सरकारको नीति स्थिर नभएसम्म अर्थतन्त्रमा समस्याः क्षेत्री «

सरकारको नीति स्थिर नभएसम्म अर्थतन्त्रमा समस्याः क्षेत्री

नेपाल राष्ट्र बैंकका पूर्वगभर्नर दीपेन्द्रबहादुर क्षेत्रीले राष्ट्र बैंकले ल्याउने आगामी मौद्रिक नीति अपेक्षाकृत हुनेमा आशंका व्यक्त गरेका छन् ।
पूर्वगभर्नर क्षेत्रीले राष्ट्र बैंकले ल्याउने आगामी मौद्रिक नीति विगतको जस्तो बिस्तारकारी आउनेमो शंका रहेको बताए । उनले बैंकहरुले उद्योगको क्षमता बिस्तार गर्न दिएको कर्जा आयात गर्न प्रयोग भएको बताए । पूर्वगभर्नर क्षेत्रीले नेपाल राष्ट्र बैंकका गभर्नर स्वयंले हरेक फोरमहरुमा बैंकिङ ब्याजदर बढ्ने स्पष्ट रुपमा भनेकाले शंका गर्ने स्थिति रहेको बताए ।
“समग्र मुलुकको अर्थतन्त्रलाई हेर्ने हो भने हामीले आशा र अपेक्षा गरेजस्तै हिजोको जस्तो बिस्तारकारी मौद्रिक नीति आउँछ भन्ने कुरामा शंका छ” उनले भने, “हरेक फोरमहरुमा गभर्नरले अब ब्याजदर बढ्छ । व्यवहारमा नै देखाउनु भयो ।”
उनले अहिले राष्ट्र बैंकले ब्याजदरको विषयमा ट्रेजरी बिलको ब्याजदर ११ प्रतिशत पु¥याएर व्यहारमा देखाएको दाबी गरे । क्षेत्रीले यस्तो अवस्थाले अब बैंकमा रहेको रकमसमेत ट्रेजरी बिलमा जाने सम्भावना भएको भन्दै बैंकिङ निक्षेपमा समस्या यथावत रहने बताए ।

“बैंकसँग रहेको रकम पनि ट्रेजरी बिलमा जाने सम्भावना भएको हुनाले बैंकिङ निक्षेपमा समस्या रहन्छ” उनले भने, “राष्ट्र बैंकले गरेको संकेत अनुसार र सरकारको संकेतले अन्तरबिरोध छ ।”
उनले सरकारले बजेट भाषणमा बैंकिङ ब्याजदर घटाउने नीति ल्याउने तर राष्ट्र बैंकका गभर्नरले ब्याजदर बढ्ने बताइसकेकाले सरकार र राष्ट्र बैंकबीचमा अन्तरबिरोध रहेको बताए । पूर्वगभर्नर क्षेत्रीले सरकारको नीतिमा जहिलेसम्म स्थिरता नभएसम्म अर्थतन्त्रमा समस्या ल्याउने बताए ।
पूर्वगभर्नर क्षेत्रीले नेपालको अर्थतन्त्रमा तत्काल श्रीलंकाको जस्तो परिस्थिति नरहेको बताए । उनले श्रीलंकाको जस्तो राजनीतिक अधिकार सीमित व्यक्तिलाई दियो भने कुनै समय हुनसक्ने सम्भवना भने कायम रहेको पनि बताए ।
“नेपालको अर्थतन्त्र धेरै परिस्थितिले श्रीलंका हुने परिस्थिति छैन” उनले भने, “तर राजनीतिक अधिकार सीमित मान्छेलाई अवस्थामा गइयो भने कुनै समयमा हुनसक्छ भन्ने कुरा श्रीलंकाबाट सिक्न सक्छौं ।”
श्रीलंकामा एउटै परिवारबाट राष्ट्रपति, प्रधानमन्त्री र अर्थमन्त्री बनेर जथाभावी करका दरहरु चलाएकाले अहिलेको स्थिति आएको उनको तर्क छ ।
पूर्वगभर्नर क्षेत्रीले विदेशी मुद्रामा नेपालको जम्मा सम्पति, एसडिआर र जम्मा गरेको सुनको समेत हिसाव गर्दा सीमित वर्गका लागि चाहिने आयात र खपत बढ्दै गएको पेट्रोलियम पदार्थको समेतलाई पुग्नेगरी ७ महिनाको आयात धान्नसक्ने अवस्था रहेको बताए ।

प्रतिक्रिया दिनुहोस्