यतीले एटिआर ७२–५०० विमान थप्यो «

यतीले एटिआर ७२–५०० विमान थप्यो

यती एयरलाइन्सले विमान संख्या थपेको छ । एयरलाइन्सले पाँचौं एटिआर–७२–५०० विमान ल्याएको छ । नेपाली ९ एन–एएनजी कलसाइन(नेपाली रजिष्ट्रसन् नम्बर) रहेको विमानको उत्पादन क्रम संख्या एमएस एन–७४० छ ।
उक्त विमान शनिबार थाइल्यान्डको राजधानी बैंककबाट उडेर दिउँसो १ः३० बजे त्रिभुवन अन्तर्राष्ट्रिय विमानस्थलमा अवतरण गरेको एयरलाइन्सले जनाएको छ । नेपाल भ्रमण वर्ष–२०२० मा सरकारले लिएको २० लाख पर्यटक भिœयाउन थपिएको विमानले सहयोग पुग्ने विश्वास यती एयरलाइन्सले लिएको छ । विमानको सिट क्षमता ७२ छ ।
थपिएको विमानबाट एयरलाइन्सले तराईका क्षेत्रमा उडान भर्ने छ । एटिआर ७२–५०० फ्रान्सेली–इटालियन कंसोर्टियम एटिआरद्वारा निर्मित ट्वीन इन्जिन टर्बोप्रोप विमान हो । यसको सर्वश्रेष्ठ निर्माण र प्रदर्शनका कारण एटिआर–७२ विमान विश्वमै सबैभन्दा सफल क्षेत्रीय क्यारियर बनेको छ । यी उच्च प्रविधि युक्त इन्जिन र प्रोपेलरहरु उत्कृष्ट प्रदर्शन, इन्धन बचत, उल्लेखनीय ध्वनिको कमी र कम ग्रीन हाउस ग्यास उत्सर्जन जस्ता विशेषता एटिआरको छ ।
यती एयरलाइन्सले सन् १९९८ देखि आफ्नो उडानको सुरुवात गरेको हो र यतीसँग हाल थपिएको एटिआरसहित पाँच एटिआर७२–५०० र जेट स्ट्रिम–४१ विमान ५ गरी १० विमान छन् । यतीको भगिनी संस्थातारा एयरको डोर्नियर–२२८ र ४ ट्विनअटर छन् ।

 

प्रतिक्रिया दिनुहोस्