टानको अध्यक्षमा निलहरि बास्तोला विजयी «

टानको अध्यक्षमा निलहरि बास्तोला विजयी

पर्वतीय पर्यटन व्यवसायीहरुको छाता संगठन ट्रेकिङ एजेन्सीज एसोसिएशन अफ नेपल (टान) को ४४औं वार्षिक साधारण सभा एवम् निर्वाचनबाट निलहरी बास्तोलाले ६१६ मतसहित विजयी भएका छन् । अध्यक्षका प्रत्यासी द्वय रामप्रसाद सापकोटा र बोधराज भण्डारीलाई पराजित गर्दै बाँस्तोला बिजयी भएका हुन् ।
निर्वाचनमा अध्यक्षका प्रतिस्पर्धी बास्तोला प्यानलनै विजयी भएको हो । टानको वरिष्ठ उपाध्यक्षमा कृष्णप्रसाद दाहालले ५०४ मत, प्रथम उपाध्यक्षमा प्रदीप पण्डित ५५२ मतका साथ विजयी भएका छ । द्वितीय उपाध्यक्ष धनबहादुर गुरुङले ५९८ मत ल्याएर विजयी भए । महासचिवमा विनोद सापकोटा (बाबु) ५४४ मत, सचिवमा होमनाथ भट्टराई ५०३ मतका साथ विजयी भएका छन् । कोषाध्यक्षमा पुरुषोत्तम तिमिल्सिनाले ४८८ मत, सहकोषाध्यक्षमा छिङ दोर्शी शेर्पा ५१६ मतसहित विजयी भएका हुन् ।
यस्तै महिला सदस्यमा सजना त्रिपाठी, खुल्ला सदस्यमा रामप्रसाद बञ्जारा, राजु अर्याल, गणेशबहादुर अधिकारी, कुमार लामा, नविनाथ देवकोटा, सुवास भण्डारी, लाक्पा दोर्जे शेर्पा र कृष्णबहादुर परियार निर्वाचित भएको टान निर्वाचन समितिले जनाएको छ ।
टानका नवनिर्वाचित अध्यक्ष बास्तोलाले टानलाई व्यवसायीको साझा संस्थाको रुपमा स्थापित गर्न सरोकारवालासँग सहकार्य गरेर अघि बढ्ने पर्यटन प्रवद्र्धनका निमित्त व्यावसायीक संस्था बनाउन केन्द्रीत हुने बताए । उनले, निर्वाचनका दौरानमा प्रस्तुत गरिएको २० बुँदे घोषणापत्र कार्यान्वयनका लागि निर्वाचित टिमले काम गर्ने बताए । टानलाई समयसापेक्ष बनाउँदै सेवा प्रवाहलाई चुस्त दुरुस्त बनाएर व्यवसायीका समस्या सम्बोधन गरिने उनको भनाइ छ ।
कोभिडबाट सिथिल बनेको मुलुकको पर्यटन पुनरुत्थानका लागि सरकार तथा निजी क्षेत्रले सहकार्य गरेर पर्यटन क्षेत्रमा सकारात्मक उत्साह जगाउने कार्यमा लाग्ने अध्यक्ष बास्तोलाले बताए । उनले भने, “व्यवसायीले खोजेजस्तो टान बनाउन मैले यो क्षेत्रमा विताएको पर्वतीय पर्यटनको २८ वर्षे अनुभवको सदुपयोग गर्दै टे«किङ व्यवसायीहरुको हितमा लगाउने छु ।”
टानको निर्वाचनमा अध्यक्ष, पदाधिकारी र सदस्य गरी कुल २५ सदस्यीय कार्यसमितिमध्ये १७ जना निर्वाचित र बाँकी सदस्य मनोनित गरिनेछ । एक हजार ८ सय ५० व्यवसायी आबद्ध टानमा एक हजार २ सय ५० मतदाता छन् ।

प्रतिक्रिया दिनुहोस्