सुनचाँदीको मूल्य घट्यो

काठमाडौं- सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार बिहीबार सुनको मूल्य तीन सय रुपैयाँले घटेर प्रतितोला १ लाख ४९ हजार ३ सय रुपैयाँमा भइरहेकाे छ ।

त्यस्तै, बिहीबार चाँदीको मूल्य पनि घटेको छ । चाँदीको मूल्य तोलामा ३० रुपैयाँ घटेको छ । अघिल्लो दिन १ हजार ८ सय ३० रुपैयाँ रहेको चाँदी यस दिन १ हजार ८ सय कायम भएको छ ।

बिहीबार अन्तर्राष्ट्रिय बजारमा भने सुन प्रतिऔंस २६ सय ३२ अमेरिकी डलरमा कारोबार भइरहेको छ ।