कारोबार संवाददाता
सोमवार, चैत्र १०, २०७६

सरकारले अत्यावश्यकीय सेवा बाहेकका सबै क्षेत्र चैत २१ गतेसम्मका लागि बन्द गरेपछि यसको असर दुग्ध क्षेत्रमा पनि परेको छ । सहरका उपभोक्ताहरू गाउँ पसेको र ठूला होटेल, रेष्टुरेन्ट, शैक्षिक संस्थाहरूसमेत बन्द एपछि दैनिक दूधको खपत ३० प्रतिशतसम्म कम भएको हो । कोभिड १९ बाट बच्न रोग प्रधिरोधात्मक क्षमता बढाउने धेरै गुण भएको दूधको खपत बढाएर दुग्ध क्षेत्रको समस्या र उपभोक्ताको जोखिम कम गर्न सरोकारवालाले सरकारको ध्यानाकर्षण गराएका छन् । नेपाल डेरी एशोसिएसनले कृषि तथा पशुपंक्षी विकासमन्त्री घनश्याम भुसाललाई ज्ञापनपत्र बुझाइ यससम्बन्धी समस्या समाधान गर्न अनुरोध गरेको हो ।

581
मनोरञ्जन शर्मा
आइतवार, चैत्र ९, २०७६

बागमती खाडसारी चिनी उद्योग पश्चिम नवलपरासीले उखु कृषकहरुको गत वर्षसम्मको बाकी बक्यौता रकम भुक्तानी गरेको छ । उखु कृषकहरुले रकम भुक्तानी नपाएपछि देशभरका किसानहरु काठमाडांैमा गई धर्ना लगायतका दवाबमुलक कार्यक्रम गरेपछि सरकारले समयसिमा तोकेरै उखु किसानको सबै बक्यौता भुक्तानी गर्न आदेश दिएको थियो ।

325
कारोबार संवाददाता
आइतवार, चैत्र ९, २०७६

बजारमा ग्यासको अभाव हुन सक्ने आशंकामा उपभोक्ताले बढी ग्यास खरिद गर्न थालेपछि उद्योगीले आवश्यकता भन्दा बढी ग्यास भण्डारण नगर्न आग्रह गरेका छन । नेपाल ग्यास उद्योग संघले ग्यास किन्ने ग्राहकको विवरण राख्ने व्यवस्था गरेको छ । कोरोना भाइरसको संक्रमणको त्रासले उपभोक्ताले अत्याधिक ग्यास खरिद गर्दा बजारमा अभाव भएपछि संघले यो व्यवस्था गरेको हो । नियमितरुपमा ग्यासको आयात भइरहेपनि बजारमा भने अभाव कायम रहेको छ ।

442
कारोबार संवाददाता
शुक्रवार, चैत्र ७, २०७६

सुदूरपश्चिम प्रदेशका तीन जना युवाले कालिज पालन सुरु गरेका छन् । उनीहरुले पहाड क्षेत्रमा बसोबास गर्ने जंगली चरा काजिल पालनबाट आयआर्जनको बाटो रोजेका हुन् । उनीहरुले १० लाख रुपैयाँको लागतमा कैलालीको चुरे गाउँपालिका–५, निङ्लाडीमा एक सय ५० कालिज पालेका छन् । नेपाल सरकारको पन्छी संरक्षण विभागबाट अनुमति लिएर पोखराबाट चल्ला ल्याएर कालिज पालेको सो काजिल फार्मका जेटिए श्याम चौधरीले बताए । नेपालमा कालिज प्रजातिका चरा लोप हुने अवस्थामा पुगेकाले यिनीहरुलाई सरकारले संरक्षितको सूचिमा राखेको छ । यी चरालाई मार्न पाइँदैन । तर निङ्लाडीमा पालिएका कालिज विदेशी प्रजातिको रहेको चौधरीले बताए ।

707
मीनकुमार नवोदित
शुक्रवार, चैत्र ७, २०७६

गत असार १ गते चालू आर्थिक वर्षको बजेट सार्वजनिक गर्दै गर्दा प्रदेश–१ का आर्थिक मामिला तथा योजनामन्त्री इन्द्रबहादुर आङ्बोले शतप्रतिशत बजेट खर्च हुने दाबी गरेका थिए । तर, चालू आर्थिक वर्षको ८ महिना बितिसक्दा पनि २८ प्रतिशत भन्दा बढी बजेट खर्च हुन सकेको छैन । प्रदेश सरकार सुस्त हुँदा बजेट खर्च हुन नसकेको विश्लेषकहरू बताउँछन् ।

488
नीरज पिठाकोटे
शुक्रवार, चैत्र ७, २०७६

विश्वभर महामारीको रुपमा फैलिएको कोरोना भाइरसको संक्रमण फैलिन नदिन भारतको कोलकतामा आउने कण्टेनरहरु पनि अब क्वारेण्टाइनमा राखिने भएको छ । भारतको कोलकता पतन न्यास (कोलकत्ता पोर्ट ट्रष्ट) ले ट्रेड सर्कुलर जारी गरेर चैत ६ गते अर्थात १९ मार्च २०२० देखि लागू हुने गरी विभिन्न देशबाट समुद्रीमार्गबाट जहाजमा ढुवानी भएका कण्टेनरहरु कोरोनाको संक्रमण छन् कि छैनन् भनेर परीक्षणका लागि क्वारेण्टाइनमा राखिने भएको हो ।

895
निरु अर्याल
शुक्रवार, चैत्र ७, २०७६

कोरना भाइरस (कोभिड–१९) का कारण अर्थतन्त्र शिथिल बन्दै गएपछि सरकारले यस वर्ष बजेटमार्फत लिएको र मध्यावधि समीक्षामार्फत संशोधन गरेका सबैजसो लक्ष्य हासिल नहुने देखिएको छ । सरकारी तथ्यांकको आयव्यय राख्ने महालेखा नियन्त्रकको कार्यालयका अनुसार चालू आर्थिक वर्षको दोस्रो चौमासिकसम्म बजेट खर्चको अवस्था झनै कमजोर देखिएको छ भने करिब ७० प्रतिशत राजस्व उठाउने समयमा सरकार ८ महिनासम्म ४९ प्रतिशतमात्रै संकलन गर्न सक्षम देखिएको छ ।

515
लक्ष्मी सापकोटा
शुक्रवार, चैत्र ७, २०७६

बजारमा ग्यासको आपूर्ति व्यवस्था सहज गर्न पछिल्लो पाँच दिनमामात्रै ६ लाख ५७ हजार सिलिन्डर बजारमा पठाइएको छ । कोरोना भाइरसको संक्रमण विश्वमा फैलिँदै गएपछि बजारमा ग्यासको अभाव हुनसक्ने भन्दै नेपाल आयल निगमले विभिन्न् ग्यास उद्योगमार्फत पाँच दिनमा ६ लाख ५७ हजार पाँच सय सिलिन्डर बजारमा पठाएको हो ।

424
लक्ष्मी सापकोटा
बिहिवार, चैत्र ६, २०७६

बजारमा पेट्रोलियम पदार्थको आपूर्ति व्यवस्था असहज भइरहेको बेला उद्योग वाणिज्य तथा आपूर्ति मन्त्री लेखराज भट्टले पेट्रोल पम्पको छड्के अनुगमन गरेका छन् । सुरक्षाकर्मी बिना निजी गाडि चढेर बुधबार मन्त्री भट्ट बजार अनुगमनमा निस्केका थिए । मन्त्री भट्टले ललितपुरको पुल्चोकदेखि काठमाडौंको कालिमाटीसम्मका पेट्रोल पम्पहरुको अनुगमन गरेका हुन् । अनुगमनका क्रममा अधिकांश पेट्रोल पम्पहरुले प्लास्टिकको जर्किन तथा ठूला ड्रममा समेत तेल भरेको भेटिएपछि वितरण नगर्न निर्देशन दिएका हुन् ।

549
कारोबार संवाददाता
बिहिवार, चैत्र ६, २०७६

व्यवसायीले पर्याप्त इन्धन नल्याउँदा झापाका बजारमा तेल अभाव देखिएको छ । अन्तर्राष्ट्रिय बजारमा तेलको मूल्य घटेकोले नेपाली बाजरमा पनि मूल्य घट्ने आशंकामा व्यवसायीले पर्याप्त तेल नल्याउँदा तेल अभाव देखिएको हो । डिपोमा पर्याप्त तेल भएपनि अप्mनो पम्पबाट दैनिक बिक्री हुने परिमाणको आधारमा व्यसायीले तेल उठाउँदा समस्या देखिएको नेपाल आयल निगम चारआली डिपोका प्रमुख बिपिन श्रेष्ठले बताए । भारतले सीमा नाकामा कडाइ गरे पनि तेल ल्याउन भने अहिलेसम्म कुनै समस्या नभएकोले आवश्यक मात्रामा तेल आइरहेको प्रमुख श्रेष्ठ बताउँछन् ।

403
कारोबार संवाददाता
बिहिवार, चैत्र ६, २०७६

कोरोना भाइरसको कारण नेपाल भारत नाका बन्द भएर इन्धन अभाव हुने भ्रामक समाचारहरुका कारण बजारमा पेट्रोल पम्पहरुमा ग्राहकको भिड लाग्न थालेको छ । अहिले काठमाडौं उपत्यका तथा पहाडी जिल्लाहरुमा अघोषित हाहाकार गराइएको छ भने कतिपय पम्पहरुमा इन्धन नभएको सूचना टाँसिएको छ । तर नेपाल आयल निगमका अधिकारीहरुले भने इन्धन पर्याप्त रहेको र पहिला जस्तै सहज रुपमा भारतबाट आयात भइरहेको बताएका छन् ।

454
दीननाथ बराल
बिहिवार, चैत्र ६, २०७६

गण्डकी प्रदेशका मुख्यमन्त्री पृथ्वी सुब्बा गुरुङसहित अन्य मन्त्रीहरूको सम्पत्ति विवरण दुई वर्षपछि सार्वजनिक गरिएको छ । गण्डकी प्रदेश सरकारका प्रवक्ता रामशरण बस्नेतले बुधबार पोखरामा पत्रकारमाझ प्रदेशका मुख्यमन्त्री गुरुङसहित अन्य ५ जना मन्त्रीहरूको सम्पत्ति वितरण सार्वजनिक गरेका हुन् ।

600
किरण आचार्य
बिहिवार, चैत्र ६, २०७६

माक्र्सवादी दर्शनका व्याख्याता मानिएका नेकपा नेता घनश्याम भुसालले नेपालको कृषि क्षेत्रको विकासको लागि नयाँ मार्गदर्शन अघि सारेका छन् । भुसालले कृषि तथा पशुपंक्षी विकास मन्त्रीको हैसियतमा कृषि विकासको नयाँ सूत्रको रूपमा ‘संरक्षित कृषि, सुनिश्चित वचत’ अवधारणा अघि सारेका हुन् ।

496
कारोबार संवाददाता
बुधवार, चैत्र ५, २०७६

अर्घाखाँची जिल्लामा संघ, प्रदेश र स्थानीय तहको बजेट गत वर्ष भन्दा कम खर्च भएको पाइएको छ । आर्थिक वर्ष २०७६÷०७७ सालको स्वीकृत बजेट अनुसार फागुन मसान्तसम्म २० प्रतिशत मात्र पुँजीगत बजेट खर्च भएको कोष तथा लेखा नियन्त्रक कार्यालय अर्घाखाँचीका प्रमुख कोष नियन्त्रक रामबहादुर केसीले जानकारी दिए ।

386
मनिषा चम्लागाईँ
बुधवार, चैत्र ५, २०७६

झापाको दमक नगरपालिका–८ बालुवाटारस्थित सरकारी जग्गा हिनामिना प्रकरणमा संलग्न नेकपा नेता गगन पुरीलगायतविरुद्ध मुद्दा दायर भएको छ । नेकपा नेता गगन पुरीलगायतलाई प्रतिवादी बनाएर जिल्ला सरकारी वकिल कार्यालय भद्रपुरले मुद्दा दायर गरेको हो । अदालतमा दायर गरिएको मुद्दामा संलग्न भएकाहरु विरुद्ध सरकारी छाप दस्तखत किर्तेमा सजायका साथै २ करोड ६९ लाख ५५ हजार रुपैयाँ भन्दा बढीको बिगो दावी गरिएको छ । पुरीले सरकारी कर्मचारीको मिलेमतोमा दमक –८ को सरकारी जग्गा गैरकानुनी रुपमा आफूलगायत आफू निकटका नाममा नामसारी गरेको अभियोग दावी गरिएको छ ।

568