एनबी बैंकको डेपुटी सीईओमा श्रेष्ठ, एजीएममा देवकोटा «

एनबी बैंकको डेपुटी सीईओमा श्रेष्ठ, एजीएममा देवकोटा

नेपाल बंगलादेश (एनबी) बैंकको उपप्रमुख कार्यकारी अधिकृत (डेपुटी सीईओ)मा सुरेन्द्रभुषण श्रेष्ठ नियुक्त भएका छन् । त्यस्तै, बैंकको सहायक महाप्रवन्धक (एजिएम) मा सुरेश देवकोटा नियुक्त भएका छन् ।
सन् १९९६ मा एभरेष्ट बैंकबाट आफ्नो बैंकिङ करियर सुरु गरेका वरिष्ठ चार्टर्ड एकाउन्टेन्ट (सिए) श्रेष्ठ सन् २०१० मा एनबी बैंकमा डीजीएमको रुपमा प्रवेश गरेका थिए । उनले भारतको इन्ष्टिच्युट अफ चार्टर्ड एकाउन्टेन्ट (आईसीआई) बाट सीए कोर्ष पूरा गरेका छन् ।
श्रेष्ठले वित्तीय क्षेत्र सुधार कार्यक्रमअन्तर्गत नेपाल बैंकको विदेशी व्यवस्थापन टिमको सदस्यको रुपमा जिम्मेवारी निर्वाह गर्नुका साथै विश्व बैंक तथा एसियाली विकास बैंक (एडीबी)अन्तर्गत नेपाल लगायत बंगलादेशमा पनि वित्तीय सुधार कार्यक्रमहरुमा काम गरेका थिए ।
यस्तै, एजीएम सुरेश देवकोटा पनि सीए हुन् । इन्ष्टिच्युट अफ चार्टर्ड एकाउन्टेन्ट्स अफ नेपाल –आइक्यान)बाट सीए कोर्ष पूरा गरेका उनी हाल सोही संस्थाको पार्षदसमेत छन् । देवकोटाले सन् २००५ बाट आफ्नो बैंकिङ करियर सुरु गरेका हुन् ।

प्रतिक्रिया दिनुहोस्