कारोबार संवाददाता
बुधवार, भदौ १८, २०७६

रगत अभावका कारण अकालमा ज्यान गुमाउन परेको भन्दै संखुवासभाका महिला ब्लडबैंक स्थापना गर्न लागिपरेका छन् । बर्सेनि दर्जन बढी बिरामीले समयमै रगत नपाउँदा ज्यान गुमाउनु परेको भन्दै महिलाहरू ब्लडबैंक स्थापना गर्न कम्मर कसेर लागिपरेका हुन् । महिलाहरूले रेडक्रस श्रृर्जनशील रक्त सञ्चार सेवा केन्द्र नामबाट ब्लडबैंक स्थापनाका लागि बैंक खातामार्फत सहयोग संकलन गरिरहेको श्रृजनशील सामुदायिक विकास केन्द्र संखुवासभाकी अध्यक्ष राधादेवी बस्नेतले बताइन् ।

508
कारोबार संवाददाता
बुधवार, भदौ १८, २०७६

गण्डकी प्रदेश सरकारले आन्तरिक भ्रमण वर्ष र संघीय सरकारले नेपाल भ्रमण वर्ष २०२० मनाउने घोषणा गरिरहेका छन् । दुवै पर्यटन वर्षलाई मध्यनजर गर्दै पर्यटकीय पूर्वाधारहरु धमाधम निर्माण भइरहेका छन् । गत आर्थिक वर्षदेखि पर्वतमा झण्डै एक दर्जन भन्दा बढि पदमार्ग र ४८ स्थानमा होमस्टे सेवा निर्माण भएका छन् ।

411
कारोबार संवाददाता
बुधवार, भदौ १८, २०७६

महिनाको ४० हजार रुपैयाँ भाडा लाग्ने सरकारी कार्यालय छ, अधिकृत नेतृत्वमा सरकारी कर्मचारी छन्, तर जिल्लाको बर्दिवासमा चार वर्षअघि स्थापना भएको नापी कार्यालयबाट जनताले भने सेवा पाउन सकेका छैनन् । नापीलाई सघन जनसरोकारको कार्यालय मानिए कार्यालयका १५ कर्मचारी कामविहीन छन् ।

482
रोशन थापा
बुधवार, भदौ १८, २०७६

संघीय संसद्ले संसदीय समितिका सभापतिहरूका लागि खरिद गरेको गाडीमा गुणस्तरहीन पार्टपुर्जा प्रयोग भएको ठहर भएको छ । संसदीय समितिका सभापतिहरूका लागि किनिएका गाडी एक महिनामै बिग्रिएपछि छानबिन गर्न गठित समितिले यस्तो प्रतिवेदन तयार पारेको हो । छानबिन समितिले सो प्रतिवेदन मंगलबार प्रतिनिधिसभाका सभामुख कृष्णबहादुर महरालाई बुझाएको छ ।

502
कारोबार संवाददाता
मंगलबार, भदौ १७, २०७६

धनगढी उपमहानगरपालिकाले मापदण्ड मिचेर सडकमै मनोरञ्जनका लागि भौतिक संरचना बनाएर सडक साँघुरो पारेको छ । धनगढी उपमहानगरपालिका–१, पार्कमोडबाट रंगशाला जाने सडकलाई साँघुरो पारेर नगरपालिकाले सन्ध्याकालीन कार्यक्रम आयोजना गर्नका लागि मञ्च बनाइरहेको हो । धनगढी उपमहानगरपालिका प्रमुख नृपबहादुर वडले पार्कमोड क्षेत्रमा विभिन्न संरचना निर्माण गरी मोटरेबल सडकलाई पैदलमार्ग बनाउन लागेको बताए ।

508
गोपाल पोखरेल
मंगलबार, भदौ १७, २०७६

उदयपुरको रौतामाई गाउँपालिकाले बाढीपहिरो प्रभावित क्षेत्रको पहिचानमा एकरूपता कायम गर्न सबै बाढीपहिरो पीडितलाई रातो रंगको जस्तापाता वितरण गर्ने भएको छ । गाउँपालिकाको बैठकले बाढीपहिरोले पूर्ण प्रभावित भएका बासिन्दाको पहिचानमा सहजता ल्याउन यस्तो निर्णय गरेको हो । बाढी पहिरोका कारण घर पूर्णरूपले क्षति भई पुनर्निर्माण गर्नुपर्ने अवस्थाका परिवारलाई रातो रंगको जस्तापाता वितरणको तयारी गरिएको अध्यक्ष गजेन्द्रबहादुर खड्काले बताए ।

397
कारोबार संवाददाता
मंगलबार, भदौ १७, २०७६

कर्णालीमा गत आवको भौतिक तथा वित्तीय प्रगति लक्ष्यअनुसार हुन सकेन । विकास निर्माणका योजना पनि समयमै सञ्चालन नहुँदा गुणस्तरहीन भएको गुनासो खेप्नु प-यो । कर्णाली सरकारका प्रवक्ता तथा कृषिमन्त्री विमला केसीले सार्वजनिक खरिद ऐन संशोधन नभएकै कारण लक्ष्यअनुसार विकास नभएको उल्लेख गरिन् । उनका अनुसार सार्वजनिक खरिद ऐन २०७३ को परिच्छेद ३ मा बोलपत्र आह्वानसम्बन्धि व्यवस्थाअनुसार टेन्डर हेर्दा ३५ दिने सूचना निकाल्नु पर्छ । जसले विकास निर्माणपछि धकेलिन्छ ।

508
कारोबार संवाददाता
मंगलबार, भदौ १७, २०७६

उदयपुरको पहाडी क्षेत्रका किसानले लगाएको बाली अमेरेकी फौजी किराले नष्ट गरेको छ । किसानले लगाएको मकै तथा तरकारी बालीमा फौजी किराको प्रकोप बढेपछि किसान चिन्तित भएका छन् । कटारी नगरपालिका क्षेत्रबाट भित्रिएको फौजी किराको प्रकोप नगरपालिकाको लेखानी, हर्देनी मंयाखु, सिरिसे, सोरुङछबिसे हुँदै ताप्ली र लिम्चुङ्बुङ गाउँपालिका आसपासका क्षेत्रमा फैलिएको छ ।

1372
सागर परियार
मंगलबार, भदौ १७, २०७६

वि.सं २०६६ मा सुरु गरिएको धौलीगाड बृहत् खानेपानी आयोजना अहिलेसम्म निर्माण हुनसकेको छैन । झण्डै १२ वर्षदेखि बृहत् खानेपानी योजना अलपत्र अवस्थामा छ । आयोजना सुरु गरिएको १२ वर्ष बितिसक्दा पनि अहिलेसम्म च्याम्बर, इन्टेक र पर्खाल निर्माणबाहेक अन्य काम हुनसकेको छैन ।

545
कारोबार संवाददाता
मंगलबार, भदौ १७, २०७६

उनको काम गार्ईबस्तु स्याहार्नु हो । त्यसैले कर्मको आधारमा असली गोठालो हुन् उनी । लेकाली क्षेत्रमा बस्ने उनको लवाइ पनि सामान्य नै छ । तर, नेपाली यी गोठालोले भारतको दार्जिलिङमा समेत सम्पत्ति(घर) जोडिसकेका छन् । साथै उनका दुईवटा गाडीसमेत छ । इलामको पुवामझुवामा जन्मिएका जगतबहादुर रार्ईलाई धेरैले इलामे रार्ईको भनेर चिन्छन् । सूर्योदय नगरपालिका–१ स्थित लामिधुरामा उनको स्थायी बसोबास छ । घरमा दुःख भएपछि करिब १० वर्षकै उमेरदेखि अर्काको घरमा गोठालो बसेका रार्ई बिभिन्न ठाउँमा अर्काको काम गर्दा गर्दै २०५३ सालबाट मात्र स्थायीरूपमा बसोबास गर्न थालेका छन् । लेकमा गार्ईपालन गरेर नै उनी लखपती बनेका हुन् । इलामे इलम, दुःख र संघर्षले सफल भएका हुन् ।

957
कारोबार संवाददाता
सोमवार, भदौ १६, २०७६

भूमि व्यवस्था, सहकारी तथा गरिवी निवारण मन्त्री पद्माकुमारी अर्यालले विकासका बाधकलाई सरकारले निस्तेज पार्ने बताएकी छिन् । उनले काम नगर्ने ठेकेदारका दिन समाप्त भएकोसमेत बताइन् । ‘सम्झौता गरेर काम नगर्ने, होल्ड गर्ने, समयमै नसक्ने ठेकेदार कालो सूचीमा पर्छन्’ उनले भनिन्, ‘सरकारले सार्वजानिक खरिद ऐन संसोधन गर्दै नयाँ गति र नीतिका साथ अगाडि बढेको छ ।’

429
कारोबार संवाददाता
सोमवार, भदौ १६, २०७६

पूर्व नवलपुरको एक विद्यालयमा खोलाको बाढी पसेपछि पठनपाठन अवरुद्ध भएको छ । पूर्व नवलपुरको पहाडी क्षेत्र बुलिङटार गाउँपालिका–१, ढाडबेंसीमा रहेको जनजागृति माविमा खोलाको बाढी पसेपछि पठनपाठन अवरुद्ध भएको हो ।

361
सागर परियार
सोमवार, भदौ १६, २०७६

कर्णाली प्रदेशका भूमि व्यवस्था तथा कृषि सहकारीमन्त्री विमला केसीले कर्णालीलाई एप्पल जुसमा आत्मनिर्भर बनाइने प्रतिबद्धता गरिन् । उनले कर्णालीमा कोक, फ्यान्टा, बियरलाई विस्थापित गर्दै स्याउको जुस, स्याउको वाइनमा आत्मनिर्भर बनाउने सरकारले विशेष योजना अघि सारेको उल्लेख गरिन् । गर्मी हुँदा कोक फ्यान्टा, फ्रुटी होइन, अब घरघरमा एप्पल जुस पु¥याउने सरकारको लक्ष्य लिएको समेत बताइन् ।

618
कारोबार संवाददाता
सोमवार, भदौ १६, २०७६

लमजुङको उत्तरी क्षेत्र हुँदै मनाङसम्म पुग्ने सडक फेरि पनि अवरुद्ध भएको छ । बेंसीसहर नगरपालिका र मस्र्याङ्दी गाउँपालिका सिमानामा पर्ने भलामखोला रहेको बेलीब्रिज भत्किएपछि सडक अवरुद्ध भएको हो ।

316
कारोबार संवाददाता
सोमवार, भदौ १६, २०७६

महिला एवं बालबालिकाको पहलमा सुरु गरिएको गोदावरी खोला क्षेत्र सरसफाइ साप्ताहिक अभियानको २६आंै हप्तामा तीजको रौनकसँगै सरसफाइ कार्यक्रम सम्पन्न भएको छ । विद्यार्थी, प्रहरी, समाजसेवी र स्थानीय बासिन्दाको उपस्थितिमा, गोदावरी, नयाँबाटो, टुपीखेलघाट वरिपरिको सरसफाइ कार्यक्रममा तीजको शुभकामना आदानप्रदान तथा नाचगानसमेत गरिएको थियो ।

442