लिट्मस केबल्स र फिटनेस प्रशिक्षक मुलगुठीबीच सम्झौता

काठमाडौं– लिट्मस इन्डस्ट्रिजले फिटनेस प्रशिक्षकसनम मुलगुठीसँग सहकार्य गरेको छ । १५औं वल्र्ड बडीबिल्डिङ एन्ड फिजिक च्याम्पियनसिप २०२४ की रजत पदक विजेता सनमले आफ्नो अतुलनीय समर्पण र लगनशीलता यस सहकार्यमार्फत ल्याउने अपेक्षा गरिएको छ ।

लिट्मस केबल्सले नेपाली फिटनेस तथा बडीबिल्डिङको क्षेत्रलाई नयाँ उचाइ प्रदान गर्ने सनमसँग हात मिलाउँदै सम्पूर्ण नेपालीलाई व्यक्तिगत विकास र सबल र उज्यालो नेपाल निर्माणमा उत्कृष्टता हासिल गर्न प्रेरित गर्ने उद्देश्य राखेको छ । यो सहकार्य दृढता र प्रगतिको लागि समर्पित दुई शक्तिहरूको एकता पनि हो ।

लिट्मस इन्डस्ट्रिजकी मार्केटिङ तथा बिजनेस डेभलप्मेन्ट निर्देशक साक्षी गुप्ताले सनमको अटल समर्पणजस्तै कम्पनीका हरेक तार र केबलले भरोसा र सबलताको आधार निर्माण गरेको दावी गरिन् । लिट्मससँग सहकार्यले बल, विश्वास र दृढताको साथ ठूला उपलब्धि हासिल गर्न सकिन्छ भन्ने प्रेरणा मिलेको सनमले बताइन् ।