कारोबार संवाददाता
बुधवार, फाल्गुन २, २०७४

नेपालमा हवाई उड्डयनको करिब सात दशक लामो इतिहासमा यहाँको उड्डयन क्षेत्रले लामो फड्को मारे पनि अझै यस क्षेत्रमा केही सीमितता कायमै छन् । वार्षिक हवाई यात्रुको संख्या झन्डै ५० लाख पुगिसकेको अवस्थामा पनि देशमा एकमात्र अन्तर्राष्ट्रिय विमानस्थल छ । आन्तरिक र विदेशी गरी तीन दर्जनभन्दा बढी वायुसेवा कम्पनीले यहाँ नियमित उडान भरिरहँदा हाम्रो हवाई आकाश साँघुरो हुँदै गएको अनुभूति गर्ने गरिएको छ ।

443
कारोबार संवाददाता
मंगलबार, फाल्गुन १, २०७४

नेपालमा शिक्षाक्षेत्रको बजेट परिमाणका हिसाबले ठूलो देखिए पनि प्रतिशतका आधारमा अन्तर्राष्ट्रिय मापदण्डभन्दा कम छ । विश्वका धेरै मुलुकमा शिक्षा र स्वास्थ्यलाई अनिवार्य र निःशुल्क मानिएकाले लगानी उच्च छ । तर, नेपालको सन्दर्भ हेर्ने हो भने चालू आर्थिक वर्षमा शिक्षाक्षेत्रमा ९.९ प्रतिशतमात्र बजेट विनियोजन गरिएको छ ।

456
कारोबार संवाददाता
सोमवार, माघ २९, २०७४

विगत केही वर्षयता बजेट अनुशासनको उल्लंघन गर्ने क्रम चरम रूपमा बढेको छ । बजेटको मूल शीर्षक नै हेराफेरी गरी रकम विनियोजन गर्ने, विविधलगायतका अन्य शीर्षकमा रकम लुकाई विनियोजन गर्ने, आर्थिक वर्षको बीचमा रकमान्तर गरी बजेट खर्च गर्ने, मूल कार्यक्रममा समावेशै नगरी बजेट माग र निकासा गर्ने प्रवृत्ति बढ्दै गएको छ ।

480
कारोबार संवाददाता
आइतवार, माघ २८, २०७४

नेपालमा वैकल्पिक बैंकिङ कारोबार गर्दै आएका सहकारी संस्थाहरूमा सम्पत्ति शुद्धीकरणको मुद्दा पुनः उठ्न थालेको छ । औपचारिक बैंकिङ प्रणालीले केवल ४५ प्रतिशत नेपालीलाई समेटेको परिप्रेक्ष्यमा सहकारी संस्थाहरूले नै वैकल्पिक वित्तीय सेवाप्रदायकका रूपमा काम गर्दै आएका छन् ।

578
कारोबार संवाददाता
शुक्रवार, माघ २६, २०७४

नेपालमा राजनीतिक अधिकार प्राप्तिका आन्दोलनहरू धेरै नै भएकाले होला, हरेक पेसाकर्मी आफ्नो अधिकारबारे सचेत देखिन्छन् । मुलुक आर्थिक–सामाजिक रूपमा माथि उठ्न नसके पनि नेपालीमा राजनीतिक चेत बढी नै छ र यसले हरेकलाई आफ्नो अधिकारप्रति सचेतना जगाएको देखिन्छ । यसको ठीक विपरीत कर्तव्यबोध भने कमैमा मात्र छ ।

708
कारोबार संवाददाता
बिहिवार, माघ २५, २०७४

नेपालमा समग्र रोजगारी सिर्जनाको अवस्था निकै कमजोर छ । यहाँको श्रमबजारमा वार्षिक साढे ५ लाखको हाराहारीमा श्रमशक्ति थपिइरहँदा आन्तरिक रूपमा करिब ५० हजारले मात्र अल्पकालीन रोजगारी पाउने गरेको अनौपचारिक अध्ययनहरूले देखाएका छन् । एक दशक लामो माओवादी सशस्त्र विद्रोह र त्यसपछिको झन्डै एक दशक अवधिसम्मै कायम रहेको राजनीतिक अस्थिरताले औद्योगिक क्षेत्रको विस्तार हुनै सकेन । स्थापित भएका उद्योगहरू पनि ऊर्जा अभावका कारण अल्प–क्षमतामा चल्न बाध्य भए ।

655
कारोबार संवाददाता
बुधवार, माघ २४, २०७४

झन्डै दुई वर्षअघि यसै समयसम्म नेपालमा चरम ऊर्जासंकट थियो । दैनिक १६ घण्टासम्म हुने लोडसेडिङले औद्योगिक–व्यावसायिक क्षेत्र मात्र होइन, सर्वसाधारणको जनजीवन पनि आक्रान्त भएको थियो । २०६५ सालबाट आरम्भ भएको लोडसेडिङ औसतमा ६ देखि १० घण्टासम्म कायम रह्यो । नेपालमा बढ्दो विद्युत् माग र कमजोर उपलब्धताका कारण लोडसेडिङ कहिल्यैै घट्न नसक्ने प्रक्षेपण गर्न थालिसकिएको थियो ।

653
कारोबार संवाददाता
मंगलबार, माघ २३, २०७४

राष्ट्रियसभा निर्वाचनपछि मुलुकले नयाँ सरकार पाउँदैछ । दशकौंदेखि अस्थिर राजनीतिक व्यवस्थामा अभ्यस्त नेपालीका लागि नयाँ सरकारले राजनीतिक स्थायित्वको आधार दिने विषयले नै उत्साहित बनाएको छ । राजनीतिक स्थायी हुनु भनेको जनअपेक्षा पूरा गर्ने दिशामा मुलुक आर्थिक एजेन्डामा केन्द्रित हुनु नै हो ।

457
कारोबार संवाददाता
सोमवार, माघ २२, २०७४

सातैवटा प्रादेशिक संसद्को पहिलो बैठकसँगै देशमा संघीयता कार्यान्वयनको चरण आरम्भ भएको छ । नेपालका लागि संघीयता नयाँ अभ्यास हो । प्रदेश संसद्को काम, कर्तव्य र अधिकारबारे प्रादेशिक सांसदहरू प्रायः अन्योलमा देखिएको प्रदेश संसद्को आरम्भिक बैठकहरूमा गरिएका सम्बोधनबाटै देखिन्थ्यो ।

526
कारोबार संवाददाता
आइतवार, माघ २१, २०७४

नेपालमा २०४८ सालमा आर्थिक उदारीकरण र खुला बजार अर्थनीति लागू गरिएपछिको पहिलो एक दशकमा उद्योगहरू खुल्ने क्रम बढेर गएको थियो, त्यसरी नै माओवादी विद्रोह चरम सीमामा पुगेको २०५८ सालपछिका दशकहरूमा उद्योगहरू बन्द हुने क्रम तीव्र रूपमा बढेर गए ।

466
कारोबार संवाददाता
शुक्रवार, माघ १९, २०७४

बुद्ध नेपालमै जन्मिएका हुन् कि होइनन् भन्ने भारतीय दुश्प्रचारको विवादमा नेपालले धेरै समय बिताइसकेको छ । भारतका शीर्ष नेताहरूले नै अन्तर्राष्ट्रिय मञ्चमा बुद्ध जन्मस्थलका विषयमा अनर्गल प्रचार गर्ने र पछि माफी माग्ने परम्पराजस्तै बनिसकेको छ भने भारतका कतिपय राज्यको पाठ्यक्रममा पनि यस्तै भ्रामक सूचना अझै रहेको पाइन्छ ।

387
कारोबार संवाददाता
बिहिवार, माघ १८, २०७४

नेपालको प्रमुख निकासीजन्य कृषि वस्तुमाथि पुनः भारत निर्यातमा अवरोध सिर्जना भएको छ । अदुवाको भारत निकासीमा यो पहिलो पटक मात्र अवरोध सिर्जना भएको होइन । यसअघि पनि भारतले नेपालबाट निकासी हुने अदुवामा विषादी भएको र क्वारेन्टाइनसम्बन्धी अन्य झमेला देखाउँदै त्यसको निर्यातमा अवरोध सिर्जना गरेको थियो ।

605
कारोबार संवाददाता
बुधवार, माघ १७, २०७४

निकट भविष्यमै गठन हुने सरकारको नेतृत्व गर्ने व्यक्तिका रूपमा हेरिएका नेकपा एमालेका अध्यक्ष केपी शर्मा ओलीले कालो धनलाई वैध बनाइन दिइनुपर्ने विवादास्पद अभिव्यक्ति दिएका छन् । भावी प्रधानमन्त्रीका रूपमा मात्र होइन, एक जिम्मेवार राजनीतिक दलका प्रमुखका रूपमा ओलीले दिएको अभिव्यक्ति गैरजिम्मेवार छ । देश विकासका कुरालाई ध्यानमा राखेर ‘अन्डरग्राउन्ड मनी’लाई सतहमा आउन दिने, त्यसलाई कानुनीकरण हुन दिने, शुद्धीकरण हुने बाटो दिने र सरकारले त्यसबापत कर लिने उनको अभिव्यक्ति थियो ।

623
कारोबार संवाददाता
मंगलबार, माघ १६, २०७४

नेपालमा उद्योगधन्दा तथा रोजगारी सिर्जनाको अवस्था निराशाजनक रहेका बेला स्वदेशी उद्योगलाई संरक्षण गर्नुपर्छ भन्ने विषयमा सायदै कसैको विमति होला । मुलुकभित्र उद्योग स्थापनाले आर्थिक गतिविधि बढाउने मात्र नभई कच्चापदार्थको सदुपयोग, राज्यको स्रोत वृद्धि तथा आयात प्रतिस्थापनमा समेत उत्तिकै सहयोग पुग्ने भएकाले राज्यले यसका लागि अधिकतम लचकता अपनाउनुपर्छ । यससँगै स्वदेशी उद्योगलाई बाह्य उत्पादनसँग प्रतिस्पर्धा गर्ने खालको नीति अख्तियार गरेर भए पनि औद्योगिक वातावरण बनाउनु जरुरी हुन्छ ।

468
कारोबार संवाददाता
मंगलबार, माघ १६, २०७४

नेपालमा उद्योगधन्दा तथा रोजगारी सिर्जनाको अवस्था निराशाजनक रहेका बेला स्वदेशी उद्योगलाई संरक्षण गर्नुपर्छ भन्ने विषयमा सायदै कसैको विमति होला । मुलुकभित्र उद्योग स्थापनाले आर्थिक गतिविधि बढाउने मात्र नभई कच्चापदार्थको सदुपयोग, राज्यको स्रोत वृद्धि तथा आयात प्रतिस्थापनमा समेत उत्तिकै सहयोग पुग्ने भएकाले राज्यले यसका लागि अधिकतम लचकता अपनाउनुपर्छ । यससँगै स्वदेशी उद्योगलाई बाह्य उत्पादनसँग प्रतिस्पर्धा गर्ने खालको नीति अख्तियार गरेर भए पनि औद्योगिक वातावरण बनाउनु जरुरी हुन्छ ।

423