विद्यालयस्तरबाटै ‘पढ्दै र कमाउँदै’ एनआरएनए परियोजना «

विद्यालयस्तरबाटै ‘पढ्दै र कमाउँदै’ एनआरएनए परियोजना

विद्यालयस्तरका बालबालिकाहरूलाई आत्मनिर्भर बनाउन गैरआवासीय नेपाली संघ (एनआरएनए) ले पढ्दै र कमाउँदै परियोजना सञ्चालनमा ल्याउने भएको छ ।
परियोजनाका संयोजक तथा गैरआवासीय नेपाली संघ (एनआरएनए) का उपमहासचिव रामशरण सिम्खडाका अनुसार विद्यालयस्तरका बालबालिकाहरूलाई व्यावसायिक शिक्षामार्फत आत्मनिर्भर बनाउन परियोजना सञ्चालनमा ल्याउन लागेको बताए ।
गैरआवासीय नेपाली संघको ‘पढ्दै र कमाउँदै’ परियोजनाको अनुमानित बजेट १० करोड रुपैयाँ हुने र परियोजनाको अवधि ६ वर्षको हुने संयोजक सिमखडाले जानकारी दिए । उक्त परियोजनाको मुख्य उद्देश्य विद्यालयस्तरका १० वर्षदेखि १८ वर्षसम्मका विद्यार्थीहरूलाई व्यावसायिक शिक्षा प्रदान गर्दै आर्थिक रूपमा समेत सबल बनाउने रहेको एनआरएनएले जनाएको छ ।
अभावका कारण बीचैमा पढाई छोडेर वैदेशिक रोजगारी जाने विपन्न वर्गलाई लक्षित गर्दै यो परियोजना अगाडि सारिएको सिम्खडाले जानकारी दिए । परियोजनाले विद्यार्थीहरूले विद्यालयमा सिकेको सैद्धान्तिक शिक्षालाई व्यावसायिक ज्ञानमार्फत आर्थिक उपार्जनका लागि सहयोग पुग्ने बताइएको छ । परियोजनाले ती विद्यार्थीहरूका परिवारलाई आवश्यक पर्ने अन्य सहयोग, ज्ञान, सीप, तालिम, प्राविधिक सहयोग, बजार व्यवस्थापनको लागि आवश्यक सहयोग गर्ने छ । पढ्दै र कमाउँदै परियोजना सम्पन्न गर्न गैरआवासीय नेपाली संघले एक कार्यदलको समेत गठन गरेको छ ।
सो कार्यदलको अध्यक्षमा संघका उपमहासचिव रामशरण सिम्खडा छन् भने उपाध्यक्षहरूमा रबिन्द्र खड्का (डेनमार्क) मिलन छन्त्याल (आयरल्याण्ड) छन्। कार्यदलको सदस्य सचिवमा बाबा राजेश्वोरी थापा अष्ट्रिया, र सदस्यहरूमा राजु अर्याल नर्वे, दिपक शर्मा अस्ट्रेलिया, विष्णु राना मगर अमेरिका, तेजबहादुर थापा साउदी अरब, नविन बिक चीन, आरपी पन्त सेयचेल्लेस, लाल केसी न्युजिल्यान्ड, हरि भट्टराई बेल्जियम, सुनिल रानाभाट स्पेन, लक्ष्मी गिरी बहराइन, दीपक श्रेष्ठ युके, ल्हाक्पा तेन्जी शेर्पा रोमानिया, देवी पौडेल मोजाम्बिक, संगीता अधिकारी सुबेदी जापान, राजकुमार उपाध्याय अष्ट्रिया, सुभा एल्मेर लामा स्विट्जरल्याण्ड, रञ्जित क्षेत्री मलेसिया, प्रदीप न्यौपाने चीन, सरस्वती खनाल साइप्रस, सन्तोष भट्ट जर्मनी, डा. बिनोद पौडेल टर्की छन् । यस्तै कार्यदलको सल्लाहकारमा नेपाल सरकारका पूर्वसचिव किशोर थापा, महिला योजना आयोग प्रमुख लिली थापा, एनआरएनए उपाध्यक्ष डा. विष्णुमाया परियार, एनआरएनए अध्यक्ष डा. बद्री केसी, जनज्योती उमाविका प्रधानाध्यापक नारायण सिग्देल छन् ।

प्रतिक्रिया दिनुहोस्