Logo

रास्वपाका मन्त्री सरकारबाट बाहिरिए, समर्थन कायमै

राष्ट्रिय स्वतन्त्र पार्टी (रास्वपा)ले सरकारबाट बाहिरिने निर्णय गरेसँगै उक्त पार्टीका मन्त्रीहरूले राजीनामा बुझाएका छन् ।

श्रम, रोजगार तथा सामाजिक सुरक्षामन्त्री डोलप्रसाद अर्याल, शिक्षा, विज्ञान तथा प्रविधिमन्त्री शिशिर खनाल र स्वास्थ्य तथा जनसंख्या राज्यमन्त्री डा. तोसिमा कार्कीले आइतबार साँझ बालुवाटार पुगेर प्रधानमन्त्री दाहालसमक्ष राजीनामा बुझाएका हुन् । आइतबार बिहान बसेको रास्वपाको बैठकले मन्त्रीहरू फिर्ता हुने निर्णय गरेको थियो । मन्त्री फिर्ता बोलाए पनि रास्वपाले सरकारलाई दिएको समर्थन भने फिर्ता लिएको छैन ।

नागरिकता मुद्दामा सर्वोच्च अदालतबाट सांसद पद खारेज गरिएका रास्वपाका सभापति लामिछानेले केही दिनदेखि नै गृह मन्त्रालय पाउनुपर्ने अडान राख्दै आए पनि सत्ता घटक प्रमुख दलहरू तयार नहुँदा उनको पार्टीका मन्त्रीहरू सरकारबाट बाहिरिएका हुन् ।

प्रतिक्रिया दिनुहोस्