आज ९ अंकले घट्यो शेयर बजार «

आज ९ अंकले घट्यो शेयर बजार

हिजो ३२ दशमलव ७२ अंकले बढेको शेयर बजार आज घटेको छ । बजार घटे पनि कारोबार रकम भने बढेको छ । शेयर बजार परिसूचक नेप्से आज नौ दशमलव शून्य एक अंकले घटेर दुई हजार एक सय ७३ दशमलव १० विन्दुमा झरेको छ ।

आज जलविद्युत्, विकास बैंक र म्युचल फन्डबाहेक अरू सबै समूहको शेयर घटेकोमा माइक्रोफाइनान्स, बीमा र होटल समूहको शेयर उच्च अंकले ओरालो लागेको छ । आज दुई सय ४८ वटा कम्पनीका एक करोड ३३ लाख चार हजार कित्ता शेयर चार अर्ब ९२ करोड ८३ लाख रुपैयाँमा कारोबार भएका छन् ।

सबैभन्दा धेरै रिडि हाइड्रोको ३५ करोड ७८ लाख र अपी पावर कम्पनीको १९ करोड ७६ लाख रुपैयाँको शेयर किनबेच भयो । यस्तै आज साल्ट ट्रेडिङ कर्पोरेशनको शेयर झन्डै आठ प्रतिशत तथा सिँगटी हाइड्रो र मिथिला लघुवित्तको शेयर छ प्रतिशतभन्दा धेरैले घटेको छ । समग्रमा बजार घटे पनि पिपुल्स हाइड्रोपावर कम्पनी, बाराही हाइड्रो, ग्रीन भेन्चर्स कम्पनी र हिमालयन ठ्उऊ विकास कम्पनीको शेयर १० प्रतिशतले बढेको छ ।

प्रतिक्रिया दिनुहोस्