कारोबार संवाददाता
मंगलबार, असार ३०, २०७७

नारायणगढ–मुग्लिन सडकखण्डको १७ किलोमा सडक थप भासिएपछि सवारी साधन एकतर्फि सञ्चालन गरिएको छ । सोमबार बिहान भासिएको सो ठाउँमा ग्राबेल हालेर दुईतर्फी यातयात सञ्चालनका लागि काम भइरहेको छ ।

145
कारोबार संवाददाता
सोमवार, असार २९, २०७७

सिन्धुलीमाढीमा अत्याधुनिक सभाहल निर्माण गरिने भएको छ । कमलामाई नगरपालिका–६ मा रहेको पुरानो सभाहल भत्काएर सोही ठाउँमा भवन निर्माण गरिने भएको हो ।

247
देवराज गुरुङ
सोमवार, असार २९, २०७७

जिल्ला समन्वय समिति ताप्लुजुङले चालू आर्थिक वर्ष २०७६÷०७७ मा ७४ लाख ४४ हजार ९ सय एक रुपैयाँ खर्च गरेको छ । चौथो जिल्ला सभामा पेश गरिएको प्रतिवेदनअनुसार २ करोड ७५ लाख १३ हजार ७ सय ४० रुपैयाँ मौज्दात छ । असार २४ गतेसम्म ३ करोड ४९ लाख ५८ हजार ६ सय ४१ रुपैयाँ मौज्दात कायम भएकामध्ये खर्च र मौज्दात रकम प्रतिवेदनमा समावेश गरिएको छ । यसैबीच संघ तथा प्रदेश सरकारबाट सञ्चालन हुने योजना स्थानीय तह तथा जिसससँग समन्वय हुनुपर्ने खाँचो औल्याइएको छ । कार्यकर्ता र सांसदबीच (प्रदेश र संघ) पहुँचका आधारमा छनौट गरिने योजना स्वीकृत गर्न स्थानीय तह बाध्य नहुने भन्दै सजग गराएको छ । तीनै तहबीच काममा तालमेल हुनुपर्नेमा जोड दिएको छ ।

171
भीम गौतम
सोमवार, असार २९, २०७७

नर्वेजियन कम्पनीको खिम्ती विद्युत् गृहमा रहेको ५० प्रतिशत स्वामित्व आइतबारदेखि स्वतः अन्त्य भएको छ । तर, कानुनी प्रक्रिया पूरा नभएकोले आधार सेयर नेपाल विद्युत् प्राधिकरणको नाममा भने आइसकेको छैन । दोलखाको तामाकोशी गाउँपालिका सहरेमा पर्ने यो आयोजना ६० मेगावाट क्षमताको हो ।

954
कारोबार संवाददाता
आइतवार, असार २८, २०७७

कञ्चनपुरको बेलडाँडी गाउँपालिकाको अत्याधुनिक प्रशासनिक भवन निर्माण सम्पन्न भएको छ । २०७४ सालमा ७ करोडको लागतमा निर्माण गर्न ठेक्का भएको गाउँपालिकाको प्रशासनिक भवनको निर्माणकार्य झण्डै ९६ प्रतिशत सकिएको छ । गाउँपालिकाका अध्यक्ष धनबहादुर थापा क्षेत्रीका अनुसार गाउँपालिकाको प्रशासनिक भवनको निर्माणकार्य लगभग पूरा भएको छ ।

192
भीम गौतम
आइतवार, असार २८, २०७७

नेपाल विद्युत् प्राधिकरणले गर्दै आएको उत्पादन, वितरण, प्रसारण र इन्जिनियरिङको काम छुट्टाछुट्टै कम्पनीमार्फत हुने भएपछि प्राधिकरणको भविष्यमाथि नै प्रश्न उठ्न थालेको छ । “अंशवण्डा भएपछि विद्युत् प्राधिकरणको अस्तित्व रहन्छ र ?,” प्राधिकरणका पूर्व कार्यकारी निर्देशक सन्तबहादुर पुनको प्रश्न छ, “एउटा बाउले चार सन्तानलाई सबै अंश दिएपछि घाटमा जानुको विकल्पबाहेक केही छ र ?” पूर्व कार्यकारी निर्देशक पुनको प्रश्न जस्तै छ, प्राधिकरणको अवस्था ।

558
कारोबार संवाददाता
आइतवार, असार २८, २०७७

अविरल भारी वर्षाका कारण खोला तथा नदीमा आएको बाढीका कारण उत्पादन बन्द भएका अधिकांश जलविद्युत् गृहहरू सुचारु भएका छन् । शुक्रबार सरकारी र नीजि जलविद्युत् गृहको करिब पाँच सय मेगावाट विद्युत् उत्पादन बन्द भएकोमा शुक्रबार राति र शनिबार बिहानदेखि अधिकांश सुचारु भएका हुन् ।

449
कारोबार संवाददाता
शुक्रवार, असार २६, २०७७

राष्ट्रिय पुनर्निर्माण प्राधिकरणले भूकम्पबाट क्षति भएकामध्ये ५ लाखभन्दा धेरै घरको पुनर्निर्माण सम्पन्न भएको जानकारी दिएको छ । संघीय संसदको विकास समिति तथा प्रविधि समितिको बैठकमा राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले ५ लाख ७ हजार ६ सय २३ घरको पुनर्निर्माण सम्पन्न भएको र २ लाख २ हजार ६ सय ४३ घर पुनर्निर्माणको क्रममा रहेको बताए । घर पुनर्निर्माणका लागि ७ लाख ८६ हजार १ सय ४४ घरधनीले अनुदान सम्झौता गरेका थिए । त्यसमध्ये ६५ प्रतिशतको घर पुनर्निर्माण सम्पन्न भएको छ भने २५ प्रतिशतको घर पुनर्निर्माणको क्रममा छन् ।

333
भीम गौतम
शुक्रवार, असार २६, २०७७

नेपाल सरकार र प्रवद्र्धकबीच भएको आयोजना विकास सम्झौता (पीडीए) अनुसार सन् २०२० को जुलाई ११ अर्थात २०७७ सालको असार २७ गतेपछि ६० मेगावाटको खिम्ती विद्युत् गृहको आधा स्वामित्व नेपाल विद्युत् प्राधिकरणमा स्वतः आउनुपर्ने हो । यससँगै विद्युत् खरिद सम्झौता (पीपीए) पनि नयाँ कायम भएर संयुक्त कम्पनीमार्फत सञ्चालन हुनुपर्ने सम्झौतामा छ । तर, कोरोना महामारीपछिको अवस्थाले तोकिएको अवधिमा दुवै काम पूरा हुनसक्ने अवस्था छैन ।

506
सागर परियार
बिहिवार, असार २५, २०७७

निर्माण सुरु गरेको सात वर्ष बितिसक्दा पनि सिँजा गाउँपालिका–२ रनुखानस्थित हिमा नदीमा निर्माणाधीन पक्कीपुल अझै बन्न सकेको छैन । अहिलेसम्म एउटा पिल्लरमात्रै ठडिएको छ । त्यो पनि अधुरै छ । प्रत्येक वर्ष करोडौं बजेट छुट्याउँदा पनि ठेकेदारकै ढिलाइले निर्माणकार्य अलपत्र भएको हो । पुल निर्माणका लागि २०६९ मै चार करोड २५ लाखमा ठेक्का सम्झौता भएको थियो भने २०७० देखि निर्माण थालिएको थियो । तर हालसम्म एउटा पिल्लर पनि पूर्णरूपमा ठडिएको छैन ।

264
दिलबहादुर केसी
बिहिवार, असार २५, २०७७

सिंगटी–लामोसाँघु १३२ केभी प्रसारणलाइन आयोजनाको अवरुद्ध काम सुरक्षाकर्मी लगाएर सुचारु गराइएको छ । टावर निर्माणमा स्थानीयले अवरोध गरेपछि सुरक्षाकर्मीसमेत खटाएको हो । टावर ठड्याउने ठाउँमा स्थानीयले रुट सार्न माग गर्दै अवरोध गरेपछि आयोजनाको काम समयमा पूरा हुन सकेको छैन ।

670
कारोबार संवाददाता
बिहिवार, असार २५, २०७७

गोरखामा स्थानीय पूर्वाधार कार्यक्रमअन्तर्गत ५३ किलोमिटर सडक कालोपत्रे भएको छ । भूकम्पपछिको पुनर्निर्माणअन्तर्गत विभिन्न दातृ निकायको सहयोगमा सडक कालोपत्रे गरिएको हो ।

264
कारोबार संवाददाता
बिहिवार, असार २५, २०७७

सिन्धुली जिल्लाको दुधौली नगरपालिकास्थित कमला नदीमा बनाइएको सडक पुल तोकिएको समयभन्दा एक वर्षअघि नै निर्माण सम्पन्न भएको छ । कालिका–रसुवा–ज्वाइन्ट भेन्चर कम्पनीले निर्माण गरेको उक्त पुल निर्माणकार्यले लकडाउनमा समेत तीव्रता पाउँदा एक वर्षअघि नै निर्माण सम्पन्न भएको हो । तोकिएको समयभन्दा एक वर्षअघि पुल निर्माण भएपछि स्थानीयसमेत उत्साहित भएका छन् । २०७४ मंसिर २७ गते ४२ महिनाभित्र निर्माण सम्पन्न गर्ने गरी सिन्धुली दुधौली नगरपालिका–९ र ११ जोडने कमला नदीमा पुल निर्माणको काम सुरु भएको थियो ।

294
भीम गौतम
बिहिवार, असार २५, २०७७

१२ वर्षपछि खोला पनि फर्कन्छ भन्ने उखान छ । यस्तै अवस्था भएको छ विद्युत् विधेयकमा पनि । मुलुकको जलविद्युत् विकासका लागि महत्वपूर्ण मानिएको विद्युत् विधेयक २०६५ मा तत्कालीन मन्त्रिपरिषद्ले पारित गरेर संसद् पुगेको थियो । तत्कालीन संसद्मा लामो समयसम्म छलफल पनि भयो । तर, सरकार र संसद् दुवैले उच्च महत्व नदिँदा अघि बढ्न सकेन । ऊर्जा, जलस्रोत तथा सिँचाइ मन्त्रालयका सहप्रवक्ता गोकर्णराज पन्थका अनुसार १८ असारमा ऊर्जा मन्त्री वर्षमान पुनको तर्फबाट संसद् सचिवालयमा यो विधेयक दर्ता भइसकेको छ । असार १८ गते नै सरकारले विजनेस नभएको भन्दै संसद्को वर्षे अधिवेशन अन्त्य गरेको थियो । वैशाख पहिलो साता मन्त्रिपरिषद्बाट पारित भएको विधेयक ढिलो गरी संसद् पुगेको छ ।

527
प्रकाश लम्साल
बिहिवार, असार २५, २०७७

बहुप्रतिक्षित काठमाडौं—निजगढ प्रस्तावित द्रुतमार्ग आयोजनाको लागत र निर्माण पूरा हुने समय बढ्दै गएको छ । नेपाली सेनाले निर्माणको जिम्मा लिए पनि आयोजनाको अवस्था अन्य सरकारी आयोजनाभन्दा फरक छैन । नेपाल सरकारले तत्कालीन समयमा यसमा भएका चलखेल रोक्न र आयोजना निर्माण तोकिएकै समयमा सम्पन्न हुने विश्वासका आधा।मा नेपाली सेनालाई जिम्मा दिएको थियो । राष्ट्रिय गौरवको आयोजनामा पछिल्लो समय सेनाले प्राथमिकता नै नदिएको देखिएको छ र यसका कारण लागत तथा समय दुवै बढ्ने देखिएको सरोकारवालाको भनाइ छ । सरकारले हस्तक्षेप गर्न नसक्दा सेनाले परम्परागत शैलीमा अन्य आयोजनाजसरी नै यसलाई अगाडि बढाइरहेको छ । तराई–मधेस द्रुतमार्ग आयोजना प्र

946