एनसेल मेला ४ सहरमा हुने «
Logo

एनसेल मेला ४ सहरमा हुने

एनसेलले देशको विभिन्न चार सहरहरूमा यही पुस ८ देखि एनसेल मेला ०७४ को आयोजना गर्ने भएको छ । आफ्ना ग्राहक तथा शुभचिन्तकहरूसँग थप नजिक हुदै खुसियाली साटासाट गर्न र दु्रतगतिको मोबाइल ब्रोडव्यान्ड सेवा लंग टर्म इभोलुसन-फोरजीको अनुभव प्रदान गर्न, एनसेलले पोखरा, विराटनगर, बुटवल र ललितपुरमा एनसेल मेला आयोजना गर्न लागेको हो । यी चारै सहरहरूमा एनसेलले छोटो अवधिमा नै आफ्नो फोरजी सेवा विस्तार गरिसकेको छ । आयोजना हुन गइरेहको मेलामा गेम्स् लगायत सबै मनोरञ्जनात्मक गतिविधिहरू फोरजी थिममा आधारित हुनेछन् र आगन्तुक तथा दर्शकहरूले चर्चित गायक तथा सांगीतिक समूहहरूको प्रस्तुतिहरूबाट भरपुर आनन्द लिन सक्नेछन् । पुस ८ गते पोखराको प्रदर्शनी केन्द्र, नयाँ बजारमा आयोजना गरिनेछ । यो मेला पुस १५ गते विराटनगरको हाटखोलामा, पुस २२ गते बुटवलको सिद्घेश्वरी मैदान, दीपनगरमा र पुस २९ गते ललितपुरको जावलाखेल मैदानमा आयोजना हुनेछ । यी प्रत्येक सहरमा मेला बिहान ११ बजे शुरु हुनेछ र कन्सर्टसहित साँझ ६.३० सम्म चल्ने कम्पनीले जनाएको छ ।
मेलामा आउने सबै उमेर समूहका दर्शकहरूको मनोरञ्जनलाई ध्यानमा राखी विभिन्न कार्यक्रमहरू समावेश गरिएका छन् । मेलामा प्रवेश निःशुल्क हुनेछ र थुप्रै गेम स्टलहरूमा दर्शकले मनोरन्जन लिनुका साथै विभिन्न पुरस्कारहरू पाउन सक्नेछन् । चर्चित कलाकार तथा सांगीतिक समूहहको प्रस्तुति, गेम स्टलहरू, किडस् जोन र फुड स्टलहरू मेलाका केही विषेश आर्कषणहरू हुन् । स(साना बालबालिकाहरूको गायन प्रतिभा उजागर गर्न मेलामा ‘लिटल नेपाली आइडल’ कार्यक्रमको पनि आयोजना गरिनेछ । मेलाको अरू आकर्षणहरू पेपर प्लेन थ्रो, मिनी गल्फ, फ्रग जम्प र कार रेस जस्ता फोरजी थिममा आधारित गेम्सहरू हुनेछन् भने बालबालिकाहरूका लागि ट्राम्पोलिन, गो कार्ट, टेम्पोररी ट्याटु, डिस्नी प्रिन्सेस् क्यासल र क्यारेक्टरहरूलगायत विविध आकार्षणहरू रहनेछन् ।
आगन्तुकहरूले मेलामा, देशको १९ सहरहरूमा पुगिसकेको एनसेलको फोरजी सेवाको बारेमा पनि थप जानकारी लिनुका साथै विषेश एनसेल फोरजी जोनमा फोरजी चलाएर टेष्ट पनि गर्न सक्नेछन् । दर्शकहरूले मेलामा नै आवश्यक कागजातहरू बुझाई फोरजी सिम खरिद गर्न तथा आफ्नो पुरानो सिमलाई फोरजी सिममा अपग्रेड पनि गर्न सक्नेछन् । मेलामा कलाकारहरू शिव परियार, इन्दिरा जोशी, आषिश राना (लाउरे), सांगीतिक समूहहरूमा कबवेभ, द एज र स्याडोज्ले आफ्नो प्रस्तुतिहरू राख्दै दर्शकलाई मनोरञ्जन प्रदान गर्नेछन् । रोडिज्का विजेता समन श्रेष्ठ र फस्ट रनरअप अनिमेश शाहीले पनि मेलामा भाग लिनेछन् । त्यसैगरी, मेलाको अरु आकर्षणहरूमा फेसबुक ट्यागिङ कन्टेस्ट, ब्लाइण्ड मेकअप, युनिकर्न रिङ् टस जस्ता गेम्सहरू पनि रहनेछन् ।
“हामी सन् २०१७ को बिदाइ नजिक छौ । यो समय भनेको सबै साथीभाइ र परिवारजनसँग खुसीयाली साट्दै नयाँ वर्ष २०१८ को स्वागत गर्ने बेला हो,” एनसेलका प्रमुख कर्मशियल अधिकृत कोकलियोङ यापले भने । “हामीलाई आशा छ सबै जना आ(आफ्ना साथीभाई र परिवारका साथ यो मेलामा सहभागि भई रमाइलो गर्नु हुनेछ । मेलामा चर्चित कलाकारहरूको प्रस्तुतिबाहेक अन्य थुप्रै रमाईला कार्यक्रमहरू पनि समावेश गरिएका छन् । मेलामा आउन नसक्नेहरूले पनि हाम्रो १९ सहरमा फैलिएको फोरजी नेटवर्क मार्फत ‘योण्डर म्युजिक’ र ‘आईफ्लिक्स’ मुभिज्को मजा लिनुहुनेछ भन्ने आशा लिएका छौं । ”

प्रतिक्रिया दिनुहोस्