सूर्य नेपाल प्रिमियर गल्फ च्याम्पियनसिप नम्बर एक बन्ने दाउमा भुवन र सञ्जय «

सूर्य नेपाल प्रिमियर गल्फ च्याम्पियनसिप नम्बर एक बन्ने दाउमा भुवन र सञ्जय

सूर्य नेपाल प्रिमियर गल्फ च्याम्पियनसिप सूर्य नेपाल गल्फ टुर २०१८–१९ को नवौं तथा अन्तिम प्रतियोगिता वैशाख ३० गते सोमबारदेखि गोकर्ण गल्फ क्लबमा सुरु हुँदैछ । सूर्य नेपाल प्रिमियर गल्फ च्याम्पियनसिपमा प्रोफेशनल गल्फरहरूले १२ लाख ६० हजार नगद पुरस्कारको लागि आ–आफ्नो दाबेदारी प्रस्तुत गर्नेछन् ।
यो पटक दाबेदारी झन् मजबुत हुनेछ । नम्बर एक खेलाडी शिवराम श्रेष्ठको अनुपस्थितिमा अन्य गल्फरलाई नम्बर एक खेलाडीको ताज पहिरिने सुनौलो अवसर रहेको छ । जसको दाबेदार हुन्, नम्बर दुई खेलाडी भुवन नगरकोटी र चर्चित गल्फर सञ्जय लामा । सूर्य नेपाल प्रिमियर गल्फ च्याम्पियनसिपको विजेताले ट्रफीसँगैे २ लाख ३० हजार तथा दोस्रो र तेस्रो हुने खेलाडीहरूले क्रमशः १ लाख ४० हजार र ९५ हजार प्राप्त गर्नेछन् । जसले अर्डर अफ मेरिटमा ठूलो अर्थ राख्नेछ । यही कारण खेलाडीका लागि चुनौती र अवसरको रुपमा रहेको छ, सूर्य नेपाल प्रिमियर गल्फ च्याम्पियनसिप । डिफेन्डिङ च्याम्पियन भुवन नगरकोटी उपाधि रक्षा गर्दै पहिलो पटक नम्बर एक खेलाडी बन्न चाहन्छन् । गत सिजन तीन उपाधि जित्दै करियरकै उत्कृष्ट प्रदर्शन गरे । तर यो सिजन उपाधिविहिन रहे ।
सूर्य नेपाल एनपिजिए टुर च्याम्पियनसिपमा संयुक्त रूपमा दोस्रो हुँदा सूर्य नेपाल एनपिजिए म्याचप्लेमा पनि दोस्रो स्थानमा नै समेटिए । यो सिजनको प्रदर्शनमा भुवन आफै निराश छन् । लामो आइरनमा संघर्ष गरिरहनु परेको र फोकस हुन नसकेकोले नतिजा आउन नसकेको उनको भनाई छ । तर पछिल्लो समय क्लब परिवर्तन र घरेलु कोर्सले गर्दा आशावादी छन् भुवन । प्रो सञ्जय र एमेच्योर खेलाडीहरूलाई उनले चुनौती मानेका छन् । भुवनसँग फरक र रोचक प्रसङ्ग पनि छ । शिवरामश्रेष्ठ उनको सबैभन्दा ठूलो प्रतिद्वन्द्वी हुन्, र उनी नहँुदा कोर्समा सहज लिने बानीले पनि राम्रो नतिजा आउन नसकेको उनको ठम्याइ छ । भुवन शिवरामलाई मिस गरिरहेका छन् ।

प्रतिक्रिया दिनुहोस्