कारोबार संवाददाता
मंगलबार, असार ३०, २०७७

रुकुम पश्चिमका सबै स्थानीय सरकारहरुले आर्थिक वर्ष २०७७-०७८ का लागि नीति तथा कार्यक्रमसहितको बजेट ल्याएका छन् । अन्य स्थानीय तहले यसअघि नै बजेट ल्याएपनि रुकुम पश्चिमको आठबिसकोट नगरपालिकाले भने आइतबार मात्र बजेट ल्याएको हो । स्थानीय सरकारहरुले शिक्षा, स्वास्थ्य, कृषि र रोजगारीलाई विशेष प्राथमिकतामा राख्दै नीति तथा कार्यक्रमसहितको बजेट विनियोजन गरेका हुन् । आर्थिक वर्ष २०७७-०७८ का लागि रुकुम पश्चिमका ६ वटा स्थानीय तहले नीति तथा कार्यक्रम र बजेट विनियोजनसहितको गाउँ तथा नगरपरिषद सम्पन्न गरेका छन् ।

126
विप्लव काफ्ले
मंगलबार, असार ३०, २०७७

भरतपुर महानगरले यो वर्ष कर संकलनमा लक्ष्य पूरा गर्न नसक्ने देखिएको छ । १ अर्ब ११ करोडको लक्ष्य भन्दा झण्डै २० करोड बराबरको राजस्व संकलन गर्न नसक्ने देखिएको छ । आर्थिक वर्ष सकिन अब ३ दिनमात्रै छ । २८ गतेसम्म महानगरले ९१ करोड ५३ हजार ५ सय ५७ रुपैयाँमात्र आम्दानी गरेको देखिन्छ । महानगरको राजस्व व्यवस्थापन महाशाखाका प्रमुख अनुज घिमिरेले चैत यता राजस्व संकलन गर्न सोचे अनुसारको नभएको बताए ।

121
लक्ष्मी सापकोटा
मंगलबार, असार ३०, २०७७

सरकारले चाडपर्वलाई लक्षित गरेर चिनी आयात गर्ने तयारी गरेको छ । चाडपर्वको समयमा बजारमा चिनीको खपत धेरै हुँदा बजार मूल्य नियन्त्रण गर्नका लागि खाद्य व्यवस्था तथा व्यापार कम्पनी र साल्ट्र टे«डिङ कर्पाेरेसनलाई चिनी आयात गर्ने अनुमति दिन लागेको हो । यसअघि साल्ट्र टे«डिङ कर्पाेरेसनले भारतबाट चिनी आयात गरेर बजारमा सस्तो मूल्यमा बिक्री गर्दै आएको थियो । यो वर्षदेखि खाद्य कम्पनीलाई समेत चिनी आयात गर्ने अनुमति दिन लागेको उद्योग वाणिज्य तथा आपूर्ति मन्त्रालयले जानकारी दिएको छ ।

232
कारोबार संवाददाता
सोमवार, असार २९, २०७७

नेपाल राष्ट्र बैंकका प्रवक्ता तथा कार्यकारी निर्देशक डा. गुणाकर भट्टले कोभिड–१९ का कारण प्रभावित निजी क्षेत्रको समस्या समाधान गर्दै पुनर्कर्जा व्यवस्थापन र रोजगारी सिर्जनामा ध्यान दिएर मौद्रिक नीति ल्याउने तयारी गरेको बताएका छन् । आइतबार रिपोर्टर्स क्लब नेपालले आयोजना गरेको साक्षात्कारमा प्रवक्ता भट्टले सबै क्षेत्रका विज्ञहरुको सुझाव लिने काम भइसकेको जनाए । “सरकारले ल्याएको बजेट कार्यान्वयनमा सहयोग पुग्नेगरी नै मौद्रिक नीति आउँछ, यसले सबै क्षेत्रको सुझावहरु समेट्ने कोसिस गरेको छ ।”

241
लक्ष्मी सापकोटा
सोमवार, असार २९, २०७७

नेपाल आयल निगमले मुलुकका विभिन्न स्थानमा पूर्वाधार विस्तार गर्ने तयारी गरेको छ । पेट्रोलियम पदार्थको भन्डारण विस्तारदेखि निगमले कर्पाेरेसन हाउस निर्माण गर्ने तयारी गरेको हो । निगमले आगामी आर्थिक वर्षमा विस्तार गर्ने गरी विभिन्न कार्यक्रम अगाडि बढाएको छ । तीन महिनालाई पुग्ने पेट्रोलियम पदार्थको भन्डारण विस्तार गर्ने निगमको योजनाअनुरूप अहिले विभिन्न ठाउँमा भन्डारणका लागि पूर्वाधार निर्माण गर्न लागिएको हो ।

855
कारोबार संवाददाता
सोमवार, असार २९, २०७७

संघीय संसद्को अर्थ समितिले मुद्रा तथा पुँजीबजार अध्ययन उपसमितिको अध्ययन प्रतिवेदन पारित गरेको छ । समितिले वाणिज्य बैंकले चुनौतीपूर्ण शर्त पूरा गरेपछि मात्र सहायक कम्पनीमार्फत धितोपत्र ब्रोकर लाइसेन्स दिनसकिने जनाएको छ । प्रतिवेदनले धितोपत्रको दोस्रो बजारमा बैंक तथा वित्तीय संस्थाको बाहुल्यता भएकाले भित्री कारोबारको पनि उत्तिकै जोखिम रहेको औंल्याएको छ । बैंकको सहायक कम्पनीलाई धितोपत्र ब्रोकरको अनुमति दिँदा यो समस्या समाधान गरेरमात्र दिनु उपयुक्त हुने प्रतिवेदनमा उल्लेख छ । भित्री कारोबारसँगै बैंकलाई ब्रोकर लाइसेन्स दिनुअघि अन्य ११ शर्त समेत पूरा गरेपछि वाणिज्य बैंकलाई ब्रोकर लाइसेन्स दिन सकिने निष्कर्षसहितको प्रतिवेदन अर्थ समितिले पारित गरेको हो ।

238
दिलबहादुर केसी
आइतवार, असार २८, २०७७

गाउँपालिकाको स्थायी कार्यालय (केन्द्र) कहाँ हुने भन्ने विवादका कारण आर्थिक वर्ष ०७७-७८ को बजेट नै अन्योलमा परेको छ । गाउँपालिकाको स्थायी कार्यालय कहाँ हुने भन्ने विवादका कारण ढिला गरी बसेको गाउँ सभाको बजेट अधिवेशन छलफलसमेत हुन सकेको छैन ।

464
कारोबार संवाददाता
आइतवार, असार २८, २०७७

सरकारले वैज्ञानिक वन व्यवस्थापनको नाममा काठ कटानमा अनियमितता भएको आशंका भएपछि गठित उच्चस्तरीय छानविन समितिले अनुसन्धानका लागि विभिन्न जिल्लाहरुमा जानका लागि समस्या भएको बताएको छ । विश्वभर फैलिरहेको कोरोना भाइरसको प्रकोपका कारण कार्यक्षेत्रमा गएर अनुसन्धान गर्न चुनौती देखिएको हो ।

230
कारोबार संवाददाता
आइतवार, असार २८, २०७७

कारोनाभाइरस (कोभिड–१९) ले लक्ष्यअनुसार राजस्व नउठेपछि खर्च घटाउने दबाबमा रहेको सरकारले संस्थानलाई पनि खर्चमा अंकुश लगाएको छ । राज्यकोषमा रकम अभाव हुन थालेपछि अर्थ मन्त्रालयले मितव्ययी भएर काम गर्न सार्वजनिक संस्थान, बोर्ड र प्राधिकरणलाई ६ बुँदे निर्देशन जारी गरेको हो । जसअनुसार अव सार्वजनिक संस्थानले आफूखुसी खर्च गर्न पाउने छैनन् भने सेवा सुविधा पनि वृद्धि गर्न पाउने छैनन् ।

376
कारोबार संवाददाता
आइतवार, असार २८, २०७७

नेपाल आयल निगमले दुई साता नबित्दै पेट्रोलियम पदार्थको मूल्य बढाएको छ । स्वचालित मूल्य प्रणालीअन्तर्गत प्रत्येक १५ दिनमा मूल्य समायोजन हुनुपर्नेमा १० दिनमै मूल्य बढाइएको हो । अन्तर्राष्ट्रिय बजारमा इन्धनको मूल्य बढेर आएको भन्दै निगमले मूल्य बढएको हो । निगमले पेट्रोल, डिजल र मटीतेलको मूल्य प्रतिलिटर एक-एक रुपैयाँ बढाएको छ । लकडाउन अवधिमा मूल्य नबढाएको निगमले लकडाउन खुकुलो भएसँगै दुईपटक मूल्य बढाइसकेको छ । निगम प्रवक्ता वीनितमणि उपाध्यायले अन्तर्राष्ट्रिय बजारमा इन्धनको मूल्य बढेर आएकाले स्थानीय बजारमा मूल्य बढाइएको दावी गरे ।

714
कारोबार संवाददाता
शुक्रवार, असार २६, २०७७

घरेलु तथा साना उद्योग कार्यालय लमजुङमा चालु वर्ष आएको अनुदान बजेट फ्रिज हुने भएको छ । कोरोना कहर र प्रदेश सरकारबाट ढीलो गरी अख्तियारी आउँदा वजेट फ्रिज हुने अवस्थामा पुगेको हो ।

273
कारोबार संवाददाता
शुक्रवार, असार २६, २०७७

नेपालको प्रमुख पर्यटकीय स्थलमध्ये राराताल पनि एक हो । कर्णाली प्रदेशको मुगु जिल्लामा पर्ने यो ताल आजभोलि पर्यटकको आवागमन न्यून छ । आजभोलि रारा तालमा फाटफुटमा घुम्न आउने गरेका छन । विगतका दिनहरूमा यति बेला रारा घुम्न आउने आन्तरिक तथा बाह्य पर्यटकको घुइँचो लाग्ने गथ्र्यो । राराको सौन्दर्य मात्र नभई राजस्व संकलनमा पनि उत्तिकै फड्को माथ्र्यो । यस वर्ष विश्व महामारीका रूपमा फैलिरहेको नोवेल कोरोना भाइरस कोभिड–१९ ले गर्दा रारामा उठ्ने राजस्व भने यस वर्ष कोरोनाले खाएको छ ।

285
मनिषा चम्लागाईँ
शुक्रवार, असार २६, २०७७

झापाको शिवसताक्षी नगरपालिकाले आर्थिक वर्ष आर्थिक वर्ष २०७७-७८मा स्वास्थ्य र कृषिलाई प्राथमिकतामा राखेर बजेट सार्वजनिक गरेको छ । नगरपालिकाले ७९ करोड ८४ लाख ६५ हजार २७० रुपैयाँ बराबरको बजेट सार्वजनिक गरेको हो । उक्त बजेटमा चालू तर्फ ३३ करोड ८३ लाख ९९ हजार २७० रहेको छ भने पुँजीगत तर्फ ४६ करोड ६६ हजार रुपैयाँ रहेको छ । सो बजेट सामाजिक सुरक्षा बाहेकको हो ।

342
कारोबार संवाददाता
शुक्रवार, असार २६, २०७७

भारतीय सीमामा भन्दा नेपालमा पेट्रोलियम पदार्थको मुल्य सस्तो रहेको छ । इन्धनको मूल्य अन्तर अहिलेसम्मकै उच्च बिन्दुमा पुगेको हो । सीमावर्ती भारतीय बजारभन्दा नेपालमा अहिले इन्धन प्रतिलिटर ४० रूपैयाँसम्म सस्तो रहेको नेपाल आयल निगमले जनाएको छ । निगमका अनुसार रक्सौलमा पेट्रोल १ सय ३४ नेपाली रुपैयाँ पर्छ भने डिजलको मूल्य १ सय २४ छ ।

212
कारोबार संवाददाता
शुक्रवार, असार २६, २०७७

नेपाल राष्ट्र बैंकले आगामी आर्थिक वर्षको मौद्रिक नीतिले सबैलाई बचाउन सक्दो प्रयास गर्ने गभर्नर महाप्रसाद अधिकारीले बताएका छन् । मौद्रिक नीतिका लागि सुझाव संकलन गर्ने क्रममा गभर्नर अधिकारीले सबै सुरक्षित भएर बैंकिङ प्रणालीलाई पनि बचाउनुपर्ने बताएका छन् ।

613