हुण्डाइले तमिलनाडुमा २० हजार करोड रुपैयाँ लगानी गर्ने

दक्षिण कोरियाली अटो कम्पनी ‘हुण्डाइ’ ले भारतको तमिलनाडु राज्यमा आफ्नो दीर्घकालीन लगानी योजना घोषणा गरेको छ । कम्पनीले १० वर्ष (सन्२०२३ देखि २०३२) को अवधिमा चरणबद्ध रूपमा २० हजार करोड रुपैयाँ लगानी गरेर विद्युतीय सवारी साधनहरू र वाहन प्लेटफर्मको आधुनिकीकरणमा थप प्रवेश गर्ने जनाएको छ ।

हुण्डाइ मोटर इन्डियाका एमडी तथा सीईओ अन्सु किम र तमिलनाडु गाइडेन्सका आईएएस, एमडी तथा सीईओ भी विष्णुबीच तमिलनाडुका मुख्यमन्त्री एमके स्टालिनको उपस्थितिमा हस्ताक्षर भएको थियो । कार्यक्रममा वरिष्ठ अधिकारीहरूको पनि उपस्थिति थियो । उन्सू किमले भने, “हाम्रो दीर्घकालीन दृष्टिकोणको एक भागको रूपमा, हामीले तमिलनाडुलाई भारतमा हुण्डाईको विद्युतीय सवारी उत्पादनको आधारको रूपमा विकास र स्थापना गर्ने योजनालाई अन्तिम रूप दिएका छौं ।

यसले हामीलाई हाम्रो पोर्टफोलियोलाई सुदृढ गर्न र हाम्रा गाडीहरूमा उत्कृष्ट सुविधाहरू र प्रविधिहरू प्रदान गर्न मद्दत गर्नेछ जसले हाम्रो ग्राहकको आकांक्षालाई पूरा गर्नेछ ।” कोरियाली अटो निर्माताले तमिलनाडु सरकारको विद्युतीय गतिशीलतातर्फ राज्यको दिगो प्रणाली निर्माण गर्ने दृष्टिकोणको रणनीतिक साझेदार बन्ने लक्ष्य राखेको छ ।

हुण्डाईले एक लाख ७८ हजार ब्याट्रीहरू जम्मा गर्न वार्षिक क्षमताको ब्याट्री प्याक एसेम्बली इकाई स्थापना गर्नेछ । पाँच वर्षको अवधिमा प्रमुख राजमार्गहरूमा प्रमुख स्थानहरूमा १०० ईभी चार्जिङ स्टेशनहरू स्थापना गर्नेछ । यसमा ५ डुअल अल्ट्रा फास्ट चार्जिङ स्टेसनहरू (डीसी १५० किलोवाट प्लस डीसी ६० किलोवाट) सिंगल फास्ट चार्जिङ स्टेशनहरू (डीसी १५० किलोवाट) र ८५ एकल फास्ट चार्जिङ स्टेशनहरू (डीसी ६० किलोवाट) समावेश छन् ।

हुण्डाई मोटर इन्डियाले कुल उत्पादन मात्रालाई वार्षिक ८ लाख ५० हजार युनिटमा पु¥याउनेछ र श्रीपेरुम्बुदुरमा रहेको आफ्नो कारखानाबाट नयाँ विद्युतीय र आईसीई सवारी साधनहरू उत्पादन गर्नेछ ।