खप्तड लघुवित्तको आईपीओ बाँडफाँट «

खप्तड लघुवित्तको आईपीओ बाँडफाँट

खप्तड लघुवित्त वित्तीय संस्था लिमिटेडको आईपीओ बाँडफाँट भएको छ ।
कम्पनीको आईपीओमा १८ लाख ८३ हजार ११८ जनाले आवेदन दिएका थिए । जसमध्ये दोहोरो आवेदनका कारण रद्ध भएका १ हजार ५५१ तथा अन्य कारणबाट आवेदन रद्ध भएका ९८ हजार ४९३ बाहेक बाँकी रहेका १७ लाख ८३ हजार ७४ वटा योग्य आवेदन मध्येबाट १२ हजार ३४० जनालाई न्यूनतम १० कित्ता आईपीओ बाँडफाँट गरिएको कम्पनीले जनाएको छ ।
कम्पनीको आईपीओ ८ देखि १२ भदौसम्म सार्वजनिक रूपमा निष्कासन खुला गरिएको हो । निष्कासित कुल एक लाख ३२ हजार कित्ता शेयरमध्ये सामूहिक लगानी कोषलाई पाँच प्रतिशत अर्थात् ६ हजार ६०० कित्ता तथा कर्मचारीलाई जारी पूँजीको ०.५ प्रतिशत अर्थात् २ हजार कित्ता छुट्याई बाँकी रहेको एक लाख २३ हजार ४०० कित्ता शेयर सर्वसाधारणका लागि निष्कासन गरिएको थियो ।
निष्कासनको करिब १६९ गुणासम्म आवेदन परेको प्रभु क्यापिटलले जानकारी दिएको छ । हाल संस्थापकतर्फ लघुवित्तको चुक्ता पुँजी २ करोड ६८ लाख रुपैयाँ रहेको र आईपीओ बाँडफाँट पश्चात् लघुवित्तको चुक्ता पुँजी ४ करोड रुपैयाँ पुग्नेछ ।

प्रतिक्रिया दिनुहोस्