किरण आचार्य
बिहिवार, चैत्र २७, २०७६

कोरोनाका कारण कृृषि क्षेत्रमा भएको क्षति न्यूनीकरण तथा कृषक प्रोत्साहनका लागि तत्कालीन राहत कार्यक्रम ल्याइने भएको छ । कृषि तथा पशुपंक्षी विकास मन्त्रालयले तयार पारेको राहत प्याकेजको प्रस्तावमा आउँदो मन्त्रिपरिषद् बैठकले निर्णय गर्ने भएको छ । मन्त्रिपरिषद्का सदस्यहरूलाई सुझावका लागि दिइएको कृषिको प्रस्तावमा दुग्ध किसानलाई प्रतिलिटर १० रुपैयाँ अनुदानदेखि पोल्ट्री क्षेत्रमा भएको क्षतिपूर्ति नगद तथा बैंकको व्याजमा अनुदानलगायतका विषय समेटिएका छन् । मुख्यतः तत्काल नष्ट हुने कृषि उपजमा मात्र राहत कार्यक्रम घोषणा गरिने भएको हो ।

185
लक्ष्मी सापकोटा
बिहिवार, चैत्र २७, २०७६

नेपाल आयल निगमले आइतबारदेखि खाना पकाउने ग्यासको भरी सिलिण्डर बजारमा ल्याउने भएको छ । ग्यासको आपूर्ति पर्याप्त मात्रामा भएकाले नेपाल आयल निगमले बिहीबारदेखि भरी सिलिण्डर भर्न उद्योगीलाई निर्देशन दिएको हो ।

146
नीरज पिठाकोटे
बुधवार, चैत्र २६, २०७६

कोरोना भाईरस कोभिड–१९ को संक्रमण रोकथाम र जोखिम न्यूनिकरणका लागि गरिएको लकडाउन (बन्दाबन्दी) ले वीरगन्जको एकीकृत भन्सार जाँच चौकी (आईसीपी) र सुक्खा बन्दरगाह भन्सार (ड्राईपोर्ट) मा लिईने शुल्क तथा जरिवाना छुट हुनुपर्ने उद्योगी व्यवसायीहरुले माग गरेका छन् । कोरोना भाइरस रोकथामका लागि गरिएको लकडाउनले वीरगन्जको एकीकृत भन्सार जाँच चौकी (आईसीपी) र ड्राईपोर्टमा आएको औद्योगिक कच्चा पदार्थ तथा मालवस्तु ढुवानी प्रभावित भएकोले लकडाउन अवधिभरको जरिवाना र शुल्क छुट पाउनुपर्ने व्यावसायीहरुको माग छ । कोरोना भाइरस संक्रमणले देखिएको गतिरोध समाधानका निम्ति भारतको कोलकाता र हल्दिया बन्दरगाहले कन्टेनर र बल्क कार्गोमा लाग्ने जरीवाना मिनाहा गर्ने भएपछि नेपालका उद्योगी व्यवसायीहरुको लागि नेपाल सरकारले पनि ड्राईपोर्ट र आइसीपीमा लाग्ने सवारी साधन पार्किङ शुल्क र जरिवाना छुट पाउनुपर्ने माग गरेका हुन् ।

269
निरु अर्याल
बुधवार, चैत्र २६, २०७६

सरकारले बहुपक्षीय विकास साझेदारहरुसँगको छलफबाट विश्वभर फैलिएको कोरोनाको महामारीका कारण नेपालमा सिर्जित समस्या तथा अर्थतन्त्र पुर्नउत्थानका लागि अल्पकालीन तथा दीर्घकालीन रणनीति बनाउने भएको छ । एसियाली विकास बैंक, एआईआइबी, विश्व बैंक तथा अन्तर्राष्ट्रिय मुद्रा कोषलगायतका बहुपक्षीय विकास साझेदारहरु, अर्थमन्त्री डा. युवराज खतिवडा तथा नेपाल राष्ट्र बैकका नवनियुक्त गभर्नर महाप्रसाद अधिकारी सामेल हुने उक्त बैठकले कोरोनाको महामारीका कारण नेपालमा सिर्जित समस्या समाधानका लागि आवश्यक राहत तथा उद्धार कोषको स्रोत व्यवस्थापनका बारेमा पनि छलफल गर्ने विश्व बैंकका नेपालस्थित म्यानेजर फारिस हादाद जेरोभले जानकारी दिए ।

338
सागर परियार
मंगलबार, चैत्र २५, २०७६

कोरोना भाईरस रोकथाम तथा नियन्त्रणका लागि सबै स्थानीयतहले लाखौ करोडौका विपद कोष स्थापना गरेका छन् । तर त्यो कोषमा कुन शिर्षकको बजेट राख्ने, पछि कसरी हिसाब मिलान गर्ने,कुन योजनाको बजेट कटाउने ? भन्ने अन्यौलनमा रहेका स्थानीयतहलाई अर्थ मन्त्रालयले सहज बनाएको छ ।

376
प्रकाश लम्साल
मंगलबार, चैत्र २५, २०७६

बारा निजगढका जनप्रतीनिधिहरुले बिभिन्न शिर्षकमा लिने र पाउने सुबिधा, भत्ता कटाएर एक करोड दुईलाखको ‘कोरोना बिपद् ब्यवस्थापन’ कोष खडा गरेका छन । सम्भाबित बिपद् ब्यवस्थापनका लागि ५० लाखको कोषले नधान्ने अबस्थ ाबने पछि जनप्रतीनिधीहरुले आफुले पाउने सबै सुबिधाको रकम नलिने निर्णय गदैृ कोष बनाएको हो ।

305
दीननाथ बराल
मंगलबार, चैत्र २५, २०७६

कोरोना भाइरसको कारण लकडाउन भएपनि कृषकलाई यति बेला भ्याइ नभ्याइ छ । हिउँदे बाली थन्क्याउन र मकै लगाउन तथा केही ठाउँमा मकै गोड्ने समय भएकाले यतिबेला कृषक व्यस्त छन् ।

207
लक्ष्मी सापकोटा
मंगलबार, चैत्र २५, २०७६

केही दिन अघिसम्म ग्यासको अभाव खेपेका उपभोक्ताले अहिले सहजै पाउन थालेका छन् । भारतबाट मागभन्दा बढी ग्यास आपूर्ति हुनु र बजारमा आधा सिलिण्डर ग्यासमात्र पठाउनुजस्ता कारणले अभाव पूर्ण रूपमा अन्त्य भएको हो ।

1168
सागर परियार
सोमवार, चैत्र २४, २०७६

चन्दननाथ नगरपालिकाले कोरोना भाईरसको रोकथाम तथा नियन्त्रणका लागि एक करोडको राहत कोष स्थापना गरेको छ । चैत २३ गते बसेको नगरकार्यपालिकाको बैठकले कोरोना संक्रमण रोकथाम नियन्त्रण तथा उपचार स्वरुप एक करोडको कोष स्थापना भएको आईतबार पत्रकार सम्मेलन मार्फत मेयर कान्तिका सेजुवालले बताईन् । यसअघि १० लाखको मात्रै कोष थियो । मेयर सेजुवालले भनिन, कोरोना रोकथामका लागि अपुग भएकाले कार्यपालिका बैठक १ करोड पुराएको हो ।

302
मनोरञ्जन शर्मा
सोमवार, चैत्र २४, २०७६

कोरोना भाइरस संक्रमण रोकथामका लागि नेपाल भारत दुवै देशमा लकडाउन भइरहँदा स्थल नाकाबाट हुने आयातका कामहरु भने निरन्तर भइरहँदा बजारमा उपभोग्य वस्तुको अभाव हुन पाएको छैन । देशको मुख्य भन्सार नाका बेलहिया हुँदै दैनिक उपभोग्य वस्तुका साथै एलपिजी ग्यास, पेट्रोलियम पदार्थ, तयारी औषधी, औषधीको कच्चा पदार्थ, मेडिकल सामानहरु, हरियो तरकारीलगायत नियमित रुपमा आइरहेको भैरहवा भन्सार कार्यालयका अधिकृत एवम्ं सूचना अधिकारी पूर्णप्रसाद लम्सालले बताए ।

323
सागर परियार
सोमवार, चैत्र २४, २०७६

कोरोना भाइरसको संक्रमण रोकथामका लागि यहाँका आठै स्थानीय तहले विपद् कोष स्थापना गरेका छन् । कार्यपालिकाको बैठकबाट प्रत्येक वडामा खाद्यन्न आपूर्तिदेखि स्वास्थ्य सामग्री वितरण गर्ने लगायतका काममा खर्च हुने गरी विपद् कोष स्थापना गरेका हुन् । जुम्लाका आठ स्थानीय तहमध्ये ६ स्थानीय तहले विपद्् कोष स्थापना गरेका छन् । बाँकी दुई स्थानीय तहले लकडाउनका कारण कोष स्थापना नगरेको तर शोधभर्ना हुनेगरी हा राहत दिने, स्वास्थ्य सामग्री वितरण गर्ने काम गरिरहेका छन् । एक नगरपालिकासहित सात गाउँपालिका गरी कोरोना रोकथाम तथा राहत वितरणका लागि करिब ८० लाख बढीको विपद् कोष स्थापना भएको पाइएको छ ।

253
निरु अर्याल
सोमवार, चैत्र २४, २०७६

कोरोना नियन्त्रणका लागि स्वदेशभित्रै करिब २ अर्ब सहायताको प्रतिबद्धता आएको नेपाललाई विकास साझेदारबाट ठूलो धनराशिको ओइरो लागेको छ । सरकारले कोरोना भाइरस संक्रमण रोकथाम, नियन्त्रण तथा उपचार कोषको स्थापना गरेसँगै स्वदेशी संघ–संस्थासँगै विकास साझेदारले समेत सहयोगको घोषणा गरेका छन् । अर्थ मन्त्रालयका अनुसार विकास साझेदारसँग सरकारले ऋण र अनुदान दुवैमा हस्ताक्षर गर्ने काम सुरु गरिसकेको छ भने कतिपय सहायताका लागि हस्ताक्षरको तयारीसमेत भएको छ ।

498
लक्ष्मी सापकोटा
सोमवार, चैत्र २४, २०७६

विश्वभर फैलिएको कोरोना भाइरस संक्रमणको कारण वाह्य व्यापारमा समस्या भएपछि खुुकुलो नीति अपनाइएको छ । व्यापारमा सहजीकरण गर्नका लागि भारतसँग हुने व्यापारमा तत्कालका लागि उत्पादनको प्रमाणपत्र नभए पनि हुने भएको छ ।

486
मनिषा चम्लागाईँ
आइतवार, चैत्र २३, २०७६

कोरोना भाइरस संक्रमणको जोखिम बढेसँगै भारतबाट आउने मालबाहक सवारी साधनलाई समेत नेपाल प्रवेश गर्न रोक लगाइने भएको छ । पूर्वी नाका काँकडभिट्टा हुँदै नेपाउ आउने सवारी साधनको प्रवेशमा सोमबारदेखि रोक लगाउने सहमति भएको मेची भन्सार कार्यालय काँकडभिट्टाले जनाएको छ । सवारीसाधनका चालक र सहयोगी मार्फत् नेपालमा कोरोना भाइरस प्रवेश गर्ने खतरा बढेको भन्दै झापाको मेचीनगरपालिकाका स्थानीयले बिरोध गरेसँगै केही निश्चित सामग्री बाहेकका सवारी रोक लगाउने सहमति भएको मेची भन्सार कार्यालय काँकडभिट्टाका प्रमुख ध्रुवराज विश्वकर्माले जनाए ।

435
लक्ष्मण ढुंगाना
आइतवार, चैत्र २३, २०७६

विश्वभरी महामारीको रुपमा फैलिएको कोरोना भाइरसको प्रत्यक्ष प्रभाव राजस्व संकलनमा परेको छ । चैत ११ गते मुलुक लकडाउन भएयता राजस्व संकलन पनि प्रभावित भएको हो । नेपालगन्ज भन्सार कार्यालयका अनुसार चालू आर्थिक वर्षको हालसम्म ८ अर्ब ६७ करोड ६३ लाख रुपैयाँ राजस्व संकलन गरेको छ । कार्यालयको चैत मसान्त सम्मको लक्ष्य १० अर्ब ३६ करोड ५५ लाख २२ हजार रहेकोमा चैत १८ गतेसम्म ७८ प्रतिशत राजस्व संकलन भएको हो ।

340