कारोबार संवाददाता
शुक्रवार, भदौ १३, २०७६

नेपाल र भुटानबीचमा तेस्रो द्विपक्षीय व्यापार सम्झौता सम्पन्न भएको छ ।भुटानसँग व्यापार कसरी बढाउन सकिन्छ भनेर दुई देशबीचमा व्यापार सम्झौता भएको हो । उद्योग,वाणिज्य तथा आपूर्ति मन्त्रालयका सहसचिव नवराज ढकाल र भुटानका आर्थिक मामिला मन्त्रालयको व्यापार विभाग निर्देशकसमेत रहेकाउद्योग वाणिज्य मन्त्रालयका सहसचिव सोनाम तेनजिङबीच बिहीबार व्यापार सम्झौतामा हस्ताक्षर भएको हो । व्यापार सम्झौतासँगै भुटानमा व्यापार बढाउनका सहज हुने जनाइएको छ ।

393
रासस
बिहिवार, भदौ १२, २०७६

पछिल्लो डेढ महीनादेखि निकै उतारचढावकाबीच कारोवार हुँदै आएको सुनको मूल्य स्थानीय बजारमा आज फेरि वृद्धि भएको छ । नेपाल सुन चाँदी व्यवसायी महासङ्घका अनुसार आज छापावाला सुनको मूल्यमा रु ८०० ले वृद्धि भई प्रतितोला रु ७३ हजार ४०० कायम भएको छ । बुधबार छापावाल सुन प्रतितोला रु ७२ हजार ६०० मा कारोवार भएको थियो । सो मूल्य नेपालको इतिहासमा अहिलेसम्मकै उच्च हो ।

315
अनुपमा खनाल
बिहिवार, भदौ १२, २०७६

गोरखाका स्थानीय तहहरूले पूर्ण रुपमा सरकारले अनिवार्य गरेको सञ्चित कोष व्यवस्थापन प्रणाली (सुत्र) कार्यान्वयन नगर्दा संघीय सरकारले अुनदान रोकेको छ । आवश्यक सर्त पूरा नभएको भन्दै कोष तथा लेखा नियन्त्रक कार्यालय गोरखाले बजेट रोकेको हो । चालू आर्थिक वर्षको एक महिना बितिसक्दा पनि गोरखाका स्थानीय तहले संघीय सरकारबाट पाउने वित्तिय समानीकरण अनुदानको बजेट नपाएको कोष तथा लेखा नियन्त्रक कार्यालय गोरखाले जनाएको छ ।

370
कारोबार संवाददाता
बिहिवार, भदौ १२, २०७६

नेपाल निर्माण व्यवसायी महासंघको एक प्रतिनिधिमण्डलले बुधबार अर्थमन्त्री डा युवराज खतिवडा र भौतिक पूर्वाधार तथा यातायातमन्त्री रघुवीर महासेठसँग अलग अलग भेट गरी व्यवसायीका समस्या समाधान गर्न आग्रह गरेको छ । भेटमा अर्थमन्त्री खतिवडाले सार्वजनिक खरिद ऐन संशोधनका क्रममा व्यवसायीहरूसँग पनि आवश्यक छलफल गरिने बताए । महासंघ अध्यक्ष रवि सिंह नेतृत्वको प्रतिनिधिमण्डलले निकट भविष्यमा हुन लागेको सार्वजनिक खरिद ऐन २०६३ संशोधन प्रक्रियामा महासंघको अनिवार्य सहभागिताका लागि आग्रह गरेको थियो ।

306
कारोबार संवाददाता
बिहिवार, भदौ १२, २०७६

रुकुम पश्चिमका स्थानीय तहहरूमा आर्थिक २०७५-०७६ को बजेट तथा खर्चको धमाधम लेखापरीक्षण भइरहेको छ । कोष तथा लेखा नियन्त्रक कार्यालय रुकुम पश्चिमबाट आन्तरिक लेखा परीक्षण र महालेखापरिक्षकको कार्यालयबाट खटिएको टोलीले पनि लेखा परीक्षण गरिहेको छ । कोष तथा लेखा नियन्त्रक कार्यालय रुकुम पश्चिमका प्रमुख ईश्वरीप्रसाद ढकालका अनुसार आन्तरिक लेखा परीक्षण गर्न रुकुम पश्चिमको त्रिवेणी गाउँपालिका बाहेक अन्य सबै स्थानीय तहमा सकिएको छ ।

305
लक्ष्मण ढुंगाना
बिहिवार, भदौ १२, २०७६

नेपालगञ्ज उपमहानगरपालिकाले आर्थिक वर्ष २०७५-०७६ मा १४ करोड ११ लाख रुपैयाँ आन्तरिक राजश्व संकलन गरेको छ । यो अघिल्लो आर्थिक वर्ष २०७४-०७५ को तुलनामा २ करोड रुपैयाँ भन्दा बढी रहेको उपमहानगरले जनाएको छ । उपमहानगरले चालू आर्थिक वर्षमा १७ करोड ४१ लाख रुपैयाँ आन्तरिक आम्दानी हुने अनुमान गरेको छ ।

374
कारोबार संवाददाता
बिहिवार, भदौ १२, २०७६

धनकुटाको सिंधुवामा संचालित प्रधानमन्त्री कृषि आधुनिकीकरण परियोजना कार्यान्वयन इकाइ तरकारी जोनले चालू आवका लागि २ करोड २० लाख ५७ हजार रुपैयाँको बजेट सार्वजनिक गरेको छ । निर्वाहमुखी कृषि प्रणालीमा सुधार गर्दै ब्यावसायिक उत्पादनका लागि किसानलाई सघाउने भन्दै कुल बजेटको ५८ प्रतिशत रकम अनुदानका लागि विनियोजन गरेको छ । कृषि प्राविधिक शिक्षालय, प्रतिफलमा आधारित प्रोत्साहन, प्लास्टिक टनेल, साना सिँचाइ, भकारो सुधार, पुराना तरकारी संकलन केन्द्र संचालन तथा कृषि औजार, कृषि चुन वितरण र बन्दाकोपिमा प्रकोपकै रूपमा देखिएको गाँठेरोग नियन्त्रणका लागि अनुदान वितरण गरिने तरकारी जोन कार्यालयका निमित प्रमुख देविन्द्र शाहुले जानकारी दिए ।

274
लक्ष्मी सापकोटा
बिहिवार, भदौ १२, २०७६

नेपाल र भारत पेट्रोलियम पाइपलाइनको दुवै देशका प्रधानमन्त्रीले दुई सातापछि उद्घाटन गर्ने भएको छन् । भदौ २४ गते नेपालका प्रधानमन्त्री केपी ओली र भारतीय समकक्षी नरेन्द्र मोदीले आआफ्नै देशमा रहेर रिमोट कन्ट्रोलमार्फत पेट्रोलियम पाइपलाइनको उद्घाटन गर्ने भएका हुन् । उद्योग, वाणिज्य तथा आपूर्ति मन्त्रालयले ओली र मोदीबाट पेट्रोलियम पाइपलाइन उद्घाटन गर्ने कार्यक्रम तय भएको जानकारी दिएको छ । दुवै मुलुकका प्रधानमन्त्रीले आफ्नै कार्यकक्षबाट एकसात संयुक्तरूपमा रिमोटबाट पाइपलाइनको उद्घाटन गर्ने तयारी रहेको मन्त्रालयले जानकारी दिएको छ ।

436
कृञ्जला पुलामी
बुधवार, भदौ ११, २०७६

सिन्धुलीको कमलामाई नगरपालिका–८ करकरेका किसानहरूले व्यवसायीक भुइँकटहर खेतीबाट मनग्य आम्दानी गरिरहेका छन् । कोदो र मकै फल्ने बारीमा अहिले यहाँका किसानहरूले व्यवसायीकरुपमा भुइँकटहर रोपेका हुन् । कोदो, मकै लगायतका अन्नबालीबाट उत्पादन राम्रो नभएपछि उनिहरूले कटहर खेती गर्न सुरु गरेका हुन् । पहिले एकादुई जनाले आँफुलाई खानलाई मात्र रोपेको कटहर अहिले भने १० विगाह भन्दा बढी जमिनमा रोपिएको छ । यहाँका किसानहरूले एक सिजनमा ५० हजारदेखि ४ लाख रुपैयाँसम्म आम्दानी गरिरहेका छन् ।

430
लक्ष्मी सापकोटा
बुधवार, भदौ ११, २०७६

सरकारले मुलुकमा व्यापारघाटा बढ्दै गएपछि निर्यात प्रवद्र्धन गर्नका लागि विभिन्न २८ वटा वस्तु पहिचान गरेको छ । आयात बढ्दै गएपछि सो अनुपातमा निर्यात बढ्न नसक्दा मुलुकमा व्यापारघाटा चुलिँदै गएपछि निर्यातयोग्य वस्तुको पहिचानगरिएको हो । उद्योग, वाणिज्य तथा आपूर्ति मन्त्रालयले निर्यात बढाउनका लागि ती वस्तुहरू पहिचान गरेको हो । पहिचान गरिएका वस्तुमा अलैंची, अदुवा, चिया, जडीबुटी तथा आयुर्वेदिक, कपडारधागो, लेदर, जुत्ता, च्याङ्ग्रा पस्मिना, गलैंचा कफीराखिएको छ  ।

706
कारोबार संवाददाता
मंगलबार, भदौ १०, २०७६

सोमबार प्रतितोला एक हजार रुपैयाँले बढेर ७३ हजार ५ सय पुगेको छापावाल सुनको मूल्य आज(मंगलबार)७२ हजार ६ सय रुपैयाँमा कारोबार खुलेको नेपाल सुनचाँदी व्यवसायी महासंघले जनाएको छ ।

323
मनिषा चम्लागाईँ
आइतवार, भदौ ८, २०७६

नेपालमा क्वारेन्टाइन पास भएको अलैंचीलाई भारतले मान्यता दिने भएको छ । भारतीय विदेशमन्त्री एस. जयशंकरको उपस्थितिमा हालै दुई मुलुकका अधिकारीबीच भएको सहमतिपछि नेपालमा क्वारेन्टाइन पास भएका अलैंचीलाई भारतमा निर्वाध प्रवेशको सुविधा दिने सहमति भएको हो । नेपालको गुणस्तर परीक्षण क्वारेन्टाइनलाई मान्यता दिनुपर्छ भन्ने मागको सम्बोधन भएकाले क्वारेन्टाइन परीक्षणका नाममा व्यवसायीले झेल्दै आएको झमेला अन्त्य भएको अलैंची व्यवसायी महासंघका अध्यक्ष राजकुमार कार्कीले बताए । अलैंची यवसायीको लामो प्रयासपछि नेपालमा क्वारेन्टाइन पास भएको अलैंचीलाई भारतले मान्यता दिने भएको होे । नेपालको परीक्षणलाई मान्यता दिने भएपछि अलैंची व्यवसायी र किसान उत्साहित भएका छन् ।

258
लक्ष्मी सापकोटा
मंगलबार, भदौ १०, २०७६

एक महिना अवधिमा बजारमा सुनको मूल्य तोलामा १० हजार रुपैयाँ बढेको छ । अन्तर्राष्ट्रिय बजारमा सुनको मूल्य लगातार बढेपछि त्यसको प्रत्यक्ष असर स्थानीय बजारमा पर्न गएको हो । गत १० साउनमा प्रतितोलामा ६३ हजार ५ सय रुपैयाँ रहेको सुनको मूल्य सोमबार ७३ हजार ५ सय रुपैयाँ पुगेको नेपाल सुनचाँदी व्यवसायी महासंघले जानकारी दिएको छ ।

460
सागर परियार
सोमवार, भदौ ९, २०७६

प्राङ्गारिक कर्णालीको बजार विषादीयुक्त भारतीय तरकारी तथा फलफूलले ओगटेको छ । अर्गानिक तरकारी महंगो पर्ने र आयातित तरकारी सस्तो हुने भएकाले बाहिरकै तरकारी खानेबानी कर्णालीवासीलाई छ । कर्णालीमा अर्गानिक कृषि खेतीको सम्भावना धेरै भए पनि आयातित तरकारीकै भरले स्वास्थ्यमा समेत असर पर्ने कृषि अर्थ विज्ञ बालकराम देवकोटा बताउँछन् । यहाँका नागरिकलाई स्वास्थ्यभन्दा मूल्यको महत्व छ । जसले गर्दा स्वास्थ्यमा भारतीय तरकारीले प्रत्यक्ष असर पर्ने र अर्गानिक खेतीमा जोड दिनुपर्ने उनको सुझाव छ ।

370
कारोबार संवाददाता
सोमवार, भदौ ९, २०७६

दाङमा दुग्धजन्य पदार्थको मूल्य वृद्धि भएको छ । घोराही क्षेत्रमा दूध, दही, घ्यू र पनिरको मूल्य वृद्धि गरिएको हो । डेरी व्यवसायी संघले मूल्यवृद्धि गर्ने निर्णय गरेको हो । दुई वर्षदेखि दूधको मूल्य बढेको थिएन । सवै क्षेत्रमा मूल्यवृद्धि भएका कारण दुग्धजन्य पदार्थको मूल्य बढाइएको डेरी व्यवसायीसंघ घोराहीका अध्यक्ष ईश्वरी घिमिरेले बताए । संघले दूधको मूल्य प्रतिलिटर ८० रुपैयाँ पु-याएको छ ।

874

सातामा धेरै पढिएको