कारोबार संवाददाता
मंगलबार, जेठ ७, २०७६
312

नेपालका लागि निशान मोटर्सद्वारा उत्पादित गाडीहरुको आधिकारिक बिक्रेता पायोनियर मोटो कर्प प्रालिले बजेट भाषण अगावै आफ्ना ग्राहकहरुलाई निशानका गाडीहरु किन्न आह्वान गर्दै “प्रि बजेट अफर” लिएर आएको छ । यो अफर मार्फत निशानका गाडीहरुको खरिद गर्दा नगद लाभ उठाउन सकिने कम्पनीले जनाएको छ ।
निसानको माइक्रा एक्टिभको खरिदमा ३ लाख १ हजार बराबरको लाभ उठाउन सकिने भन्दै कम्पनीले सन्नीमा ३ लाख ६ हजारसम्म लाभ उठाउनका साथै किक्सको खरिदमा १ लाख ९८ हजारसम्म लाभ उठाउन सकिने जनाएको छ । त्यस्तै अति रुचाइएका निशानका नभारा र एक्स ट्रायलमा ५ लाख ३७ हजार र ७ लाख २७ हजारसम्म लाभ उठाउन सकिने बताएको छ । कम्पनीका अनुसार यो अफर स्टक सीमित रहँदासम्म नेपालका सबै शोरुमहरुमा लागु हुनेछ ।