जल निकासीका लागि ‘मंगलम प्रोड्रेन पाइप’ उत्तम «

जल निकासीका लागि ‘मंगलम प्रोड्रेन पाइप’ उत्तम

घर बनाउँदा जग जति महत्त्वपूर्ण हुन्छ, घरको ड्रेनेज सिस्टम पनि उत्तिकै महत्त्वपूर्ण हुन्छ । घरको ड्रेनेज सिस्टमको काम भनेको घरको शौचालय, बाथरुम, सिंक आदि बाट निक्लिने फोहोर पानीलाई ढलको प्रणालीमा विसर्जन गर्नु तथा वर्षामा जम्मा हुने आकाशे पानी संकलन वा निकास गर्नु हो । उचित ढल निकास प्रणालीको अभावले भवन भत्किने, भित्ताहरूमा पानी रसाउने जस्ता धेरै समस्याहरू निम्त्याउन सक्छ । उचित ड्रेनेज प्रणालीले पानीबाट निम्तिन सक्ने क्षति र त्यसबाट स्वास्थ्यमा पर्ने जोखिमलाई रोक्न मद्दत गर्दछ ।

जल निकासी प्रणालीमा विभिन्न प्रकारका ड्रेनेज पाइपहरू प्रयोग गरिन्छ । गुणस्तरीय पाइप छनोट गर्न नसक्दा पाइपहरू फुट्ने, चुहिने, खिइएर जाने, पाइप भित्र जीवाणुहरू फैलिने, पाइपहरू जाम हुने, पाइपमा प्रयोग भएको केमिकल पानीमा मिसिने जस्ता समस्याहरू आउने गर्दछन् । पाइपहरू भित्ताको भित्री भागमा जडान हुने हुँदा कुनै पनि समस्या आइपर्दा भित्ता सबै भत्काएर पाइप झिक्नुपर्ने हुन्छ । त्यसैले निर्माणको क्रममा नै गुणस्तर प्रमाणित पाइपहरूको प्रयोग गरे यस्ता समस्याहरूबाट जोगिन सकिन्छ ।

बजारमा प्रयोगको प्रकार अनुसार छुट्टा–छुट्टै किसिमको ड्रेन पाइपहरू उपलब्ध छन् । जस्तै भूमिगत जल निकासका लागि माटोको पाइप, फोहोर निकासका लागि बेग्लै पाइप, भेन्टिलेसनको लागि भेन्ट पाइप, वर्षाको पानी संकलनको लागि डाउनस्पाउट पाइपको प्रयोग गरिन्छ । मंगलम प्रोड्रेन पाइपहरू IS:१३५९२ अनुसार रिङफिट र सेल्फिट दुवैमा “टाइप ए” र “टाइप बि” गरी दुई फरक प्रकारमा उत्पादन छन् । “टाइप ए” का पाइपहरू भेन्टिलेसन र वर्षाको पानी संकलनमा प्रयोग गरिन्छ भने “टाइप बि” का पाइपहरू माटो र फोहोर निकासी अनुप्रयोगहरूको लागि प्रभावकारी हुन्छ ।

यी पाइपहरू एकल सकेट र डबल सकेटको साथ विभिन्न लम्बाइ तथा विभिन्न आकारहरूमा उपलब्ध छन् । मंगलमका सबै उत्पादनहरू उच्च गुणस्तरीय जापानी कच्चा पदार्थ र अत्याधुनिक जर्मन प्रविधि प्रयोग गरेर नेपालमै बनाइन्छ । नेपालकै सबैभन्दा ठूलो प्रयोगशाला भएको मंगलम् इन्डस्ट्रिजले नेपालमा निर्माण कार्यका लागि आवश्यक सबै पाइप तथा फिटिङ्स उत्पादन गर्दै आएको छ ।

यसका सबै उत्पादनहरू आईएसओ ९००१ः२०१५ प्रमाणित छन् भने मंगलमको सीपीभीसी, पीभीसी र एचडीपीइ पाइप आईएसओ साथ साथै नेपाल गुणस्तर (एनएस) चिन्ह पनि प्रमाणित छन् । यी उत्पादनहरू प्लम्बिङ पेशामा लागेका अनुभवी पेशाकर्मीहरुको साथै घर-धनीहरू र निर्माण व्यवसायीहरूको पहिलो र विश्वसनीय रोजाइ भएको मंगलमको विश्वास रहेको छ ।

प्रतिक्रिया दिनुहोस्