सिप्रदीको रोड सेफ्टी फेन्सी ड्रेस प्रतियोगिता «

सिप्रदीको रोड सेफ्टी फेन्सी ड्रेस प्रतियोगिता

टाटा मोटर्सको नेपालको लागि आधिकारिक बिक्रेता सिप्रदी ट्रेडिङले विद्यार्थी, शिक्षक र सञ्चालकहरुलाई सडक सुरक्षा र ट्राफिक नियमका बारेमा सचेत गराउन विभिन्न क्रियाकलापहरूमार्फत् प्रयास गरेको छ । सडक सुरक्षा फेन्सी ड्रेस प्रतियोगिता गत शुक्रबार प्रदर्शनी मार्गमा रहेको राष्ट्रिय सभागृहमा ‘सुरक्षाका लागि पोशाक लगाऔं’ भन्ने नाराका साथ सम्पन्न भयो ।
उक्त कार्यक्रममा सुरक्षा प्रवर्धन गर्ने, विद्यार्थीले कसरी सुरक्षा लिने र उनीहरुले आफ्नो तर्फबाट सुरक्षित रहन के गर्नुपर्छ भनी जानकारी दिइएको थियो । सिप्रदीले यस वर्ष विभिन्न कार्यक्रम सञ्चालन गरी देशभर ६४ हजारभन्दा धेरै विद्यार्थीलाई सचेत गराउन सफल भएको छ ।
कार्यक्रममा पूर्वप्रधानमन्त्री डा. बाबुराम भट्टराईले अहिले सडक सुरक्षा प्रमुख र चिन्तालाग्दो विषय भएको उल्लेख गर्दै हरेक व्यक्ति समान खुवीले समान रुपमा सक्षम रहेको बताए । उनले सबै नेपालीहरुलाई सुरक्षा नियम पालना गर्न र सभ्य बन्न पनि अनुरोध गरे । भट्टराईले बालबालिकाको कलिलो उमेरदेखि नै यो अभियानमार्फत् सुरक्षाप्रतिको धारणा बदल्न सिप्रदीले गरेको प्रयासको पनि प्रशंसा समेत गरे ।
महानगरीय ट्राफिक प्रहरी प्रभागका प्रहरी उपरीक्षक (एसपी) राजकुमार लम्सालले कार्यक्रममा सडक सुरक्षाको सवालले प्राथमिकता पाएकोमा खुसी व्यक्त गरे । केन्द्रीय प्याब्सनका उपाध्यक्ष दिपिका थापाले टाटाले गरेको यो कार्यक्रमले बालबालिकालाई सुरक्षा नियमहरुको पालना गर्न सहयोगी भएको बताइन् ।
सडक सुरक्षाप्रति आफ्नो महत्वपूर्ण पहल देखाउनका लागि १५ वटा विद्यालयहरु प्रतियोगितामा सहभागी थिए । सबै विद्यालयहरुको सुरक्षाको बारेमा आफ्नै नारा थियो र उनीहरुले सुरक्षातर्फ सम्मान देखाउँदै परेड पनि प्रस्तुत गरे । विद्यार्थीहरुले ट्राफिक बत्ती, ट्राफिक कोन, जेब्रा क्रसिङ, परावर्तन हुने ज्याकेट, मादक पदार्थ सेवन गरी सवारी नचलाउने विषयवस्तु समेटिएको घाइते मानिस, हेल्मेट लगाउने लगायतका सन्देश दिने खालका सडक सुरक्षासम्वन्धी सिर्जनशील विचार रहेका पोशाक लगाएका थिए ।
विद्यार्थीहरुले उनीहरुको पोशाक कार्डबोर्ड, चार्टपेपर र विभिन्न खालका फेब्रिकको प्रयोग गरी उनीहरुको विचार र ज्ञानका आधारमा सुरक्षाको विषयमा बनाएको बताए । प्रतियोगितामा रुपि इन्टरनेसनल स्कुलले समग्र सुरक्षा सन्देशमा सर्वोत्कृष्टको पदवी पाउन सफल भयो । त्यस्तै, हेराल्ड बोर्डिङ स्कुल सर्वोत्कृष्ट सुरक्षा परेडको पदवी पाउन सफल भयो । नाइटिंगेल स्कुलका स्वर्ण सिंह (कक्षा ७) सबैभन्दा सिर्जनशील कस्ट्युम (ट्राफिक लाइट लगाएको) को विजेता बने भने रुपि इन्टरनेसनल स्कुलका एकता ढकाल (कक्षा ६) लाई सर्वोत्कृष्ट प्रस्तोताको रुपमा छानियो । उनीहरुलाई प्रमाणपत्र, ट्रफी र नगद पुरस्कारले सम्मान गरिएको थियो ।
कार्यक्रममा सिप्रदी ट्रेडिङका सीओओ राजेशप्रसाद गिरीले बसको कुराको पछाडि सुरक्षा हाम्रो नियन्त्रणमा भएको सबैले सुरक्षा नियमको पालना गर्नुपर्ने र कुनै पनि अनिश्चितताबाट आफूलाई जोगाउन सुनिश्चित गर्नुपर्ने मान्यता भएको बताए । कार्यक्रम विद्यार्थीलाई सचेत बनाउन र सुरक्षित समुदायप्रति उनीहरुको धारणा विस्तार गर्न निकै सफल भएको कम्पनीको भनाइ छ ।

प्रतिक्रिया दिनुहोस्