कारोबार संवाददाता
आइतवार, आश्विन २८, २०७५

नेपालीहरूको महान पर्व विजया दशमी र शुभदिपावलीका अवसरमा पोखरामा हालसम्म ४ अर्ब रूपैयाँभन्दा बढीका नयाँ नोट साटिएको छ । पोखराबाट हालसम्म ४ अर्बभन्दा बढी बैंक तथा वित्तीय संस्था एवं आम नागरिकलाई नयाँ नोट साटिएको नेपाल राष्ट्र बैंक पोखरा कार्यालयका निर्देशक पोमनाथ गौतमले बताए ।

1041
कारोबार संवाददाता
आइतवार, आश्विन २८, २०७५

सल्यानका कृषक पछिल्लो समय घाँसखेतीतर्फ आर्कषित भएका छन् । परम्परागत रूपमा गरिने कृषि पेसाभन्दा घाँस खेतीबाट मनग्य आम्दानी हुन थालेपछि कृषकहरू व्यावसायिक घाँस खेतीतर्फ आर्कषित भएका हुन् ।

852
कारोबार संवाददाता
शुक्रवार, आश्विन २६, २०७५

नेपाल खाद्य संस्थानले खसीबोका र च्याङ्ग्राको मूल्य निर्धारण गरेको छ । संस्थानले शुक्रबारदेखि खसीबोका र च्याङ्गाको बिक्री खुला गरेको छ । संस्थानले खसी प्रतिकेजी पाँच सय र च्याङ्ग्रा प्रतिकेजी सात सय रूपैयाँ मूल्य निर्धारण गरेको हो । संस्थानले प्रतिकेजीमा १० रूपैयाँ छुट दिएको हो । संस्थानले बिहीबार पाँच सय च्याङ्ग्रा र २ सय ७१ वटा खसीबोका भित्र्याएको छ ।

1160
लक्ष्मी सापकोटा
शुक्रवार, आश्विन २६, २०७५

संसद्को सार्वजनिक लेखा समितिले चिनीको अधिकतम खुद्रा मूल्य प्रतिकिलो ६३ रुपैयाँ कायम गर्न सरकारलाई पुनः निर्देशन दिएको छ । बिहीबार बसेको समितिको बैठकले उपसमितिले अध्ययन गरेको प्रतिवेदनका आधारमा सरकारलाई उक्त मूल्य कडाइका साथ लागू गर्न निर्देशन दिएको हो ।

1377
भुवन पौडेल
शुक्रवार, आश्विन २६, २०७५

बैंकहरूले आर्थिक वर्षको पहिलो त्रैमासमै आक्रामक रूपमा कर्जा प्रवाह गरेपछि विगतको जस्तै तरलता अभावको समस्या दोहोरिने संकेत गरेको छ । कर्जा प्रवाहपछि निक्षेप खोज्ने प्रचलनले यो वर्ष पनि कर्जा लगानीयोग्य रकम (तरलता) अभाव हुने देखिएको हो ।

1211
कारोबार संवाददाता
बिहिवार, आश्विन २५, २०७५

विश्व बैंकवाट नेपाललाई वित्तीय तथा उर्जा क्षेत्र सुधार नीति कार्यान्वयनको लागि अमेरिकी डलर २०० मिलियन सहुलियतपूर्ण ऋण सहायता प्रदान गर्ने सम्झौतामा आज हस्ताक्षर सम्पन्न भयो ।

876
रासस
बिहिवार, आश्विन २५, २०७५

दशैँ, तिहार र छठ पर्वलाई लक्ष्य गरी व्यापारीले चालू आवको साउनदेखि असोज १५ गतेसम्म भारत तथा तेस्रो मुलुकबाट रु आठ अर्ब २८ करोड १८ लाख बराबरका सवारीसाधन नेपाल भित्र्याएका छन् ।

956
कारोबार संवाददाता
बिहिवार, आश्विन २५, २०७५

चाडपर्वको वहानामा व्यापारीले आफूखुशी उपभोग्य वस्तुको मूल्यवृद्धि गरेपछि झापाका उपभोक्ता मारमा परेका छन् । खाद्यान्न, सागसब्जी जस्ता दैनिक उपभोग्य वस्तुको मूल्य अकासिएकाले उपभोक्ता मारमा परेका हुन् । उपभोक्ता ठगिने क्रम बढे पनि नियमकारी निकाय भने मौन छ । नियमनकारीको मौनताको फाइदा उठाउँदै व्यापारीले आफू खुशी मूल्यवृद्धि गरिरहेका छन् ।

805
विपेन्द्र कार्की
बिहिवार, आश्विन २५, २०७५

दसैं हिन्दुहरूका लागि मात्र नभई अर्थतन्त्रका लागि पनि ‘दसैं’ नै मानिन्छ । वर्षैभरी व्यापार हुने कुल परिमाणको झन्डै ४० प्रतिशत यही सिजनमा कारोबार हुने भएकाले व्यापार व्यवसायका लागि पनि यो सिजनलाई दसैं नै मानिएको हो ।

1110
हिमेश विक
बुधवार, आश्विन २४, २०७५

सुदूरपश्चिम प्रदेश सरकारले दुई महिनामा करिब १० करोड राजस्वसंकलन गरेको छ । प्रदेश सरकारले साउन र भदौमा गरी ९ करोड ७७ लाख ६५ हजार ४ सय १ रुपैयाँ राजस्व संकलन गरेको हो । यो प्रदेशमा उठाउनुपर्ने कुल करको ७ दशमलव ५४ प्रतिशत मात्र हो । प्रदेश सरकारले घरजग्गा दर्ता र सवारी साधनबाट बढी कर संकलन गरेको छ ।

886
कारोबार संवाददाता
बुधवार, आश्विन २४, २०७५

माछापालनको उर्वरभूमि मानिएको बारामा यसवर्ष २ अर्ब ६३ करोड ७० लाख रुपैयाँ बराबरको माछा बिक्री भएको छ । बारामा १० हजार ३५ हेक्टरमा माछापालन गरिएको छ । बिक्री भएको मध्ये थप ३० प्रतिशत माछा भारतको आन्ध्र प्रदेशबाट आयात भएको अनुमान गरिएको छ ।

833
कारोबार संवाददाता
मंगलबार, आश्विन २३, २०७५

पछिल्लो समयमा भारतीय रुपैयाँको अभाव भएसँगै अवैध खरिद बिक्री पनि अत्यधिक बढेको छ । अहिले नेपालगन्जका विभिन्न पसल, मनी एक्सचेन्ज काउन्टर र व्यक्तिले पनि भारुको अवैध खरिद बिक्री खुला रूपमा गरिरहेका छन् भने सीमापारी रुपैडिहामा पनि सयौंले भारुको सस्तोमा खरिद र महँगोमा बिक्री गरिरहेका छन् ।

775
लक्ष्मी सापकोटा
मंगलबार, आश्विन २३, २०७५

नजिकिँदै गरेको दसैंलाई लक्षित गरेर उपत्यकामा खसीबोका भिœयाउन सुरु भएको छ । दसैंका लागि छिमेकी मुलुक चीनबाट ल्याइएका भेडाच्याङ्ग्रा मंगलबार कलंकीस्थित खसीबजारमा भित्रिने भएका हुन् । घटस्थापनाको दिनदेखि खसीबोका भित्रिने भए पनि च्याङ्ग्रा भने मंगलबार नै उपत्यकामा आइपुग्ने व्यवसायीले बताएका छन् ।

1283
कारोबार संवाददाता
मंगलबार, आश्विन २३, २०७५

विश्व बैंकले चालू आर्थिक वर्षमा ५.९ प्रतिशतमात्र आर्थिक वृद्धि हुने प्रक्षेपण गरेको छ । सरकारले चालू आर्थिक वर्षको आर्थिक वृद्धि ८ प्रतिशत रहने अनुमान गरे पनि विश्व बैंकले सरकारको प्रक्षेपणभन्दा २ प्रतिशतभन्दा कम हुने अनुमान गरेको छ ।

4910
कारोबार संवाददाता
सोमवार, आश्विन २२, २०७५

दोलखामा गत आर्थिक वर्ष २०७४-७५ सबैभन्दा बढी बजेट खर्च गर्नेमा विगु गाउँपालिका र कम खर्च गरी बचाउने (डम्प) गर्नेमा मेलुङ गाउँपालिका परेको छ । सरकार सञ्चालनकै हैसियतको शक्ति प्राप्त गरेका दोलखाका स्थानीय तहको ३४ करोड रुपैयाँ बजेट खर्च हुन नसकेको हो ।

968