कारोबार संवाददाता
आइतवार, बैशाख १, २०७६

राष्ट्रिय पुनर्निर्माण प्राधिकरणले भूकम्पपछि आंशिक क्षतिमा परेका लाभग्राहीको घर रेट्रोफिट (प्रवलीकरण) गर्ने अभियान काभ्रेबाट सुरु गरेको छ । भूकम्प अतिप्रभवित १४ जिल्लाको एक स्थानीय तह, एक नमुना रेट्रोफिटिङ घर बनाउने अभियान अन्तर्गत छत्रबहादुर परियारको घर रेट्रोफिट गर्न लागेको प्रमुख कार्यकारी अधिकृत सुशील ज्ञवालीले बताए । योसँगै ज्ञवालीले नमोबुद्ध नगरपालिका–५ कानपुरको फलाटे गैराका छत्रबहादुर परियारको घर पुगेर रेट्रोफिटिङ अभियान सुरु भएको घोषणासमेत गरे । पुरानो घरलाई रेट्रोफिट गरेर भूकम्प प्रतिरोधात्मक बनाउने कार्यमा केही ढिलाइ भए पनि अब अभियानकै रूपमा भूकम्पप्रभावित जिल्लामा काम गरिने कार्यकारी अधिकृत ज्ञवालीले बताए । भूकम्पप्रभावित जिल्लामा नभत्किए र नचर्किएका भए पनि कमजोर भएको हुनसक्ने भन्दै प्राविधिकको सल्लाहमा घर रेट्रोटिफ गर्न ज्ञवालीले सुझाए ।

238
अनिश शर्मा गैरे
सोमवार, बैशाख २, २०७६

मुसिकोट नगरपालिका– ७ झेँदी र – ३ बडागाउँ जोड्ने पक्की मोटरेबल पुल ढलान सुरु भएको दुइ दिनै भत्किएको छ । ५३ मिटर लम्बाइ ७ दशमलव २० मिटर चौडाइ भएको पुलले आफ्नो तौल थाम्न नसेकेको कारण भत्किएको हो । पुल भत्किदा ५ जना घाइते समेत भएका छन् । घाइते हुनेहरुमा पुलका ठेकेदार चितवन चैनपुरका ऋषीराम इटानी, मुसिकोट नगरपालिका– ३ का रनबहादुर राना(२३), सोही ठाँउका गणेश राना(३३), मुसिकोट नगरपालिका–४ का रुद्रबहादुर कार्की(५१) र डोजरका सहचालक बडिगाड– ७ बाग्लुङ्गका तुलबहादुर राना रहेको बामी प्रहरी चौकीले जनाएको छ । घाइते सातै जनालाई उपचारको लागि पठाइएको छ ।

710
कारोबार संवाददाता
सोमवार, बैशाख २, २०७६

कालिगण्डकी करिडोरअन्तर्गत मुस्ताङ सडक योजना समयमै निर्माण पूरा नहुने भएको छ । प्रदेश ४ को ‘लाइफ लाइन’ मानिएको ४३५ किलोमिटर दूरीको त्रिवेणी–कोरला जोड्ने कालिगण्डकी करिडोर सडक योजनामा निर्माण कार्य भइरहे पनि पूर्वाधार निर्माण ढिलासुस्तीले समयमै काम सम्पन्न नहुने देखिएको हो ।

469
कारोबार संवाददाता
सोमवार, बैशाख २, २०७६

प्रदेश ५ का मुख्यमन्त्री शंकर पोखरेलले संक्रमणकालीन अवस्थामा समेत देशमा विकास गति ४ बाट बढेर ६ प्रतिशत पुगेको बताएका छन् । आइतवार पाल्पाको तानसेनमा आयोजित नयाँ वर्षको शुभकामना आदानप्रदान कार्यक्रममा बोल्दै मुख्यमन्त्री पोखरेलले उक्त कुरा बताएका हुन् । उनले गत वर्षमा भन्दा अहिलेको सरकारले विकास निर्माणको कामलाई तीव्रता दिएको, विकासमा हुने विभिन्न खालका बाधा व्यवधान, ढिलासुस्ती समेत हटेकाले वार्षिक विकासको गति बढेको बताए ।

337
कारोबार संवाददाता
सोमवार, बैशाख २, २०७६

सरकारले बिनाप्रतिस्पर्धा चिनियाँ कम्पनीलाई दिन लागेको बूढीगण्डकी जलविद्युत् परियोजना प्रतिस्पर्धाका आधारमा अघि बढाउन महालेखा परीक्षकको कार्यालयले सुझाव दिएको छ । संवैधानिक निकाय महालेखाले आफ्नो ५६ औं प्रतिवेदनमा बूढीगण्डकी जलाशययुक्त जलविद्युत् आयोजना सार्वजनिक खरिद ऐन, २०६३ को दफा ९को व्यवस्थाविपरीत दिइएको भन्दै प्रतिस्पर्धामा जान सुझाव दिएको हो ।

770
भीम गौतम
आइतवार, बैशाख १, २०७६

५ सय किलोवाटको फर्पिङ जलविद्युत्बाट सुरु भएको विद्युत् उत्पादनको इतिहास १ सय ७ वर्ष लामो छ । वि.सं. १९६८ सालमा नेपालमा विद्युत् उत्पादन भएको सुरु भएको जलविद्युत् उत्पादन हालसम्म आइपुग्दा १ हजार ३० मेगावाटको हाराहारीमा पुगेको छ ।

615
प्रगति ढकाल
शुक्रवार, चैत्र २९, २०७५

सरकारले खानेपानीका ५ ठूला आयोजनालाई प्राथमिकतामा राखेर काम अगाडि बढाउने भएको छ । मुलुकमा बढ्दै गइरहेको खानेपानी आवश्यकता पूरा गर्न सरकारले ५ वटा आयोजनालाई प्राथमिकता दिएको हो ।

511
सागर परियार
शुक्रवार, चैत्र २९, २०७५

कर्णालीका जगदुल्ला, फुकोट कर्णाली, तीला कर्णाली, बेतान कर्णाली, ठूलीभेरी, सानी भेरीलगायतका जलाधार क्षेत्रमा बाह्य तथा आन्तरिक लगानी जुट्न सकेको खण्डमा कर्णालीको समृद्धि जलविद्युत्बाटै सम्भव छ । सागर परियार

509
कारोबार संवाददाता
शुक्रवार, चैत्र २९, २०७५

उत्तरी नाका तातोपानीलाई लक्षित गरी सिन्धुपाल्चोकको लार्चामा निर्माण थालिएको सुख्खा बन्दरगाहको निर्माण कार्य अन्तिम चरणमा पुगेको छ । नेपाल र चीनबीच हुने व्यापारलाई सहज गर्नका लागि बनाउन लागिएको सुख्खा बन्दरगाहको निर्माण कार्य अन्तिम चरणमा पुगेको हो । चीन सरकारको आर्थिक तथा प्राविधिक सहयोगमा सो बन्दरगाह निर्माण भएको हो । सामान्य फिनिसिङको कामबाहेक संरचना सबै तयार भइसकेको नेपाल इन्टरमोडल यातायात विकास समितिले जनाएको छ ।

1074
भीम गौतम
शुक्रवार, चैत्र २९, २०७५

सरकारले ‘प्रतिबन्ध’ लगाएको नेपाल कम्युनिष्ट पार्टी विप्लव समूहले पटक पटक बम विष्फोट भएका घटना सार्वजनिक भैसकेका छन् । यसैगरी सोही समूहले हालै विदेशी लगानी रहेको नौ सय मेगावाटको अरुण तेस्रो जलविद्युत आयोजनाको विद्युत गृहमा पनि बम विष्फोट गरायो । यो पहिलोपटक होइन, यसअघि पनि तीनपटक अरुण तेस्रो जलविद्युत आयोजनालाई लक्षित गरी बिष्फोट भएको थियो ।

374
महेन्द्र सापकोटा
शुक्रवार, चैत्र २९, २०७५

कर्णाली प्रदेशकै सबैभन्दा धेरै जलविद्युत् योजाना भएको दैलेखको नौमूले गाउँपालिका । पछिल्लो समयमा विकासको गति संगै जलविद्युत्को केन्द्र बनेको छ नौमूले गाउँपालिका । जलविद्युत् आयोजनाको केन्द्रका रूपमा चिनिँदै आएको नौमूले गाउँपालिकामा मात्रै बेग्ला–बेग्लै चारवटा हाइड्रोपावर कम्पनीहरूले काम थालिन गरेका छन् । द्वारीखोला हाइड्रोले गत वर्षदेखि विद्युत् उत्पादन सुरु गरेको छ भने पदमखोला हाइड्रोपावरको काम ७० प्रतिशत सम्पन्न भएको छ । तल्लो लोहोरेखोला हाइड्रोको काम प्राविधिक समस्याले रोकिएको छ भने अपरलोहोरे हाइड्रोको काम सुरु हुने तयारीमा रहेको छ ।

978
कारोबार संवाददाता
बिहिवार, चैत्र २८, २०७५

पचपन्न वर्षसम्म अलपत्र परेको सडक स्तरोन्नति गरिने भएको छ । वि.सं २०२० सालमा खोलिएको मदाना–पैयाखर्क हुँदै लक्ष्मीपुर जोडने सडकको ट्रयाकको स्तरोन्नति गरिने भएको हो । सल्यानको शारदा नगरपालिका–१० मदनाबाट पैयाखर्क हुँदै कालिमाटी गाउँपालिकाको लक्ष्मीपुर जोड्ने सडक पुनः निर्माण तथा स्तरोन्नतिका लागि सोमबार शिलान्यास गरिएको छ ।

391
कारोबार संवाददाता
बिहिवार, चैत्र २८, २०७५

ठेकेदारको लापरबाहीले तनहुँको भानु नगरपालिका–६ र ७ जोड्ने चुँदीखोलाको निर्माणाधीन पुल ढिलाइ भएको छ । वि.सं २०७५ वैशाख २८ गते निर्माण भइसक्नुपर्ने पुल ठेकेदारको लापरबाहीले अलपत्र परेको हो ।

368
केशव समर्पण
बुधवार, चैत्र २७, २०७५

प्रदेश सरकारले विकास निर्माणमा महत्वपूर्ण काम गर्न नसकेको भन्दै ३ नम्बर प्रदेशका प्रदेशसभा सदस्यले सरकारको आलोचना गरेका छन् । मंगलबारको प्रदेशसभाको विशेष समयमा बोल्ने सत्तपक्ष तथा विपक्षका सांसदहरूले विकास निर्माणको काम गर्न नसकेकाले जनताले प्रदेश सरकारलाई गिज्याइरहेको टिप्पणी गरेका हुन् ।

335
कारोबार संवाददाता
बुधवार, चैत्र २७, २०७५

भूकम्पपछि बन्द भएको तातोपानी नाकाको पछिल्लो अवस्था बुझ्न सरकारी उच्च प्रतिनिधि टोलीले स्थलगत निरीक्षण गरेको छ । नाका पुनः सञ्चालनमा ल्याउन पुनःनिर्माण भइरहेको छ ।

551