पर्ने बाध्यता छ ।

89
कारोबार संवाददाता
आइतवार, श्रावण २५, २०७७

सप्तरीको एक मात्र सरकारी अस्पताल गजेन्द्रनारायण सिंह अस्पतालका चिकित्सक, स्वास्थ्यकर्मीलाई निजी क्लिनिक, निजी अस्पताल वा बाहिरका स्थानमा बिरामी जाँच गर्न शनिबारदेखि रोक लगाइएको छ । जिल्ला सङ्कट व्यवस्थापन केन्द्र सप्तरीले निर्देशन जारी गर्दै सो अस्पतालका चिकित्सक, स्वास्थ्यकर्मीलाई अस्पताल बाहिरका क्लिनिक वा अन्य कुनै पनि स्थानमा बिरामी जाँच गर्न रोक लगाइएको हो । हाल अस्पतालको आकस्मिक कक्षमा कार्यरत सात अहेव सङ्क्रमित भएर आइसोलेसनमा छन् भने शङ्कास्पद तीन चिकित्सकसहित २७ स्वास्थ्यकर्मी र कर्मचारी होम क्वारेन्टिनमा छन् ।

168
कारोबार संवाददाता
आइतवार, श्रावण २५, २०७७

बाराको जितपुर सिमरा उपमहानगरपालिकाको सिमरामा संचालित अस्तव्यस्त कोरोना अस्थायी अस्पताल व्यवस्थित गर्न स्थानीय अगुवाहरुले माग गरेका छन् ।

134
कारोबार संवाददाता
आइतवार, श्रावण २५, २०७७

देशभर सात जिल्ला कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार ती जिल्लाहरुमा खोटाङ, धनकुटा, संखुवासभा, मनाङ, मुस्ताङ, डोल्पा र हुम्ला छन् ।

265
किरण कर्ण
शुक्रवार, श्रावण २३, २०७७

प्रदेश नम्बर २ का एक जना मन्त्री र एक जना महिला प्रदेशसभा सदस्य कोरोना संक्रमित भएको छ भने जनकपुरधाम उपमहानगरपालिकाका २ कर्मचारी र नगरप्रमुख लालकिशोर साहका परिवारजनमा समेत कोरोना संक्रमण भएको पुष्टि भएको छ ।

377
कारोबार संवाददाता
शुक्रवार, श्रावण २३, २०७७

गणेशमान सिंह अध्ययन प्रतिष्ठानले देशव्यापी लकडाउनले समस्या थप गहिरिने जनाउँदै कोरोना रोकथाम तथा नियन्त्रणमा पूर्वतयारी यथेष्ट रुपमा गर्न सरकारलाई आग्रह गरेको छ । पूर्वतयारीको अभावमा विगतमा लकडाउन प्रभावकारी नभएको स्मरण गराउँदै प्रतिष्ठानले लकडाउनले मात्र कोभिड–१९ नियन्त्रण नहुने भएकाले स्वास्थ्य क्षेत्रका काम प्रभावकारी बनाउँदै तयारी बढाउन आग्रह गरेको हो ।

284
मेगराज खड्का
शुक्रवार, श्रावण २३, २०७७

रुकुम पश्चिममा कोरोना भाइरस संक्रमणसँगै सर्पदंशका बिरामी समेत बढ्न थालेका छन् । जिल्लाको चौरजहारी नगरपालिकामा रहेको चौरजहारी अस्पतालमा सर्पले डसेका बिरामीहरुका लागि आवश्यक पर्ने एन्टिस्नेक भेनम औषधिको अभाव भएको हो । वार्षिक रुपमा २० देखि ३० जना सर्पले डसेका बिरामी आउने चौरजहारी अस्पतालमा एन्टिस्नेक भेनम औषधिको अभाव भएपछि अस्पतालले बिरामीहरुलाई नेपालगञ्ज लगायतका अस्पतालहरुमा रेफर गर्दै आइरहेको जनाएको छ ।

275
कारोबार संवाददाता
शुक्रवार, श्रावण २३, २०७७

बिहीबार देशभर ३६० जनामा कोरोना संक्रमण पुष्टि भएको छ । योसहित देशभर कोरोना पुष्टि हुनेको कुल संख्या २१ हजार ७५० पुगेको छ । बिहीबार ६ हजार ६२२ जनाको पीसीआर नमुना परीक्षण गरिएको छ । हालसम्म ४ लाख १९ हजार ५७५ जनाको पीसीआर नमुना परीक्षण गरिएको छ । हाल देशका विभिन्न क्वारेन्टिनमा ९ हजार ४७० जना रहेका छन् ।

266
नीरज पिठाकोटे
बिहिवार, श्रावण २२, २०७७

भुसको आगो जस्तै सल्किएर कोरोना भाईरस कोभिड–१९ महामारीको इपीसेण्टर बनेको वीरगन्जमा संक्रमण अझै रोकिएको छैन । पछिल्लो पटक एकजनाको मृत्युपछि कोरोना संक्रमण पुष्टि भएको सहित दुईजनाको ज्यान गएको छ । वीरगन्ज महानगरपालिका वडा नम्बर १५ का ४५ वर्षीय पुरुष र पर्साकै पोखरिया नगरपालिका वडा नम्बर ९ की एक १८ बर्षीया युवतीको ज्यान गएको हो । युवतीको भने, मृत्युपछि पीसीआर परीक्षण गर्दा कोरोना भाईरस संक्रमण पोजेटिभ आएको हो । गण्डक बहुअरी स्थित वीरगन्ज हेल्थ केयर अस्थायी कोभिड अस्पतालमा उपचारका क्रममा मृत्यु भएका ४५ बर्षीय पुरुषको पीसीआर रिपोर्ट पोजेटिभ आएको हो ।

552
सुब्बा कार्की
बिहिवार, श्रावण २२, २०७७

जिल्ला प्रशासन कार्यालय रौतहटले साउन २४ शनिबार गतेदेखि ३२ गतेसम्मका लागि रौतहट जिल्लाभरि निषेधाज्ञा लागू गर्ने निर्णय गरेको छ । छिमेकी जिल्ला बारा, सर्लाही र पर्सामा कोरोनाको संक्रमण बढेपछि बुधबार बसेको सुरक्षा समितिको बैठकले रौतहटमा पनि निषेधाज्ञा लागू गर्ने निर्णय गरेको हो । रौतहटमा पनि समुदायमा संक्रमण फैलिने त्रास भएकाले जिल्लालाई नै निषेधाज्ञा गर्ने निर्णय गरिएको जिल्ला प्रशासन कार्यालय रौतहटका प्रमुख जिल्ला अधिकारी वासुदेव घिमिरेले जानकारी दिएका छन् । अत्यावश्यक कामबाहेक रौतहट जिल्लामा २४ गतेदेखि ३२ गतेसम्म पूर्णरूपमा निषेधाज्ञा गरिने निर्णय भएको प्रमुख जिल्ला अधिकारी घिमिरेले जानकारी दिए ।

292
कारोबार संवाददाता
बिहिवार, श्रावण २२, २०७७

सदरमुकाम बेंसीसहरमा रहेको लमजुङ जिल्ला सामुदायिक अस्पतालले एक आर्थिक वर्षमा मात्रै ८७ लाखभन्दा बढिको निःशुल्क सेवा प्रदान गरेको जनाएको छ । आर्थिक वर्ष २०७६-७७ को अवधिमा ८७ लाख १५ हजार ८ सय १६ रुपैयाँ बराबरको निःशुल्क सेवा प्रदान गरेको अस्पतालले जनाएको हो । अस्पतालका अनुसार गरिव, विपन्न परिवार, ज्येष्ठ नागरिकलगायत सरकारबाट स्वास्थ्य सेवामा विशेष सहुलियत पाउने वर्गका ६ हजार ६ सय २६ जनाले निःशुल्क सेवा पाएका हुन् । अस्पतालले निःशुल्क औषधिसँगै सो मूल्य बराबरको विभिन्न सेवाहरू निःशुल्क उपलब्ध गराएको अस्पताल प्रमुख हेमन्त श्रेष्ठले बताए । अस्पतालका अनुसार गत आर्थिक वर्षमा मात्रै ५५ हजार २ सय ४५ जनाले अस्पतालबाट सेवा लिएका छन् । गत आर्थिक वर्षमा एकहजार १ सय २३ जनाले सुत्केरी सेवा लिएका छन् ।

234
कारोबार संवाददाता
बिहिवार, श्रावण २२, २०७७

जापानस्थित नेपाली राजदूतावास टोकियोका नवनियुक्त उपनियोग प्रमुखलाई कोरोना संक्रमण भएको पाइएको छ । चार वर्षे कार्यकाल सम्हाल्न टोकियो पुगेकै दिन नारिता विमानस्थलमा भएको कोभिड–१९ परीक्षणमा दूतावासका वरिष्ठ अधिकारीमा कोरोना संक्रमण भएको पाइएको हो ।

274
नीरज पिठाकोटे
बिहिवार, श्रावण २२, २०७७

कोरोना भाइरस कोभिड–१९ महामारीको ईपीसेन्टर बनेको वीरगन्जमा पछिल्लो पटक दुईजनाको मृत्युपछि कोरोना संक्रमण पुष्टि भएको छ । वीरगन्ज महानगरपालिका–१५ का ४५ वर्षीय पुरुष र पर्साकै पोखरिया नगरपालिका–९ की एक १८ वर्षीया युवतीको मृत्युपछि पीसीआर परीक्षण गर्दा कोरोना भाइरस संक्रमण पोजेटिभ आएको हो । गण्डक बहुअरीस्थित वीरगन्ज हेल्थ केयर अस्थायी कोभिड अस्पतालमा उपचारका क्रममा मृत्यु भएका ४५ वर्षीय पुरुषको पनि पीसीआर रिपोर्ट पोजेटिभ आएको छ ।

288
कारोबार संवाददाता
बुधवार, श्रावण २१, २०७७

बालसेवा समाज नेपालद्वारा दिक्तेल–रुपाकोट–मझुवागढी नगरपालिकालाई क्वारेन्टिन व्यवस्थापनका लागि स्वास्थ्य सामग्री सहयोग गरेको छ । कोरोना भाइरसबाट सुरक्षित रहनका लागि नगरपालिकालाई १४ लाख बराबरको स्वास्थ्य सामाग्री वितरण गरेको हो ।

186