भीम गौतम
सोमवार, भदौ २, २०७६
402

ऊर्जा, जलस्रोत तथा सिँचाइमन्त्री वर्षमान पुनले उपभोक्तालाई विद्युत् सस्तो दिनुपर्ने बताएका छन् । प्राधिकरणको ३४ औं वार्षिकोत्सवको अवसरमा आइतबार राजधानीमा आयोजित कार्यक्रममा मन्त्री पुनले लागत घटाएर उपभोक्तालाई सस्तो बिजुली दिनुपर्ने बताएका हुन् । “उत्पादन, प्रसारण र वितरणको लागत घटाउने, प्रशासनिक खर्चलाई नियन्त्रण गर्ने जस्ता क्रियाकलापबाट लागतलाई कम गराई उपभोक्तालाई सस्तो विजुली दिनु पर्छ,” उनले भने, “विगतमा उच्यालो दिन चुनौतिपूर्ण थियो अब भरपर्दो र गुणस्तीय सेवा दिनुपर्ने चुनौती छ ।” मिटर नदिने, ट्रान्सफर्मर परिवर्तन नगर्ने जस्ता ग्राहकसँग प्रत्यक्ष जोडिएका विषयमा गुनासो आउने गरेको बताउँदै मन्त्री पुनले सेवा सुधार गरी ग्राहकमैत्री बन्न कर्मचारीलाई निर्देशन दिए ।
विद्युत् प्राधिकरणलाई सरकारी संस्थानहरूमध्ये एक नम्बरको बनाउनको घोषणा बनाउने बताउँदै उनले अधिकांश संस्थाहरू घाटामा चलिरहंदा प्राधिकरण खुद नाफा कमाउने अवस्थामा पुगेको र यसलाई एक नम्बर संस्थान बनाइने बताए । ऊर्जासचिव एवं प्राधिकरण सञ्चालक समितिका सदस्य दिनेशकुमार घिमिरेले विद्युत् उत्पादन बढ्दै गएकोले विद्युत्को खपत बढाउनु र यसका लागि आन्तरिक तथा वाह्य क्षेत्र चुनौतीपूर्ण रहेको बताए ।
प्राधिकरणका कार्यकारी निर्देशक घिसिङले चालू वर्षमा नाफा साढे ८ अर्ब पुफ्याउने, चुहावट १४ प्रतिशतमा झाने, चार वर्षभित्र सबै जनतालाई विद्युत्को पहुँच पुफ्याउने, गेम चेञ्जर परियोजनाहरू अघि बढाउने घोषणा गरे ।