कारोबार संवाददाता
शुक्रवार, असार २७, २०७६

सरकारले असार १९, २३ र २४ गते गरेका निर्णय सार्वजनिक गरेको छ । सरकारका प्रवक्ता तथा सञ्चार तथा सूचना प्रविधिमन्त्री गोकुल बास्कोटाले बिहीबार पत्रकार सम्मेलन गरेर मन्त्रिपरिषद्का निर्णय सार्वजनिक गरेका हुन् । प्रवक्ता बास्कोटाका अनुसार सर्लाही घटनाका मृतक सरोजनारायण सिंहको परिवारलाई राहतस्वरूप १० लाख रूपैयाँ उपलब्ध गराउने निर्णय गरिएको छ । त्यस्तै आन्दोलनका क्रममा घाइते भएकाहरूको सरकारी अस्पतालमा उपचार गराएको खर्चको प्रमाणित बिलबापतको रकमसमेत उपलब्ध गराउने निर्णय भएको छ ।

498
कारोबार संवाददाता
शुक्रवार, असार २७, २०७६

नयाँ संघीय संरचनाअनुसार स्थापना भएका म्याग्दीका स्थानीय तहमा बैंकिङ पहुँच विस्तार भएको छ । म्याग्दीका स्थानीय तहका केन्द्रहरूमा विभिन्न बैंक तथा वित्तीय संस्थाले शाखा विस्तार गरेपछि दुर्गमका बस्तीमा सहज भएको छ । स्थानीय तह मार्फत सञ्चालन हुने विकास आयोजनाका उपभोक्ता समिति, व्यापारी, शिक्षक कर्मचारी र सर्वसाधारणलाई बैंकिङ सुविधाका लागि सदरमुकामसम्म धाउनुपर्ने समस्या हटेको छ । नयाँ संरचनाअनुसार आर्थिक गतिविधि, ब्यापार विस्तार र बजारीकरण हुन थालेपछि बैंक तथा वित्तीय संस्थाले ग्रामीण क्षेत्रमा शाखा विस्तार गरेका थिए ।

441
कारोबार संवाददाता
शुक्रवार, असार २७, २०७६

मनाङको ङिस्याङ गाउँपालिका–४, हुम्डेस्थित मस्र्याङ्दी नदिमाथि निर्माणाधीन मोटरेबल पुल भत्किएको छ । तीन वर्षअघिबाट निर्माण सुरु भएको पुल करिब ७० प्रतिशत काम सकिएपछि भत्किएको हो ।

846
अमरराज आचार्य
शुक्रवार, असार २७, २०७६

घोराही उपमहानगरपालिकाको न्यायिक समितिमा सबैभन्दा बढी जग्गा विवादका मुद्दा परेका छन् । आर्थिक वर्ष ०७५-७६ असार २५ सम्ममा जग्गा विवादका ६९ वटा मुद्दा परेको न्यायिक समितिले जनाएको छ । यसरी परेका मुद्दामध्ये ३० वटा मिलापत्र भइसकेको र ३९ वटा प्रक्रियामा रहेको न्यायिक समितिका संयोजक एवं घोराही उपमहानगरपालिका उपप्रमुख सीता सिग्देल न्यौपानेले जानकारी दिइन् ।

426
कारोबार संवाददाता
शुक्रवार, असार २७, २०७६

भीरकोट नगरपालिकाले नगर क्षेत्रका सफल व्यवसायी कृषकलाई प्रोत्साहन स्वरुप अनुदान वितरण गरेको छ । भीरकोट नगरभित्र विभिन्न व्यवसाय गरेका सफल व्यवसायी कृषकलाई अनुदान प्रदान गरेको हो । नगरपालिकाले बाख्रा फार्म सुधार कार्यक्रमअन्तर्गत १४ कृषकलाई १० हजारका दरमा १ लाख ४० हजार, ५ वटा बाख्रा फार्मलाई प्रजनन योग्य ५ वटा बोका अनुदानमा वितरण गरेको छ ।

542
लक्ष्मीप्रसाद सापकोटा
शुक्रवार, असार २७, २०७६

पर्वतको फलेबास नगरपालिका–११ मा पर्ने सानो गाउँ कर्नासमा यस वर्ष सवा करोड मूल्य बराबरका काँक्रोको बीउ उत्पादन गरेका छन् । व्यावसायिक रूपमा बीउ उत्पादन गर्दै आएका १ सय घरधुरीले १ करोड २० लाखभन्दा बढी मूल्य पर्ने काँक्रोको बीउ उत्पादन गरेका हुन् । दशक अघिदेखि नै बीउ उत्पादन गर्दै आएका कर्नासमा कृषकले खेतमा फलाउने सुनजस्तै पहेँला काँक्रोकै कारण ‘सुन फलाउने गाउँ’ को रूपमा परिचित छ । कर्नासका कृषकले यस वर्ष ४ टनभन्दा बढी काँक्रोको बीउ उत्पादन गरेको स्थानीय कृषक बाबुराम भुसालले जानकारी दिए । गत वर्ष झण्डै ५ टन उत्पादन गरेपनि अहिले ४ टन उत्पादन भएको उनको भनाइ छ ।

501
कारोबार संवाददाता
बिहिवार, असार २६, २०७६

यी लोकभाकाले भने जस्तै माहोल छ तराई र पहाडका गाउँघरमा । ‘मानो खाएर मुरी उब्जाउने’ महिना हो असार । मध्यअसारको चर्को घाम । क्षणभरै दर्किने पानी । चारैतिर हरियाली । खेतवारीमा केटाकेटी र वृद्धवृद्धा । ८२ वर्षीया जसोदा गौतम धानको बीउ उखेल्न ब्यस्त छिन् । फुङलिङ नगरपालिका–७ की गौतमलाई न घाम न पानी । क्षण–क्षणको परिवर्तित मौसमले (घामपानी) उनको व्यस्तता रोकिएको छैन । धानको ब्याडमा टुक्रुक्क बसेकी गौतम हाँस्दै भन्छिन्, “नानी ! असारको झरिले मरिँदैन । असारको पानी त अमृत हो ।” अलिक सिपालुलाई मात्र धानको बीउ काढ्न ब्याडमा पठाउने चलन हुन्छ ।

559
कारोबार संवाददाता
बिहिवार, असार २६, २०७६

सामान्य वर्षामै विराटनगर जलमग्न भएको छ । बुधबार बिहान परेको वर्षाका कारण विराटनगरका अधिकांश क्षेत्र डुबानमा परेको छ । विराटनगरमा ढल र नालासहितको सडक निर्माण भइरहेको छ । सडक विस्तारका क्रममा बजार क्षेत्रका अधिकांश सडक भत्काइएको छ । जसका कारण पानीले निकास नपाउँदा बजारसहित भित्री वस्ती डुबानमा परेको हो । एसियाली विकास बैंक एडीवीको आर्थिक सहयोगमा सडक विस्तार भइरहेको छ । तर, महानगरपालिकाले अनुगमन नगर्दा ठेकेदार पक्षले ढल, नाला र सडकको निर्माण अत्यन्तै सुस्त गतिमा भइरहेको छ ।

1002
कारोबार संवाददाता
बिहिवार, असार २६, २०७६

गल्याङ नगरपालिका–१० लाखुडाँडाका कृषकले पखेरा बारीका झाडी फाँडेर बाँझो जग्गामा सामूहिक टिमुरखेती सुरु गरेका हुन् । साढे १ हेक्टर बाँझो जग्गालाई सदुपयोग गर्दै टिमुरखेती सुरु गरिएको हो । स्थानीय लिला सारुले बाँझो जग्गाको सदुपयोग पनि हुने र आर्थिक उपार्जनसमेत गर्न सकिने भएकाले सामूहिक टिमुरखेतीमा लागेको बताइन् । स्थानीय ५० घरधुरीले देवीभञ्याङ टिमुर व्यावसायिक कृषि समूह गठन गरी सामूहिक टिमुरखेतीमा लागेका हुन् ।

927
कारोबार संवाददाता
बिहिवार, असार २६, २०७६

बर्दियाको गुलरिया नगरपालिकाको नगरसभामा जनप्रतिनिधिले पाउने पारिश्रमिक नगरको विकासमा लगाउन प्रस्ताव दर्ता भएको छ । जनप्रतिनिधिले कर्मचारी सरह तलब सुविधा लिँदा जनताप्रति जनविश्वास हराउँदै गएको भन्दै गुलरिया नगरपालिका–७ का निर्वाचित वडासदस्य विनयराज भण्डारीले पारिश्रमिक रकम नगरको विकासमा लगाउन प्रस्ताव दर्ता गरेका हुन् ।

348
कारोबार संवाददाता
बिहिवार, असार २६, २०७६

इलाम रोङ गाउँपालिका–४ पहरी गाउँका खड्ग बारुङ राई आजकल घरमै बसीबसी मनग्य आम्दानी गर्छन् । युवा अवस्थाको आधा उमेर विदेशमै बिताएका उनी बाँसका सजावट सामग्री निर्माण गरेर आम्दानी गर्न थालेका हुन् । राईलाई विदेशबाट घर फिर्दा गाउँमै कुनै आयमूलक काम गरिएला भन्ने लागेकै थिएन ।

423
मीनकुमार नवोदित
बुधवार, असार २५, २०७६

तरकारीसहित खाद्यन्नको विषादी परीक्षण गर्नका लागि प्रदेश–१ सरकारले विराटनगरमा प्रविधियुक्त प्रयोगशाला सञ्चालनमा ल्याएको छ । केही समयअघि नेपाल सरकारले विषादी परीक्षण नगरिएका भारतीय तरकारी र फलफूलको आयात रोक्ने निर्णय गरेको थियो । तर, निर्णय गरेको केही दिनपछि नै सरकारले परीक्षण नगरिएका तरकारीसहितका खाद्यवस्तु आयात गर्न दिने निर्णय गरेको थियो । जुन निर्णयको चौतर्फी विरोध भइरहेको छ ।

1082
मेगराज खड्का
बुधवार, असार २५, २०७६

रुकुम पश्चिम चौरजहारी नगरपालिका–४, की कृष्णा राणा हिजोआज बुटिक तालिममा व्यस्त छिन् । बुटिक तालिम भएका कारण निकै झन्झटिलो पनि छ जसका कारण दिनभर सियोधागोसँगै आँखा डुलाउनुपर्छ । शुरुमा काम थाल्दा जसरी उनलाई झन्झटिलो महसुस हुन्छ तर साँझ कपडामा सुन्दर बुट्टा भरेपछि त्यसको दोब्बर बढी आनन्द पनि आउँछ ।

503
कारोबार संवाददाता
बुधवार, असार २५, २०७६

सरकारले ‘खोलौँ बैंक खाता’ अभियान सञ्चालन गरेको तीन महीना पूरा भइसक्दा पनि म्याग्दीका ग्रामीण क्षेत्रका जनतासम्म यो पुग्न सकेको छैन । ‘समृद्धिसँग जोडौँ नाता, हरेक नेपालीको बैंक खाता’ भन्ने नाराका साथ सरकारले वैशाख एक गतेदेखि शुरु गरेको यो अभियानलाई सरोकारवालाले बेवास्ता गर्दा ग्रामीण भेगका जनता यसबाट लाभान्वित हुन सकेको छैन ।

369
कारोबार संवाददाता
बुधवार, असार २५, २०७६

संरक्षण अभावमा भोजपुरको त्रिभुवनपार्क अलपत्र परेको छ । भोजपुरको स्थानीय टुँडिखेलमा २०५० सालमा स्थापना भएको त्रिभुवन पार्क संरक्षणको पर्खाइमा अलपत्र बनेको हो । जिल्ला समन्वय समिति भोजपुरको मातहतमा रहेको त्रिभुवनपार्क संरक्षणमा जिससको समेत ध्यान पुगेको छैन । २०५० सालमा भोजपुरमा स्थापना भएको त्रिभुवनपार्कमा राजा त्रिभुवन, रामप्रसाद राई र नारदमणि थुलुङको मूर्ति स्थापना गरिएको छ ।

445