नेपालमा लगानी गर्न अष्ट्रेलियालाई चेम्बरको आग्रह «

नेपालमा लगानी गर्न अष्ट्रेलियालाई चेम्बरको आग्रह

नेपाल चेम्बर अफ कमर्सले नेपालमा लगानीका लागि अष्ट्रेलिया समक्ष आग्रह गरेको छ ।
नेपालका लागि अष्टे«लियन राजदूत फेलीसिटी वोल्कसँग भएको भेटवार्तामा चेम्बरका पदाधिकारीले जलविद्युत, वन, पर्यटन, कृषि एवं साना उद्योगमा लगानीका लागि आग्रह गरेका हुन् । नेपाल र अष्ट्रेलियाबीच ६० वर्ष भन्दा पुरानो कुटनीतिक सम्वन्धलाई थप बलियो बनाउन सरकारी र निजी क्षेत्रबाट उच्चस्तरीय आर्थिक साझेदारीको आवश्यक्ता रहेको अध्यक्ष मल्लले बताए ।
अष्टे«लियाले नेपालको वन क्षेत्रको संरक्षण तथा सम्वद्र्धन गर्न लामो समयदेखि आर्थिक एवं प्राविधिक सहयोग गरेको भन्दै अध्यक्ष मल्ले यसको निरन्तरतामा जोड दिए । उनले जडिबुटी एवं खानीजन्य तथा धातुहरुको प्रशोधन गर्ने उद्योगमा लगानी गरी अन्तर्राष्ट्रिय बजार प्रर्वद्धन गर्नसमेत राजदूत वोल्कलाई आग्रह गरे ।
“समृद्ध मुलुक अष्टे«लियाले थुप्रै देशमा लगानी गरिरहेको छ । तर नेपालमा लगानी निकै नगण्य मात्रामा छ” अध्यक्ष मल्लले भने, “भारत तथा बंगलादेशको विद्युत बजारलाई मध्यनजर गर्दै अपार सम्भावना भएको नेपालको जलविद्युतमा लगानी गर्नका लागि म महामहिम राजदूतलाई आग्रह गर्दछु ।”
अष्टे«ेलियाका ठूला लगानीकर्तालाई नेपालको जलविद्युतमा लगानीका लागि अध्यक्ष मल्लले आग्रह समेत गरे । वैदेशिक लगानीका लागि नेपालले नीतिगत क्षेत्रमा थुप्रै सुधार गरिसकेकाले ढुक्क भएर लगानी गर्न अध्यक्ष मल्लले राजदूत वल्क समक्ष आग्रह गरे । अध्यक्ष मल्लले भने, “अष्टे«लियाको लगानी सुनिश्चित गर्न निजी क्षेत्रको तर्फबाट नेपाल चेम्बर अफ कमर्सले पहल गर्नेछ ।”

नेपालका विद्यार्थीहरु अष्टे«ेलियमा अध्ययनका लागि गइरहेको सन्र्दभमा अध्यक्ष मल्लले त्यहाँका विख्यात शैक्षिक संस्थाहरुबाट नेपाली शैक्षिक संस्थालाई सम्बन्धन दिई शिक्षाको गुणस्तर सुधारमा सहयोग गर्नसमेत आग्रह गरे । अध्यक्ष मल्लले नेपाल र अष्टे«लियाबीच सीधा हवाई सेवा बिस्तार गरेर दुवै देशले फाइदा लिन सक्नेमा जोड दिए । यसले नेपालको पर्यटन प्रर्वद्धनमा समेत महत्वपूर्ण भूमिका खेल्नेमा अध्यक्ष मल्लले विश्वास व्यक्त गरे । सूचना प्रविधिको क्षेत्रमा लगानीका लागि अष्टे«लियाको निजी क्षेत्रमा पहल गरिदिन समेत राजदूत वल्कलाई अध्यक्ष मल्लले प्रस्ताव गरे ।
जवाफमा राजदूत वल्कले नेपाल अष्टे«लियाको कुटनीतिक सम्बन्ध ६० वर्ष भन्दा पुरानो र ऐतिहासिक भएको बताइन् । नेपालसँगको ऐतिहासिक सम्बन्धलाई अष्ट्रेलियाले सधै गर्व गर्ने उनले बताइन् । नेपालबाट बार्षिक ५० हजार विद्यार्थी अध्ययनका लागि अष्टे«लिया जाने गरेको भन्दै वल्कले उनीहरुको शैक्षिक सुधार तथा भविष्यका लागि आफ्नो सरकारले उच्च प्राथमिकतामा राखेको बताइन् ।
“नेपालबाट वार्षिक ५० हजार विद्याथीलाई अष्टे«लियाले अध्ययन भिषा उपलव्ध गराउ“दै आएको छ” उनले भनिन्, “अष्टे«लिया अध्ययन गर्न आउने नेपाली विद्यार्थीको संख्या विश्वमा चीन, भारत पछि नेपाल तेस्रो स्थानमा छ । हामी अझै यसको सुधारको पक्षमा छौं ।” नेपालमा लगानीका लागि नीतिगत समस्या हु“दा पनि अष्टे«लियाबाट अपेक्षित लगानी आउन नसकेको राजदूत वल्कको भनाइ छ ।

प्रतिक्रिया दिनुहोस्