कारोबार संवाददाता
सोमवार, श्रावण १९, २०७७

बागलुङ र पर्वत जोड्नेगरी निर्माण गरिएको एसियाकै लामो झोलुंगे पुल सर्वसाधारणका लागि खुल्ला गरिएको छ । बागलुङ नगरपालिका–१ रामरेखा र कुश्मा नगरपालिका–१ पाङ अदुवावारी जोड्नेगरीे बनेको ५ सय ६७ मिटर लामो झोलुंगे खुल्ला गरिएको हो । ७ करोड ९७ लाखमा निर्माण सम्झौता भएको पुल साझौता अवधिभन्दा एक वर्ष पहिले नै निर्माणकार्य सम्पन्न भएको थियो । सस्पेन्सन ब्रिज डिभिजन कार्यालयमार्फत पुल निर्माणको जिम्मा हिमशिखर कन्स्ट्रक्सनले पाएको थियो । ३ महिना अगाडि निर्माण सम्पन्न भए पनि कोरोना महामारीका कारण हस्तान्तरण हुन सकेको थिएन । कोरना महामारीका कारण पुल हस्तान्तरण हुन नसके पनि सर्वसाधारणका लागि शुक्रबारबाट खुला गरिएको बाग्लुङ नगरपालिकाका नगरप्रमुख जनकराज पौडेलले बताए ।

560
सागर परियार
सोमवार, श्रावण १९, २०७७

अविरल वर्षाका कारण ठाउँठाउँमा पहिरो खस्दा एक सातादेखि अबरुद्ध कर्णाली राजमार्ग आजबाट शुचारु भएको छ । हप्तादिन सम्म पनि पहिरो पन्छाउन नसक्दा राजमार्ग अबरुद्ध थियो । कालिकोट दैखोला देखि जुम्ला सम्मको विभिन्न खण्डमा आएको पहिरो पन्छाएपछि आईतबारदेखि सडक खुलेको सडक डिभिजन जुम्लाका प्रमुख लिला बहादुर भण्डारीले बताए ।

306
कारोबार संवाददाता
सोमवार, श्रावण १९, २०७७

खानेपानी मन्त्रालयको भौतिक प्रगति ८० प्रतिशत देखिएको छ । खानेपानी मन्त्रालय र मातहतका विभिन्न निकायहरुले आर्थिक वर्ष २०७६÷०७७ मा गरेका भौतिक तथा वित्तीय प्रगतिकाबारे तेस्रो चौमासिक एवं वार्षिक समीक्षा बैठकमा मन्त्रालयको भौतिक प्रगति ८० प्रतिशत देखिएको हो । आइतबार बसेको समीक्षा बैठकमा मन्त्रालय मातहत रहेका विभिन्न निकायहरुले गरेका भौतिक र वित्तीय प्रगतिकाबारे जानकारी गराइएको थियो । समीक्षा बैठकमा खानेपानी मन्त्रालयको समग्र भौतिक प्रगति ८० प्रतिशत रहेको जानकारी सहसचिव अरुण सिंखडाले गराए । मन्त्रालयअन्तर्गत गत आर्थिक वर्षमा १४ वटा आयोजना सम्पन्न भई १ लाख ९० हजार २ सय ९२ जनसंख्या उच्च तथा मध्यमस्तरको खानेपानी सेवाबाट लाभान्वित भएको सहसचिव सिंखडाले बताए ।

347
कारोबार संवाददाता
सोमवार, श्रावण १९, २०७७

सरकारले प्राथमिकतामा राखेका र मुलुक विकासको ‘गेमचेन्जर’ भनिएकै आयोजनाको स्थिति झनै बेहाल देखिएको छ । प्रधानमन्त्री केपी शर्मा ओलीले सिंहदरबारबाटै अनुगमन गर्ने निर्णय गरेको र विकासका लागि गेमचेन्जर मानिएका राष्ट्रिय गौरवका आयोजनाको अवस्था झनै कहालीलाग्दो बनेको हो । परम्परागत तरिकाले आउने बजेट, आयोजनाको डिजाइनदेखि नै समस्या चुलिने, विस्तृत अध्ययन नहुने र ‘राम्रोभन्दा हाम्रो मान्छे’लाई प्राथमिकतामा राख्दा आयोजनाको लागत उच्च हुने र प्रतिफल प्रायः शून्यको हाराहारीमा छ ।

448
कारोबार संवाददाता
आइतवार, श्रावण १८, २०७७

सरकार र प्रवद्र्धकबीच भएको आयोजना विकास सम्झौता (पीडीए) अनुसार २० दिनअघि नै खिम्ती जलविद्युत् गृहको आधा स्वामित्व नेपाल विद्युत् प्राधिकरणको नाममा आइसक्नुपर्ने भए पनि सरकारकै बेवास्ताले अन्योल बढाएको छ ।

509
अमरराज आचार्य
शुक्रवार, श्रावण १६, २०७७

दाङको दक्षिणतर्फ रहेको मुसी नाकामा विद्युत् पु-याइएको छ । गढवा गाउँपालिका–८ मा रहेको उक्त मुसी नाकामा विद्युत् पु-याइएको हो । गाउँमा विद्युत् पुगेपछि स्थानीय बासिन्दा खुसी भएका छन् । नाकावासीले विद्युत्को उज्यालोमा बस्ने आफूहरूको सपना पूरा भएको बताएका छन् । “गाउँमा बिजुली आएसँगै विद्युत्को उज्यालोमा बस्ने हाम्रो सपना पूरा भएको छ,” स्थानीय अबिना बुढा मगरले भने । आफूहरूको लामो समयदेखि विद्युत्को उज्यालोमा बस्ने पाउने धोका पूरा भएको उनको भनाइ छ । लामो समयसम्म टुकी र सोलारको उज्यालोमा बसेका उनीहरूलाई विद्युत् पुगेपछि सहज हुने उनीहरूको भनाइ छ ।

606
भीम गौतम
बिहिवार, श्रावण १५, २०७७

नेपाल विद्युत् प्राधिकरणले मुलुकभरका ५० स्थानमा चार्जिङ स्टेसन स्थापना गर्ने भएको छ । सरकारले विद्युत् गाडी आयातमा भारी कर वृद्धि गरे पनि प्राधिकरणले पूर्वयोजनाअनुसार नै स्टेसन निर्माणको काम अघि बढाएको हो । एसियाली विकास बैक (एडीबी)को सहायतामा साकेस पावर प्रसारण तथा वितरण सेवा स्तरवृद्धि परियोजना अन्र्तगत विद्युतीय सवारी साधनको प्रवद्र्धनका लागि चार्जिङ स्टेसन निर्माण हुन लागेका हुन् ।

820
कारोबार संवाददाता
बिहिवार, श्रावण १५, २०७७

अर्थमन्त्री डा. युवराज खतिवडाले मिलेनियम च्यालेन्ज कर्पोरेसन (एमसीसी) सम्बन्धी विधेयक संघीय संसदमै अड्किएकोप्रति असन्तुष्टि जनाएका छन् । राष्ट्रिय सभाको राष्ट्रिय सरोकार तथा समन्वय समितिको बैठकमा बुधबार अर्थमन्त्री खतिवडाले विकास र सहयोगसम्बन्धी अमेरिकी नियोग मिलेनियम च्यालेन्ज कर्पोरेसन (एमसीसी) सम्झौता संसदबाट अनुमोदन गर्ने वा नगर्ने भन्ने विषयमा गम्भीरतापूर्वक छलफल गर्न समेत समितिलाई आग्रह गरे । उनले एमसीसी सम्झौता संसदमा विचाराधीन अवस्थामा रहेको कारण सकारको खर्चमात्रै बढेको भन्दै त्यसलाई अनुमोदन गर्ने वा फिर्ता पठाउने भनेर स्पष्ट पार्न आग्रह गरेका हुन् ।

717
कारोबार संवाददाता
बुधवार, श्रावण १४, २०७७

नेपालसँग आगामी क्षेत्रीय उर्जा शक्ति बन्ने सम्भावना रहेको अन्तर्राष्ट्रिय वित्त निगम (आइएफसी) ले जनाएको छ । विश्व बैंक समूहको सदस्य आइएफसीले त्रिशुली बहाब क्षेत्रको समष्टिगत प्रभाव मूल्यांकन सार्वजनिक गर्ने क्रममा उक्त कुरा जनाएको हो । “नेपालमा जलविद्युत्को महत्वका सम्बन्धमा धेरै अतिरञ्जना आवश्यक छैन र नेपालसँग आगामी क्षेत्रीय उर्जा शक्ति बन्ने सम्भावना छ” आइएफसीकातर्फबाट नेपाल, भुटान र बंगलादेशका लागि राष्ट्रिय प्रबन्धक वेण्डी वेर्नरले उक्त अध्ययन सार्वजनिक गर्ने क्रममा भनिन् ।

792
कारोबार संवाददाता
बुधवार, श्रावण १४, २०७७

अनुमतिपत्र (लाइसेन्स) लिएको १० वर्षपछि अर्थात आगामी कात्तिकदेखि २१६ मेगावाटको माथिल्लो त्रिशूली–१ जलविद्युत् आयोजनाको निर्माण सुरु हुने भएको छ । सन् २०१२ मा कोरियन कम्पनीले आयोजनाको अनुमतिपत्र लिएपछि लामो समयसम्म विद्युत् खरिद सम्झौता (पीपीए) लगायतका लागि लामो संघर्ष गरेको यस आयोजना निर्माण कार्य आगामी कात्तिकदेखि सुरु हुने भएको हो । तीन कोरियन कम्पनी, अन्तर्राष्ट्रिय वित्त निगम (आईएफसी) र नेपाली साझेदारसमेतको लगानीको नेपाल वाटर एण्ड इनर्जी डेलभपेन्ट कम्पनीले अन्र्तराष्ट्रिय नौ बैंक तथा वित्तीय संस्थाको ऋण लगानीमा निर्माण हुन लागेको हो । २०७७ सालको सुरु अर्थात वैशाखदेखि नै आयोजनाको निर्माण कार्य सुरु गर्ने भनेपनि कोरोना महामारी लगायतका कारणले वित्तीय व्यवस्थापन हुन नसकेपछि सुरु हुन सकेको छैन ।

889
कारोबार संवाददाता
मंगलबार, श्रावण १३, २०७७

बागमति प्रदेशका मुख्यमन्त्री डोरमणि पौडेलले प्रदेशभित्रका ३२ वटा पक्कि पुलको एकै साथ उद्घाटन गरे । धेरैलाई लाग्यो यी पुल प्रदेश सरकार गठनपछि निर्माण सुरु भएर पूरा भएका हुन् । एकै साथ पुल उद्घाटन हुँदा धेरै तामझाम पनि भएन र खर्च पनि जोगिनु राम्रो हो । त्यसमध्येको उद्घाटन भएका ३ वटा पुल दोलखाका रहेको बागमति प्रदेश भौतिक पूर्वाधार तथा विकास मन्त्रालयले जानकारी दिएको छ । गत साता उद्घाटन भएकामध्ये एउटा पुल २ वर्षअघि नै सञ्चालनमा आइसकेको छ भने एउटा पुल एक वर्षअघि नै सञ्चालनमा आएको हो ।

482
कारोबार संवाददाता
मंगलबार, श्रावण १३, २०७७

आर्थिक वर्ष २०७५-७६ मा सुदूरपश्चिम प्रदेशको भौतिक पूर्वाधार विकास मन्त्रालयले सबैभन्दा बढी आर्थिक अनियमितता गरेको छ । महालेखा परीक्षकको कार्यालयले सार्वजनिक गरेको ५७ औं वार्षिक प्रतिवेदनमा सो मन्त्रालय तथा मातहातका निकायमा आर्थिक अनियमितता तथा नियम विपरित कार्य गरेको भन्दै सबै भन्दा बढी बेरुजु निकालेको हो ।

342
कारोबार संवाददाता
मंगलबार, श्रावण १३, २०७७

भेरी–बबई डाइभर्सन बहुउद्देश्यीय आयोजना प्रदेश र स्थानीय तहको समेत सेयर लगानीमा कम्पनीमार्फत निर्माण हुने टुंगो लागेको छ । करिब दुई वर्षअघि भेरी–बबई सिँचाई बहुउद्देश्यीय आयोजनाको सुरुङ निर्माण कार्य सम्पन्न भए पनि बल्ल लगानीको मोडालिटीमा टुंगो लागेको हो । ऊर्जा, जलस्रोत तथा सिँचाइ मन्त्रालयले जनताको जलविद्युत् कार्यक्रमअन्तर्गत कम्पनी मोडलमा बन्ने आयोजना संघ, प्रदेश र स्थानीय तहको समेत स्वपुँजी (इक्विटी) सेयर रहनेछ । ऊर्जा, जलश्रोत तथा सिँचाइमन्त्री वर्षमान पुन, कर्णाली प्रदेशका मुख्यमन्त्री महेन्द्रबहादुर शाहीसहित सम्वद्ध सरोकारवालाहरूको बैठकपछि सेयरको संरचनामा टुंगो लागेको थियो ।

456
कारोबार संवाददाता
मंगलबार, श्रावण १३, २०७७

पूर्वी लमजुङको दोर्दी गाउँपालिकाअन्तर्गत लिपेलेक चक्रिय पदमार्ग निर्माण कार्य सुरु भएको छ । लिपे लेकसहित अन्य पर्यटकीय गन्तव्यहरुको प्रवद्र्धन गर्दै आन्तरिक तथा बाह्य पर्यटकलाई आकर्षित गर्न चक्रिय पदमार्ग निर्माण सुरु भएको हो । जिल्लाको दोर्दी र दूधपोखरी गाउँपालिकाका विभिन्न क्षेत्रलाई समेटेर चक्रिय पदमार्ग निर्माण सुरु गरिएको हो । पदमार्ग निर्माणका लागि प्रदेश सरकारले मात्रै ५५ लाख रुपैयाँ विनियोजन गरेको पर्यटन व्यवसायी युवराज अधिकारीले बताए ।

351
कारोबार संवाददाता
सोमवार, श्रावण १२, २०७७

करिब ३२ वर्षअघि २०४५ सालमा विन्नी एन्ड पाटनर्स यूकेले मेलम्ची आयोजनालाई पहिलो प्राथमिकतामा राखेपछि योजना सुरु गरिए पनि काठमाडौंबासीलाई मेलम्ची पानी खुवाउने सपना अझै अन्योलमै छ । सन् २००१ मा ३७ अर्ब बजेट विनियोजन गरी खानेपानीको काम आधिकारिक सुरुआत गरिए पनि विभिन्न समयमा आइपरेका प्राविधिक कठिनाइका कारण यो योजनाले पूर्णता पाउन नसकेको हो ।

746