कारोबार संवाददाता
बुधवार, फाल्गुन ८, २०७५

प्रशासनतन्त्रमा कायम रहँदै आएको मिलेमतोमा राजस्व चुहावट गर्ने र चोरी पैठारी गर्ने प्रवृत्तिलाई नियन्त्रण गर्न कडाभन्दा कडा कदम चालिनैपर्छ । अर्थमन्त्री डा. युवराज खतिवडाले गत जेठ महिनामा बजेट सार्वजनिक गर्दा नै धेरै आलोचकहरूले सरकारले राखेको राजस्वको लक्ष्य महत्वाकांक्षी भएको टिप्पणी गरे पनि अर्थमन्त्रीले यसलाई पूरा गर्न सकिने भन्दै अडान राख्दै आएका थिए, तर चालू आर्थिक वर्षको पहिलो ६ महिनाको बजेट कार्यान्वयनको अवस्था हेर्दा राजस्व लक्ष्य पूरा नहुने संकेत देखिएको छ । अर्थमन्त्रीले राजस्वको छिद्रहरू टालेर र राजस्व प्रशासनमा सुधार गरेर राजस्व लक्ष्य पूरा हुने आशा गरेको देखिए पनि राजस्व असुलीको हालसम्मको अवस्था हेर्दा यी दुवै फाँटमा कमजोर उपलब्धि देखिएका छन् ।

109
कारोबार संवाददाता
मंगलबार, फाल्गुन ७, २०७५

मुलुकमा यतिबेला बैंक तथा वित्तीय संस्थाले चर्को ब्याजदर असुलिरहेको भन्दै निजी क्षेत्र आन्दोलित छ । बैंक तथा वित्तीय संस्थाले ‘ब्याजदर आतंक’ नै मच्चाएको भन्दै पूर्वको विराटनगरबाट सुरु भएको आन्दोलन देशभर फैलिएपछि निजी क्षेत्रको छाता संगठन नेपाल उद्योग वाणिज्य महासंघले यसको अभिभावकत्व लिएको छ ।

233
कारोबार संवाददाता
सोमवार, फाल्गुन ६, २०७५

विगत केही वर्षदेखि सरकारको चालू खर्च बेपत्तै बढेर गएको छ । खासगरी गणतान्त्रिक परिवर्तनपछि बनेका सरकारका अर्थमन्त्रीहरूमा आफू लोकप्रिय हुनका लागि बजेटको आकार व्यापक रूपमा बढाउँदै लैजाने प्रवृत्ति नै चालू खर्च बढ्नुका मुख्य कारण हो । बढेको बजेटमा साधारण मान्छेको आँखाले हेर्दा लोकप्रियतामुखी कार्यक्रमहरूको अंश व्यापक रूपमा देखिए पनि वास्तवमा बजेटको ठूलो अंश त्यस्ता कार्यक्रममा जाने व्यवस्था गरिएकै हुँदैन ।

204
कारोबार संवाददाता
आइतवार, फाल्गुन ५, २०७५

राजनीतिक स्थिरता हुने संवैधानिक सुनिश्चितता बोकेको प्रधानमन्त्री केपी ओलीको सरकारले एक वर्ष पूरा गरेको छ । एक वर्ष पूरा गरेको अवसरमा उनले तामझामका साथ पानीजहाज कार्यालयको उद्घाटनदेखि ‘नेपालको पानी जनताको लगानी’ नाराका साथ सबै नागरिकलाई जलविद्युत् आयोजनामा सेयर दिने उद्घोष पनि गरे । तर, बितेका तीन दशकमा राजनीतिक स्थिरता नभएर दुई दर्जनभन्दा बढी प्रधानमन्त्री देखिसकेको नेपालले पहिलो पटक पाएको दुईतिहाई जनमत तथा नेपालको इतिहासकै सबैभन्दा बलियो सरकारको अनुभूति गर्ने अवसर भने कमै पाए । प्रधानमन्त्री केपी शर्मा ओलीले सिंहदरबारस्थित आफ्नो कार्यालयबाट आफ्नो एक वर्षको ‘सफल’ कार्यकालको फेहरिस्त प्रस्तुत गर्दै गरिरहँदा सेयर बजारले उनलाई रातो झन्डा देखाउँदै थियो ।

219
कारोबार संवाददाता
शुक्रवार, फाल्गुन ३, २०७५

पुँजीबजारमा अधिकांश जलविद्युत् आयोजनाको सेयर मूल्य निराशाजनक छ भने हालै खुलेका आईपीओको बिक्री झनै दयनीय छ । प्रधानमन्त्री रोजगार कार्यक्रम सुरु भएको दोस्रो दिन सरकारले अर्को तामझामका साथ जनताको जलविद्युत् आयोजना नामक कार्यक्रम सार्वजनिक गरेको छ । नेपालका प्राकृतिक स्रोतसाधनबाट उत्पादित बिजुलीको नाफामा सर्वसाधारणको पनि हिस्सा बढाउन ल्याइएको यो कार्यक्रम सिद्धान्ततः उचित भए पनि व्यावहारिक रूपमा भने त्यति उपलब्धिमूलक हुने देखिँदैन ।

300
कारोबार संवाददाता
बिहिवार, फाल्गुन २, २०७५

सरकारले निकै तामझामका साथ बुधबार प्रधानमन्त्री रोजगार कार्यक्रमको विधिवत् सुरुवात गरेको छ । मुलुकभित्रै रोजगारीका अवसर सिर्जना गर्ने भन्दै अघि बढेको सरकारले प्रधानमन्त्रीकै नामबाट रोजगारमूलक कार्यक्रम सुरु गर्नुलाई निश्चय पनि सकारात्मक रूपमा लिइनुपर्छ । तर, रोजगार कार्यक्रमको प्रस्थानबिन्दु हेर्दा यो त्यति परिणाममुखी हुने देखिँदैन ।

242
कारोबार संवाददाता
बुधवार, फाल्गुन १, २०७५

विदेशमा उत्पादित सबै खाले वस्तुको बिनापरीक्षण खुलेआम नेपाल भिœयाउन पाइने खुकुलो प्रावधान अब कसिलो बनाउनुपर्छ । नेपाल उत्पादनमुखी नभई उपभोगमुखी मुलुक बन्दै गएको तीतो यथार्थ सरकारी तथ्यांकहरूले नै प्रस्तुत गरिरहेका छन् । विदेशमा गएका नेपालीले पठाएको वार्षिक ७ खर्ब हाराहारीको रेमिट्यान्सका माध्यमले विदेशमै उत्पादित वस्तु खरिद गरी उपभोग गर्ने आमनेपालीको प्रवृत्ति बनेको छ ।

293
कारोबार संवाददाता
मंगलबार, माघ २९, २०७५

मानव संसाधनमा शून्य लगानी गरेर स्वस्फूर्त विकास भइरहेको प्रविधिका क्षेत्रमा आक्रमण गर्ने सरकारी नीति युग सुहाउँदो छैन । विश्वभर रोजगारी सिर्जनालाई सबैभन्दा ठूलो राजनीतिक नारा वा चुनाव जित्ने हतियार बनाइन्छ । बेरोजगारीको समस्या एकाध मुलुकबाहेक विश्वव्यापी भएकै कारण बेरोजगारी न्यूनीकरण वा अन्त्य आकर्षक नारा बन्ने गरेको हो ।

203
कारोबार संवाददाता
सोमवार, माघ २८, २०७५

ठोस अध्ययनबिना सहकारीको अनुगमन स्थानीय तहमा हस्तान्तरण गर्ने व्यवस्था गरिएपछि अहिले अर्बौंको कारोबार जोखिममा परेको छ । देशभित्र औपचारिक बैंकिङ प्रणाली नपुगेको अवस्थामा मात्र होइन, नेपाली अर्थतन्त्रको ग्रामीण र अनौपचारिकमुखी संरचनाले गर्दा मुलुकभित्र सहकारी, लघुवित्तजस्ता संस्थाहरूमात्र होइनन, महिलाहरूको अनौपचारिक बचत तथा ऋण समूहहरू, मासिक सय–दुई सय उठाएर सरसापट चलाइने टोल विकास समूहहरूजस्ता संरचना पनि व्यापकरूपमा सक्रिय छन् ।

248
कारोबार संवाददाता
आइतवार, माघ २७, २०७५

मुलुकको आर्थिक प्रणालीमा बेरुजु व्यापक रूपमा बढ्दै गएपछि संसदको सार्वजनिक लेखा समितिले तदारुकता देखाएको छ । महालेखा परीक्षकको कार्यालयले राष्ट्रपतिमार्फत वार्षिक प्रतिवेदन पेस गरेको लामो समयपछि भएपछि पनि संसद्को सार्वजनिक लेखा समितिले सक्रियता देखाउनु स्वागतयोग्य कुरा हो । महालेखा परीक्षकको ५५ औं प्रतिवेदनअनुसार मुलुकको बेरुजु बढेर ५ खर्ब ८ करोड रुपैयाँ पुगेको छ, गत आर्थिक वर्षमा १ खर्ब २० करोड ९१ लाख रुपैयाँ बेरुजु थपिएको छ ।

238
कारोबार संवाददाता
शुक्रवार, माघ २५, २०७५

मुलुकको इतिहासकै सबैभन्दा ठूलो कर विवादको अन्ततः विधिवत् अन्त्य भएको छ । नेपालमा राम्रो व्यवसाय गरिरहेको बहुराष्ट्रिय दूरसञ्चार सेवाप्रदायक कम्पनी एनसेलको स्वामित्व तेस्रो मुलुकमा किनबेच भएकाले यसबाट प्राप्त लाभकर नेपालले पाउँछ कि पाउँदैन भन्ने विषयमा लामो समयदेखि विवाद थियो ।

545
कारोबार संवाददाता
बिहिवार, माघ २४, २०७५

तत्कालीन राजा रणबहादुर शाहको समयमा सन् १७५२ गरिएको पहिलो नेपाल–भारत (तत्कालीन बेलायती साम्राज्यबीच) सन्धिदेखि हालसम्म आइपुग्दा द्विपक्षीय व्यापार-वाणिज्यमा निकै ठूलो उतारचढाव आइसकेको छ । खासगरी पछिल्ला दशकहरूमा दुवै देश विश्व व्यापार संगठन (डब्लूटीओ), सार्क स्वतन्त्र व्यापार क्षेत्र (साफ्टा) लगायतका बहुपक्षीय, क्षेत्रीय व्यापार व्यवस्थाहरूमा हस्ताक्षर गरिसकेपछि दुई देशबीच भएका द्विपक्षीय व्यापार तथा पारवाहन सन्धिहरूका सन्दर्भमा अब नयाँ ढंगले सोच्नु र पुनरावलोकन गर्नुपर्ने बेला भइसकेको छ ।

237
कारोबार संवाददाता
बुधवार, माघ २३, २०७५

बृहत् नेपाली शब्दकोषले महŒव भएको, महिमायुक्त, गहकिलोपन भएको, प्रतिष्ठायुक्त भएको अर्थ लगाउँछ— गौरवको । अझ त्यसमा राष्ट्रिय गौरव भनेपछि राष्ट्रले नै गर्व गर्न लायक हुनुपर्ने हो ।

344
कारोबार संवाददाता
मंगलबार, माघ २२, २०७५

बेलाबखत चर्चा र विवादमा आइरहने नेपाल उद्योग वाणिज्य महासंघ फेरि एकपटक चर्चामा छ । महासंघभित्रको सबैभन्दा प्रभावशाली निकाय कृषि उद्यम केन्द्रमा अनियमितता भएको आरोप पदाधिकारीबाटै लाग्नु र सो विषयमा प्रश्न उठ्दा कोषाध्यक्षले राजीनामा दिनुपर्ने अवस्थासँगै अर्कातर्फ पूर्वअध्यक्षहरूको सक्रियताले निजी क्षेत्र तरंगित छ ।

191
कारोबार संवाददाता
सोमवार, माघ २१, २०७५

उद्योगमन्त्री मातृका यादवले प्रदेश नं १ का उद्योगी–व्यवसायीहरूलाई उद्योगमा लगानी गर्न आग्रह गरिरहेका बेला स्वदेशी उद्योगीहरूले भारतबाट आयातीय मैदाका कारण यहाँका उद्योगहरू धराशायी हुन लागेको भन्दै सरकारको ध्यानाकर्षण गराएका छन् । मैदा उद्योगीहरूको यो गुनासो नयाँ भने होइन, यसअघि पनि यस्ता उद्योगहरूले वैध र अवैध दुवै रूपमा आयातीत मैदाले गर्दा स्वदेशी उद्योगहरूलाई समस्या परेको गुनासो गर्ने गरेकै थिए । भारतीय मैदासँग जोडिएका दुईवटा पक्ष छन्, भारतका ठूला मैदा उत्पादक कम्पनीहरूबाट उत्पादन भई नेपालमा आयात हुने मैदा र नेपाल–भारतका सीमावर्ती क्षेत्रमा खुलेर नेपालतर्फ नै निर्यात गरिने मैदा मिलहरूका उत्पादन । चाहे जुन रूपमा आयात भएको होस्, त्यसले नेपाली उद्योगहरूलाई प्रभावित पारेकै छन् ।

213