राजेन्द्र बस्नेत
बिहिवार, चैत्र २०, २०७६

स्नातक पढ्दै गर्दा इजरायल जाने मौका पाएका सुशील श्रेष्ठ अब विदेश नजाने सोचाइमा पुगेका छन् । त्यसैले उनले गाउँमै कुखुरापालन व्यवसायमा हात हालेका छन् । दुई वर्ष इजरायलमा तरकारी फर्ममा तालिम लिएका उनले गाउँ आएपछि बोइलर कुखुरा पाल्न सुरु गरेका हुन् । अर्काको टहरो भाडामा लिएर कुखुरापालनमा लागेका उनले दुईपटक उत्पादन पनि लिइसके । गत मंसिरमा २१ दिनको २ सय ५० वटा चल्ला हालेका उनले बताए । “ती चल्ला अहिले बेचिरहेको छु, भाउ राम्रै आएको छ,” उनले भने, “अब फर्म दर्ता गरेर कुखुराको संख्या बढाउँछु ।” “अब जान्न विदेश, त्यो भनेको केही समयका लागि मात्र हुने रहेछ,” उनी भन्छन्, “विदेशमा आधुनिक सीपहरू छन् त्यो सिकेर आफ्नै गाउँ ठाउँमा गर्न सकेमात्र विदेश बसेको सार्थक हुने रहेछ ।”

298
गोपाल संग्रौला
बिहिवार, चैत्र २०, २०७६

नेपालका कतिपय श्रम गन्तव्यले कोरोनाका कारण आंशिक रूपमा रोजगारी गुमाएका नेपालसहित अन्य देशका विदेशी श्रमिकलाई मासिक पारिश्रमिक दिने भएका छन् । युरोपको रोमानिया र एसियाको कतारले कारोना भाइरसका कारण रोजगारी गुमाएका विदेशीलाई मासिक तलब दिने निर्णय गरेका छन् ।

411
गोपाल संग्रौला
आइतवार, चैत्र १६, २०७६

नेपालका प्रमुख श्रम गन्तव्यमा रहेका नेपालीको स्वास्थ्य सुरक्षालाई उच्च प्राथमिकता दिन सरकारले सम्बन्धित ५ वटा नियोगलाई बुधबार निर्देशन दिएको छ । मलेशिया, जापान, दक्षिण कोरिया, इजरायल र दक्षिण अफ्रिका स्थित नेपाली नियोग प्रमुखहरूसँग नेपालीको रोजगारी र स्वास्थ्य सुरक्षा लगायतका विषयमा उच्च प्राथमिकता दिन निर्देशन दिएको हो । परराष्ट्रमन्त्री प्रदीपकुमार ज्ञवाली र श्रम,रोजगार तथा सामाजिक सुरक्षामन्त्री रामेश्वर राय यादवले संयुक्त रूपमा ती श्रम गन्तव्यमा रहेका नेपाली र कोरोना भाइरस (कोभिड १९ संक्रमणका सम्बन्धमा भिडियो सम्बादमार्पmत जानकारी लिएर निर्देशन दिएको छ ।

384
कारोबार संवाददाता
आइतवार, चैत्र ९, २०७६

बेनी नगरपालिका–१ सारेमारेका युवा एकेन्द्र थापा मगरले गाउँमा व्यावसायिक रुपमा बंगुरपालन गरेका छन् । वैदेशिक रोजगारीलाई त्याग्दै ३५ वर्षिय मगरले व्यावसायिक रुपमा बंगुरपालन गरेका हुन् । उनले सारेमारे स्थित कालिगण्डकी नदिको किनारमा रहेको आफ्नै खेतमा खोर निर्माण गरी स्थानीय कालो सुंगुर, बंगुर र बँदेलको व्यवसायिक पालन गरेका छन् । कृषि फर्म दर्ता गरेर दुई वटा बंगुरबाट सुरु गरेका मगरको फार्ममा अहिले ४० भन्दा बढी बंगुर पालेका छन् ।

391
मनिषा चम्लागाईँ
शुक्रवार, चैत्र ७, २०७६

भारतीय नागरिक वण्डाली राय झापाको बिर्तामोड नगरपालिका –२ स्थित जानकी इटा उद्योगमा मजदुरी गर्छिन् । वण्डलीकी आमा चम्पा राय पनि सोही उद्योगमा काम गर्छिन् । वण्डली र चम्पा मात्र होइन ७० वर्ष नाघेकी चम्पाकी आमा सरस्वती राय पनि जानकी इटा उद्योगमा नै काम गर्छिन् ।

475
प्रकाश पाक्साँवा
बुधवार, चैत्र ५, २०७६

जिल्लाको फेदाप गाउँपालिका–१ ओयाक्जुङ मेहेलेमा आदिवासी जनजाती भवन निर्माण कार्य सम्पन्न भए पनि भुक्तानीमा अन्यौल छ । आ.व.०७६-७७ मा गाउँपालिकाबाट भवनका लागि बजेट नपरेपछि दुःखी बनेका स्थानीयबासीले पालिका अध्यक्ष हरि चोङबाङ समक्ष दुखेसो पोखेपछि काम अगाडि बढाउन उपभोक्ता समितिलाई भनेका थिए ।

323
गोपाल संग्रौला
बुधवार, चैत्र ५, २०७६

सरकारले वैदेशिक रोजगारीबाट फर्केका युवाको सीप र क्षमतालाई प्रयोग गरिने जनाए पनि फर्केका १५ प्रतिशत युवाले मात्र विदेशमा आर्जन गरेको सीपअनुसार रोजगारी पाएको देखिन्छ । सरकारले हालै सार्वजनिक गरेको नेपाल श्रम आप्रवासन प्रतिवेदन २०२० मा गन्तव्य मुलुकहरूबाट स्वदेश फर्कनेमा ४४.२ प्रतिशत युवा मात्र रोजगारमा संलग्न रहेको देखिएको छ । सरकारले विदेशबाट फर्केका नेपालीको पुँजी र सीपलाई स्वदेशमा नै प्रयोग गरी रोजगारी एवम् उद्यमशिलता विकास गर्ने जनाए पनि सो अनुसारको नीतिगत व्यवस्था गर्न सकेको देखिँदैन ।

353
गोपाल संग्रौला
बुधवार, चैत्र ५, २०७६

कोरोना भाइरस (कोभिड १९) संक्रमण बढ्दै गएपछि कतार र साउदी अरबपछि मलेसियाले पनि विदेशी श्रमिक प्रवेशमा पूर्ण रूपमा रोक लगाएको छ । मलेसियामा कोरोना भाइरसको संक्रमण दर बढ्दै जान थालेपछि बुधबार (आज) बाट १४ दिनका लागि विदेशीलाई प्रवेशमा रोक लगाइएको हो । यसअघि कतार र साउदी अरबले पनि नेपाली श्रमिकको आवतजावतमा रोक लगाइसकेका छन् ।

378
गोपाल संग्रौला
सोमवार, चैत्र ३, २०७६

कोरोनाका कारण नेपालका श्रम गन्तव्य सीमित हुँदै छन् । कतारपछि साउदी अरेबिया सरकारले आइतबारदेखि नयाँसहित नेपालमा बिदामा आउने र बिदा मनाएर फर्कने नेपालीलाई रोक लगाएको छ । आइतबारबाट साउदी अरब सरकारले २ हप्ताका लागि आवतजावतमा रोक लगाएको त्यहाँस्थित नेपाली दूतावासले जनाएको छ ।

1041
गोपाल संग्रौला
शुक्रवार, फाल्गुन ३०, २०७६

सरकारले विगत ५ वर्षदेखि वैदेशिक रोजगारीको सेवा शुल्क शून्य बनाउने लक्ष्य लिएपनि हालसम्म तीनवटा श्रम गन्तव्यमा मात्र शून्य लागत लागू भएको छ । लागू गरिएका देशमा पनि शून्य लागत कार्यान्वयन हुन नसकेर कतिपय नेपाली युवाले लाखौं तिर्नु परेको अवस्था छ ।

592
कारोबार संवाददाता
बुधवार, फाल्गुन २८, २०७६

वैदेशिक रोजगारको क्षेत्रलाई मर्यादित, व्यवस्थित तथा सुरक्षित बनाउन वैदेशिक रोजगार सम्बन्धि गैरआवासिय नेपाली संघको आधिकारिक धारणापत्र बनाउने सम्बन्धमा बैठकको आयोजना गरिएको छ । संघका उपाध्यक्ष तथा वैदेशिक रोजगार तथा गैरआवासीय नेपाली कल्याणकारी हित विभागका प्रमुख डा. बद्री केसीको अध्यक्षतामा बसेको बैठकले वैदेशिक रोजगार सम्बन्धमा विभिन्न निर्णय गरेको छ ।

399
कारोबार संवाददाता
बुधवार, फाल्गुन २८, २०७६

जापानी भाषा र सीप परीक्षा उत्तिर्ण गरेर बसेका ६० जना नेपाली युवालाई ल्याउन जापानी कम्पनीले प्रक्रिया अघि बढाएको छ । जापानको सोसियल वेलफेयर कम्पनीले केयर गिभरमा जापान आउन नियमानुसारको परीक्षा उत्तिर्ण गरेकालाई ल्याउन लागेको हो । यसअघि फिलिपिन्स लगायत देशबाट केयरगिभरमा कामदार ल्याइसकेको जापानको तोचिगिमा कार्यालय रहेको उक्त कम्पनीले ६० जना नेपाली

551
गोपाल संग्रौला
बुधवार, फाल्गुन २८, २०७६

सरकारले कतार जाने युवाका लागि जारी गर्दै आएको श्रम स्वीकृति सेवा मंगलबारदेखि स्थगित गरेको छ । कतारले नेपालसहित १४ देशका नागरिकलाई आफ्नो देशमा प्रवेश रोक लगाएसँगै नेपालले सो देशका लागि दिँदै आएको श्रम स्वीकृति सेवा पनि स्थगित गरेको हो । कतार सरकारले कोरोना भाइरस संक्रमणको जोखिम नियन्त्रण गर्न १४ देशका नागरिकलाई प्रवेशमा रोक लगाएसँगै नेपालले पनि कतारका श्रम स्वीकृति स्थगित गरिएकोवैदेशिक रोजगार विभागले जनाएको छ ।

402
गोपाल संग्रौला
सोमवार, फाल्गुन २६, २०७६

संविधानप्रदत्त रोजगारीको हकको कार्यान्वयन गर्न भन्दै ल्याइएको विवादास्पद प्रधानमन्त्री रोजगार कार्यक्रमका लागि आगामी ५ वर्षमा करिब साढे २७ अर्ब रुपैयाँ खर्च हुने भएको छ । सबै तहका सार्वजानिक निकायमार्पmत रोजगारी सिर्जना र यसका लागि भुक्तानी गरिने रकमवाहेक गत आर्थिक वर्षबाट कार्यान्वयनमा ल्याइएको यो कार्यक्रमका लागि २७ अर्ब ५४ करोड २७ लाख रुपैयाँ खर्च हुने देखिएको छ ।

523
गोपाल संग्रौला
शुक्रवार, फाल्गुन २३, २०७६

दक्षिण कोरिया, जापानलगायत कोरोना भाइरस (कोभिड–१९) संक्रमित देशबाट आउने–जाने नेपालीलाई सरकारले कडा निगरानी राखेपछि फर्कन चाहने नेपाली प्रभावित हुने भएका छन् । सरकारले कोरिया, जापान, चीनलगायत केही देशबाट नेपाल आउने नेपालीलाई समेत होम क्वारेन्टाइनमा बस्नुपर्ने नियम बनाएको छ । कोरोना भाइरसको रोकथाम, नियन्त्रण र सजगता अपनाउन सरकारले यस्ता श्रम गन्तव्यबाट आउने नेपालीलाई थप निगरानीमा राखेको हो । नेपाल सरकार स्वास्थ्य तथा जनसंख्या मन्त्रालयले कोरोना प्रभावित देशका विदेशस्थित आफ्ना नियोगलाई पत्राचार गरेर स्वदेश फर्कने नेपालीलाई थप निगरानीमा राखिने जनाएको छ ।

666