विद्यार्थी भर्ना अभियान अन्तर्गत आज देशभर प्राविधिक शिक्षा राष्ट्रिय जागरण अभियान संचालन गरिएको छ । ‘प्राविधिक शिक्षा आजको आवश्यक्ता’ भन्ने नाराका साथ हरेक युवालाई गरिखाने प्राविधिक शिक्षावारे जागरण ल्याउने उद्देश्यले सबै जिल्लामा आज जागरण अभियान संचालन गरिएको हो ।
केन्द्रीयस्तरमा सम्झौता गरी कार्यान्वयनमा ल्याइएको ११ अर्ब रुपैयाँ बराबरको विद्यालय क्षेत्र विकास कार्यक्रम (एसएसडीपी) स्थानीय तहले कार्यान्वयन गर्नुपर्ने भएपछि अन्तर्राष्ट्रिय विकास साझेदारले कार्यान्वयनमा प्रष्ट धारण बनाउन सरकारलाई सुझाव दिएको छ ।
सरकारले प्राविधिक शिक्षा तथा व्यावसायिक तालिमको पहँुच नपुगेका वर्ग र क्षेत्रको समतामूलक पहुँच सुनिश्चित गर्न १ अर्ब ४२ करोडका १ दर्जन नयाँ कार्यक्रम सुरु गरेको छ ।
नीतिनिर्माण र योजना तर्जुमादेखि कार्यान्वयनसम्मका काममा विदेशी परामर्शदाताको सहारा लिइरहेको नेपालमा अब ‘पब्लिक पोलिसी’ विषयको पढाइ हुने भएको छ ।
यस वेब्स्टर युनिभर्सिटी थाइल्यान्डले शुक्रबारका दिन काठमाडौंस्थित अन्नपूर्ण होटलमा आफ्नो पूर्वविद्यार्थीहरूको पुनर्मिलन कार्यक्रमको आयोजना गरेको छ ।
ललितपुरको कुपण्डोलस्थित पाटन कलेज फर प्रोफेसनल स्टडिजद्वारा सोमबार पहिलो दीक्षान्त समारोह आयोजना गरियो ।
सामुदायिक विद्यालयका विद्यार्थीहरूलाई आवश्यक अन्तर्राष्ट्रिय मञ्चको व्यवस्था गर्ने आशयका साथ तयार पारिएको ‘स्प्ल्यास अफ कलर्स’ प्रसंग रहेको अन्तर्राष्ट्रिय ललितकला प्रदर्शनीमा यहाँहरूलाई स्वागत गर्न पाउँदा डीएभी स्कुल गौरवान्वित भएको जनाएको छ । उक्त कार्यक्रम नेपाल आर्ट काउन्सिल, बबरमहलमा शनिबार तथा आइतबार भएको थियो ।
द ब्रिटिस कलेजले पूर्वविद्यार्थीहरु समूह ब्रिटिस कलेज अलमुनाइ नेटवर्क (बीसीएएन) गठन गरेको छ । बीसीएएनले राजधानीमा एक कार्यक्रमको आयोजना गरी अलमुनाइ गठन गरेको हो ।
कम ग्रेड ल्याएका विद्यार्थीका लागि कक्षा ११ को भर्ना प्रक्रिया बुझ्न आझै गाह्रो भएको छ । बी प्लसभन्दा कम ग्रड प्राप्त गर्ने विद्यार्थी र अभिभावकलाई कक्षा ११ मा कुन विषय पढ्ने भन्ने निर्णय लिन हप्तांै लाग्ने गरेको छ । हालै एसईई पूरा गरेकी सिर्जना शर्माको एसईई नतिजा सोचेअनुसार आउन सकेन । नतिजा राम्रो नआएपछि कुन विषय पढ्ने आझै निर्णय गर्न नसकेको बताइन् ।
चन्द्रागिरी नगरपालिका १२ का १६ वर्षीय किसन श्रेष्ठले एसईईमा ‘ए’ ग्रेड ल्याए । स्थानीय एम्ब्रोसिया आईडियल सेकेन्डरी विद्यालयबाट एसईई दिएका उनी अब आईटी विषय लिएर उच्च शिक्षा हासिल गर्ने योजनामा छन् । आईटी इन्जिनियर बन्ने आफ्नो योजनाअनुसार कम्प्युटर इन्जिनियरिङ विषय लिएर कक्षा ११ मा भर्ना हुने तयारी गरिरहेका छन् ।
एसईईमा बढी ग्रेड ल्याउनेको तुलनामा कम ग्रेड ल्याउने विद्यार्थी नै छोटो समयमै धेरै संख्यामा रोजगारमुखी हुने गरेका छन् । एसईईमा डी र ई गे्रड ल्याउने विद्यार्थीले टीएसईई तहको प्राविधिक र व्यावसायिक विषय अध्ययन गर्न पाउँछन् ।
एसईईको नतिजा सार्वजनिक पछि ए लेभल अध्ययन गर्न पाइँदैन कि भन्ने कतिपय विद्यार्थीमा भर्म छ । हुन त ए लेबलका लागि सबै कलेजले यसअघि नै भर्ना कार्यक्रम सुरु गरे । तर, अहिले भर्ना र कोर्स व्यवस्थापनमा नै रहेको कारण अधिकांश कलेजले पढाइ सुरु नगरेको जनाएका छन् ।
निर्माणको काम थालेको २ वर्ष बित्दासम्म ठेकेदार काममा नआएपछि विद्यालयको भवन निर्माण अलपत्र परेको छ । साल्पासिलिछो गाउँपालिका–३, चौकीडाँडास्थित जाल्पामाध्यमिक विद्यालयको भवन ठेकेदार काममा नआएपछि अलपत्र परेको हो ।
भोजपुर नगरपालिकामा रहेको बहिरा आवासीय विद्यालयको भोजपुर नगरपालिका प्रमुख कैलाशकुमार आलेले एक कार्यक्रमका बीच उद्घाटन गरेका छन् । विद्यालय उद्घाटन गर्दै मेयर आलेले बहिरा आवासीय विद्यालयलाई चार वर्षसम्म आर्थिक समस्या हुन नदिने बताएका छन् । नगरपालिकालाई समुन्नत गगरपालिका बनाउन पहिले शिक्षा र स्वास्थ्य राम्रो हुनु पर्नेमा जोड दिँदै सोही अनुरुप विद्यालयलाई कुनै समस्या हुन नदिने बताएका हुन् ।
पूर्व शिक्षा सचिव जनार्दन नेपालले कक्षा १० तथा एसईईको नतिजा प्रकाशनमा सरकारले लापरबाही गरेको आरोप लगाएका छन् । रिपोर्टर्स क्लब नेपालले आयोजना गरेको साक्षात्कारमा नेपालले एसईई नतिजा प्रकाशनमा देखिएको कमजोरीलाई अर्को वर्ष नदोहो-याउने गरी सत्य–तथ्यका बारेमा अनुसन्धान गर्न सरकारसँग माग गरेका छन् ।
