नेप्से परिसूचकमा ८.०३ अंकले वृद्धि «

नेप्से परिसूचकमा ८.०३ अंकले वृद्धि

सेयर बजार मापक सूचक नेप्से परिसूचक बिहीबार पनि वृद्धि भएको छ ।
पछिल्लो तीन दिनदेखि नेप्से परिसूचक निरन्तर रुपमा वृद्धि हुँदै आएको छ । बिहीबार नेप्से परिसूचक ८.०३ अंक अर्थात् ०.३६ प्रतिशत बढेर २२३९.६० बिन्दुमा पुगेको छ । त्यस्तै, सेन्सेटिभ इण्डेक्स १.३९ अंक बढेको छ भने फ्लोट इण्डेक्स ०.७१ अंक र सेन्सेटिभ फ्लोट इण्डेक्स ०.५६ अंकले बढेको छ ।
बिहीबार कारोबारमा आएका २२२ कम्पनीको २३ लाख २४ हजार कित्ता सेयर ८८ करोड ९८ लाख ३४ हजार रुपैयाँ बराबरको खरिदबिक्री भएको छ । नेप्से सामान्य अंक बढेपनि कारोबार रकम भने न्यून भएको छ । अघिल्लो कारोबार दिन १ अर्बभन्दा बढीको सेयर खरिदबिक्री भएको थियो ।
नेप्सेका १३ उपसमूहमध्ये ५ उपसमूहको परिसूचक गिरावट आएको छ भने बाँकी ८ उपसमूहको परिसूचक वृद्धि भएको छ । जसमध्ये बैंकिङ उपसमूह सबै भन्दा बढी ०.९८ प्रतिशतले बढेको छ । अन्य उपसमूहको परिसूचक सर्वाधिक ०.८६ प्रतिशत घटेको छ ।
यस दिनको कारोबारमा मेगा बैंकको सेयर सकारात्मक सर्किट लेभलमा कारोबार भएको छ । त्यस्तै, नारायणी डेभलमेण्ट बैंकको ६.२० प्रतिशत बढेको छ । तर यता, गुराँस लघुवित्तको सेयरमूल्य सर्वाधिक ५.४७ प्रतिशत घटेको छ । सिंगटी हाइड्रो इनर्जी र माउण्टेन इनर्जीको सेयरमूल्य साढे ३ प्रतिशतभन्दा बढी घटेको छ । कारोबार रकमका आधारमा ५ करोड ४२ लाख रुपैयाँ बराबरको सेयर खरिदबिक्री गरेर मेगा बैंक शीर्ष स्थानमा रहेको छ ।

प्रतिक्रिया दिनुहोस्